الجديد في موضوعي انا وزووجي المصون

صبــــــــــآآح الخير لااحلــــــــــــى خوات بالعالم..

انا صح مارزقني الله من امي بخوات غير وحده عمرها 9 سنوات..

بس ربي اكرمني ورزقني ببنات عالم حواء الله يحفظهم ويخليهم لعينن ترجيهم..

موضوعي الاول..

http://forum.hawaaworld.com/showthread.php?t=3211332..


طبعـــآآ الحمدالله انا نفسيتي بالفتره اللي طافة كانت تمام التمام وماكنت افكر في زوجي كثير الحمدالله احس ربي صب في قلبي التبلد والا مبالااة والصبر واليقين بالقضاء والقدر وان ماحصل وسيحصل مكتوب ومقدر لامحاله..

اليوم العصر دق ابوي وقال ترا فلان بيجي المغرب زهبو القهوهـ,,

ولمت اوميمتي القهوهـ ودقيت انا على اخوي الكبير وقلتله ان زوجي بيجي وقلتله تعال تفاهم معه ..

وماني راجعه الا بشرط يرجع جوالي ويترك خرابيطه وهباله..وقالي اخوي فديته ابشري مايصير الا اللي يرضيك..

المهم جاء طويل العمر..(احس اني اكرهه وانا اصلا احبه..):hahaha: مشاعري متلخبطه من ناحيته..

جاء المغرب وتجمعو اخواني وابوي عاد هو شكله ترووع شاف العصابه قدامه خخخخ اخواني فديتهم خمسه واجسامهم ماشاء الله طول ولهم كتووف ورزه اجسامهم مثل الرياضيين..خخخخخ عاد اتخيل شكله يوم شافهم مجتمعين قدامه..<<قال جاك الموت ياتارك الصلاة..

تقهوو واذن العشاء وهم ماتكلمو في موضوعنا وصلو العشاء واخوي الكبير اخذ زووجي وراح هو وياه بالسيارهـ
وقعدو يقرقون على بعض ويتفاهمووون المهم اخذوو اكثر من ساعه ونص..همن جا اخووي لمي وقال خلاص تراه وافق على شرطك بس الجوال يقول مو معي بالبيت قلت مالي شغل ما اطلع الا وهو في يدي..

وراحله اخووي وقاله الكلام اللي قلتله..قال هو ان الجوال بالبيت وصعبه يروح يجيبه ومدري كيف..وحلف لااخووي واوعده انه يعطيني الجوال اول ماناصل البيت..

المهم ان امي واخواني الصغار قالو لاتروحين الحين خليه بعد العيد وانا قليبي متعلق بجوالي مااقدر اعيش من دونه..

قلت لا برووح واللي فيها فيها اهم شي جوالي ..\

المهم اني لبست عباتي وضفيت عفشي .. وركبت السياره.. وانطلقنا للبيت وبالطريق صار يلج علي وانا ساكته ما كان احد يتكلم..

وصلنا البيت وواول مادخلت نزلة عبايتي وفتحت شنطتي وطلعت لاااب عشان اتسلى فيه لان مابي احتك معه ابد وعشان اشغل نفسي عنه شوي..

يوم فتحت الاب قال سكريه..وناضرت فيه نضرة كره خخخخ وسكرت الاااب .. وانسدح على السرير وقال تعالي جمبي..
وناضرة فيه بقرف وقلت لا مابي اجي جمبك..<<والله يابنات انه وجهه تغير وانقلب لوونه يحسبني كرهتته من جد..خخخخ يوم شفت وجهه بغيت اضحك بس مسكت نفسي..وقال ليش ماتبيني قلت بس اذا تبي شي اخدمك اسويلك اللي تبي بس ما اجي جمبك..
وقعد يحاول فيني تعالي بنتفاهم المهم اني قربت منه ولفيت وجهي عنه .. قال انتي مغصوبه على الجيه معي.. قلت لا وماعاش من يغصبني مب انا اللي اغصب على شي مابيه..

وبدا عاد يبوس ويلمس وانا ودي استفرغ لان من جد وقتها كارهته.. وحط يده على بطني وقعد يسولف مع ولدهـ قال ان شاء الله تجي وتخدمني وتخدم امك..ووناضر فيني وقال قولي امين قلت امين.. بعدين قال ان شاء الله يطلع على ابوهـ قلت لا بسم الله علييه ان شاء الله يطلع احسن منك.. وقعد يضحك..

قال الحين انتي وش تامرين فيه قولي كل اللي تبين .. وقعدت اتكلم عن خيانته وليش يسوي كذا وقعد يوعد ويحلف انها اخر مره ومدري كيف..المهم اني خبله وقعدت اصيح وقلتله انا ماسويت كذا الا اني احبك واغار عليك لكن الحين والله لو بتكلم قدامي ماتهمني وماعلي منك ولا عاد راح اغار عليك وكانه بدا يخاف وقال خلاص الليوم نبدا صفحه جديده..

قال شي مت من الضحك وانا مستغربه ..خخخخخخ


قال,,






..






بروح اللبس ثوبي وعقالي وشماغي وبشتي حقت العرس ..

وانتي البسي قميص النووم حق اول ليله وبنبدا من جديد..

انا جاني ضحك وانا اصلا مالي خلق لها الحركات..المهم انه لبس وتكشخ ولبست انا وتكشخت ودخلنا على بعض خخخخخخخخخخخخخخخخخ

وقلتله انه يسفرني ويرضيني قلت اهم شي اني اسافر لو اي مكان.. قال الشرقيه قلت لا ..لانه اذا راح لشرقيه بيمر على اخته بالرياض وانا مابي اشوف احد ..

ونسيت اقولكم اني ساكنه فوق اهله بشقه خاصه لي.. عاد افكر اني ما انزل لمهم الليوم اخلي روحتي لمهم بكرآ..

او اني انزل نص دقيقه واسلم عليهم واطلع لشقتي مع اني والله مالي خلق اشوووف احد ..

والحين هو يحسبني نسيت كل شي.. طبعآ مارااح ارضى قوه الا لمن يكسر الجهاز والشريحه قدامي ولا مستحيييل اعامله مثل قبل..

وبــــــــــــــــــــــــــــــــــــــــــس حبيت اطمن البنات الي كانو يسئلوون عني ومتابعين موضوعي الله يجزاهم الف خير..

ومع السلامه..ادعولي ان الله يفرح قلبي بشوووفة اللي ببطني سوا بنت او ولد..مع اني احب البنات اكثر..:32: