والرضى
والعافية
وراحة البااال
لي ولكم ولجميع المسلمين........
أول شي أعتذر أني كتبت موضوعين في وقت قريب من بعض وإن شاءالله ماأكون ثقيلة دم عليكم...:)
بس كانوا كل الموضوعين في بالي وأعرف روحي لو أجلته بنساه أو يخف حماسي...
أنا أوخيتكم وقلبي عليكم ويعلم ربي أني أنجرح مثل كل وحده تشتكي والألم أحسه بصدري لكن مابيدي غير أني أحاول أكتب شي ممكن يخفف عنهم....
ماأطول عليكم وبدخل في الموضوع...
الحين جعلي وياكم من أهل الجنة ياارب....نعرف مدى ألم اي وحده نطق زوجها بكلمة : تراني بتزوج!
أو جاها خبر: زوجك بيتزوج...
الله يبرد على قلوبكم يااارب........
زواجه مالنا علاقه فيه ولا في أسبابه..
رد فعلك بعد مالنا علاقة فيه كل وحده حره وأكيد بتطلع اللي في خاطرها
ليش..ووش ناقصني؟..وش مقصرة فيه؟ وش فيك ماتحس فيني..........الخ...
كل هذا مالنا فيه الحين لأن هذا قضاء الله وقدره ومالنا فيه حيلة
ولو صار أدري مؤلم وأدري صدمة..وماأقول كابري ولا يهمك
الا أبكي وأزعلي وسوي اللي تبين تسوينه وخلي الأمور تأخذ مجراها الطبيعي بس إذا الأمر صار وأنتهى فأفيقي من صدمتك وأحمدي ربك على كل حال ووكلي أمرك له وأستردي ذاتك ولااااااااااااااااااااااااااااااااتنكسرين
لاااااااااااااااااااااااااااتنكسرين
تزوج...طيب...وش نقص فيك!
أنتِ مافيك عيب ولا نقص والف واحد يتمناك فليش الذبول والحزن!
من راح من كيفه كيفه يوديه وكيفه يجيبه
لاتتوقعين بدموعك وحزنك بتسردينه أو تغيرين وضعك أو يحن عليك...
وتعالي أحسبيها معي...
رجال تزوج وخذ عروسته وبدأ حياة جديدة...
جديدة عليه!...يعني عطيه وقت يتشبع وبيبدأ هو بدوره يحسبها...
لاتخلينه لما يحسبها يجي لك يلاقيك عابسة...مادة بوزك مترين ونص!
شعرك منكوش ومهمل وحالتك حاله أو يلاقيك ذبلانه منتهية...ورسايل جوال عن الزمن وغدر الزمن..بيرحمك...لكن..
بيروح لبيته الثاني..بيلاقي وحده مبتسمة..ترحب فيه..تدلعه...تأكله..تتعطر وتتشيك وتتغندر ورسايل شوق ولهفه!
أحسبيهااااااااااا معي...
لو كانت ماأعجبته أو ماأرتاح أو مو مزاجه أو أو..........
أنتِ بفعلك تحلينها في عينه! وزي ماقلت كلها مسألة وقت وبيبرد شعوره تجاهها فلا تخلينه يحسها أقرب منك بسبب نظرتك له وكأنه أرتكب جُرم!
الواحد مايبي إلا جلسة رااايقة هادية ومايحب عتب ومشاكل وفلانة قالت وعلانة سوت أو أنت فيك أو مقصر أو اي كلام
تعالي أحسبيها ثانية معي...
تزوج وأنتهى الأمر...
أنصدمت وبكيت وشكيت..طيب إلى متى!
وتراني ضد أن الوحده تتغير 180 درجة إذا تزوج زوجها وربي ماراح يحس بتغيرها إلا بيرحمها بيقول فجعتها!
وفعلك وتزينك وتغيرك ماراح يعطي النتيجة المرجوة...
فتعالي بذكاء ودهاء...
هو صح حقه يتزوج وإذا أنتِ بتستمرين معاه تقبلي الوضع
وقولي يافلان حتى أنا لازم التفت لحياتي واشوف نفسي وأهتم في عمري
حسيت أني ضيعت وقتي وعمري كله لك ولعيالك وأهملت نفسي:32:
والحين لازم أهتم في روحي وأدلعها يمكن أكون يوم زوجة لغيرك
( لأحد يطب في بطني ترى فيني النوم ومواصله ماودي أتهاوش مع أحد
القصد
* نحرك مشاعره لأن الرجال يشوف زوجته ملكه ومايرضى تكون لغيره
يعني حتى هم يغارون:)
* غير كذا فرصة لما تبدين تتغيرين يحس أنك في بالك مخططات تنسفه من قلبك!
( أذكركم كل وحده أبخص بزوجها وإذا ينفع معه هالأسلوب أو لا)
لكن عني لو يكفخني لازم أقول هالكلام ...:o
أبي أحسسه أني ممكن أطلب الطلاق وأرمي عيالي واشوف حياتي " مثله"
وأبدي عاد شغلك...
تزوج...مع السلامة..
أسدلي الستارة عليه...
والتفتي لنفسك...أنشغلي عنه...عن التفكير فيه..
طلعوا..ناموا...ضحكوا..فطسووا...مالك شغل فيه تراه مخلوق مثلك مايستاهل تنكرين ذاتك ووجودك عشانه
تحري وقت جيته لك..
خليه يدخل يلاقيك تضحكين..تسولفين...تلعبين..ايه العبي بلاي ستيشن او نطي حبل مع أولادك وتحري لوقت دخوله يشوفك منطلقة كذا...لاتحسسينه إنك ميته عليه ومتي بدونه!
جمعي عيالك واطبخي أي طبخه بس بمتعه..
صغري عقلك مع عيالك والعبي زيهم وأضحكي زيهم وأنسي الدنيا:04:
خليه يدري إنك قوية به أو بدونه...
رحبي فيه عااادي وأشتقنالك أو نور البيت وأجلسي بدلع وامزحي مع عيالك وخليك عفوية لاتبالغين بس لاتضعفين قدامه...
سمعتيه داخل قومي انشغلي بشي حطي قناع بوجهك أو حطي ميك آب أو مناكير أو أقعدي أدهني بشرتك وسيقانك وشبه تعري كانك مادريتي عنه ودندني بأغنية حب وشوق..
( خليه يقول وش عندها هالبنت معقبة مغرمة وش ناويه عليه:D
وإذا شفتيه..أبتسمي وقولي هلا والله وارجعي كملي شغلك..
( عشان يحس فعلك عشانك مو عشانه وتتزينين له )
حتى لو مو يومك..دلعي روحك واستغلي وقت فراغك حتى لو دخل فجأة يشوفك مروقة وناسيته
ولو دق عليك وهو مو يومك وكلمك..ردي على السريع حسسيه إنك مشغولة وجيبي أي عذر
قولي :حبيبي أنا مشغولة الحين قاعدة أسوي حمام زيت لشعري وبردانه لافه بس الفوطة علي:35:
أو مزيته جسمي وأخذ دش وبردانه جسمي مبلل..يالله مع السلامة...
منها: تحركين مشاعره وتخيله
ومنها يحس أن عندك شي والا وحده محلك المفروض أنها مشتاقة له وفرحانه إن حضرته كلمها أو المفروض أنك تهلين دميعاتك بسببه!
مارسي رياضة شد الجسم والبطن وهو حواليك ولوو علق قال: ماشاءالله واي كلام
قولي: ايه الواحد صار لازم يهتم في روحه يمكن اكون زوجة ثانية في يوم أبي العبها صح وأطير عقله وأضحكي
( أرجع أذكر مو كل الرجال ينفع معهم الكلام هذا )
وبجد بجد اهتي في نفسك ودلعيها لأنك تستاهلين...
لاتحسبين الدنيا واقفة عليه..هي مسألة وقت وتمشي الحياة بحلوها ومرها...
لاتحسبين الحياة زوج وبس...
دلعي روحك واهتمي فيها أكثر من قبل مو عشانه تزوج إلا عشانك أنتِ انثى وتستحقين الإهتمام
وزواجه مو لعيب فيك إنما يجوز نقص فيه وحاب يسده!...
أنا ماأقول صدي عنه
عطيه قد مايعطيك...عطيه وأحتسبي الأجر من رب العالمين...عطيه لمجرد العطاء ومافيه شي بيضيع..
اللي خذها مو ملاك...هي إنسانة مثلك مثلها...إنسانة بتغار منك مثل ماتغارين منها...
إنسانة فيها نقص وفيها عيب لانها بشر...فلا تتوقعين إنها الكل في الكل وإنك صرتي ولا شي
بالعكس..ممكن تكون سبب لقربه منك...ممكن تفتح عينه على شي فيك مميز ماكان حاس فيه...
وممكن تكون سبب لدخولك الجنة من صبرك وتحملك وتحمدك على كل حال...
حتى لو ماأنصف وحتى لو قصر معكم...هذي مشكلته والعذاب والسخط من رب العاليمن بيحل عيله وأنتِ لك الأجر إن صبرتي وأحتسبتي....
فياحبيبتي....عيشي حياتك..اهتمي في نفسك..في صحتك...التفتي لأمور ممكن تسعدك وتفرغي لهواياتك وابتسمي ولا تزعلين ترى هذي دنيا زاااااااااااايلة والكسبان من أرضى ربه وكفى........
كل هذا فوق انه ممكن يلفت نظر زوجك...بيعطيك مجال للثقة في نفسك وينشغل فكرك عن الفكرة المعتادة من الأجواء اللي تهد حيلك بحزنها لأجواء تحسسك إنه مهما صار..الدنيا مازالت بخيررررر...
نظرتنا بس للدنيا هي اللي تحدد مصيرنا ونظرة الناس لنا!
مايحتاج أذكركم بقربكم من الله أكثر وأكثر وأن الدعاء يلين الحديد
أهم شي وكلي أمرك لله وخليك مؤمنة قوية صابرة وصامدة...:)
http://forum.hawaaworld.com/showthread.php?t=1425372
بعض الأمور اللي ممكن تفيدك..
تختلف المسميات/ زواج/ خيانة
ويبقى الجرح واحد:)