الجديد في مشكلتي ياخواتي الي ماولدتهم امي

بنات مساء الخير بنات صار امس شي جديد في موضوي مع اهل زوجي رحت ابي اسلم على عمتي ام زجي لان بناتها راحو وسافرو من عندها وبقيت بنتها الصغيره الي ارسلتها قبل لهم عشان اتصالح معهم والي صاردخلنا عليهم تخيلو ولاواحد منهم قام يسلم علي مشيت وسلمت على عمتي وماردت علي هم كانو جالسين في الحوش وبعدها دخلت جو البيت وهم الكلمه يألله تطلع وزوجي لاحظ حتى بنتي وش ذنبها ولاواحد سلم عليها المهم زوجي قال لامه ادخلي مع الحريم قات لاوالله ماني داخله مابي المشاكل ويوم حنا بنطلع قلت لعمتي مع السلامه والله ماردت لدرجه ان اخو زوجي انحرج ورد علي مكان امه وبعدين طلعنا من عندهم وزوجي متضايق وقاعد يقول ويردد عز الراس مقعاد في الوطن سالته قلت وش فيك قال اسمعي والله ماعاد تروحين عند احد من اهلي قلت ليه فقال لي كلام امه
السوال معقوله بتستمر حياتي كلها كذا انا الحين نازل وزني تسعه كيلو بسبب الهم والمشاكل وانا ماني راعيت مشاكل تكفون ساعدوني باراكم لانها والله تريحني ردو وخاصه الي يعرف سالفتي من البدايه وسبب مشكلتي تكفون ماحد يقول عيدي السالفه لانها تعبني نفسين تخيلو حتى بنتي بنت سنتين ملاحظه وتحط ايدها في فمها اذا شافت احد منهم وخاصه عمتي تغيرو عليها وش ذنب الطفله والله اني في تعبانه مره مره مره ساعدوني