الجديد والغريب في الموضه والدارج للعيد

السلام عليكم بنات ورحمة الله وبركاته


طبعا كل البنات يحبون يتابعون الجديد بالموضه

ويحبون انهم يتفننون بالشكل والترتيب في اللبس والاكسسوارات

ويسون اشياء غريبه للتميز

الحين نازل بالاسواق موضة التنانير الجينز الميني القصير حيل حيل

اشتري وحده تكون مميزة وفيها شك او حركه غريبه بس المهم انها تكون ميكروجيب

لا تتخرعون اصبروا علي

روحي اشتري قماش حرير منقوش بالاوان فانكي وغريبه او تكون بنفس لون الشك الي بالتنورة

روحي للخياط وعطيه التنورة حقتك وخليه يركبه اعلى التنورة بقصة كلوش ويوسي فيها

حركات وومكمن تكون كسرات او بلاسيه انتي وذوقك وتفننك

وخليه يسوي وياها قميص حرير من نفس القماش بشكل راقي والبسيها

مع حازم بيكون من نفس قماش الحرير خليه يسويه لك وبأطرافه كركوشه كريستال او قيطان

واشتري ورده حلوة وخليها مكان الربطه للحزام على الخصر ورده

الحين بعد الحركه الغريبه خلي الخياط يسوي لك شرايط من الحرير طويله نوعا ما

واشتري صندل حلوة وبعدين جيبي الشرايط وحطيها من تحت الصندل وانتي لابسته

اقرب لقاعدة الكعب وشديه لفوق من الجنبين واربطيه على الساق

وخليه يركب لك كركوشه من الكريستال او القيطان في اخر الشريط

ونفس الشئ شريطه للشعر بنفس الحركه وممكن نفس الورده الي على الحزام علىالشريطه

بالشعر

المهم انتي وذوقك ومش لازم كل الافكار تسوينها مرة وحده ممكن انك تشكلين

ممكن بدال القميص الحرير تشترين توب حلو وقصته حلوة ساده باللون الي يعجبك

ومن القماش الحرير يسوي لك ورده ومشكوكه وكريستالات وركبيها على التوب

وسوي شرايط من الحرير وركبيها على الرقبه ممكن وشبكيه ابوردة

ممكن مش ورده تشبكينها ممكن ببروش كشخه حيل

وتسوين لك اساوارة من قماش الحرير بشكل الشريطه وتعقدينها ببروش صغبر حيل

طبعا هذي فكرة من الافكار

ممكن انك بدال الحرير تستخدمين الشانتون او التفته موسلين تل

انتي ايش الي حابه

تعرفون شكل البناطيل حقت الف ليله وليله الي تكون من الشيفون ومزمومه من الطرف

بمطاط

اوكي احنى نبغى هذا الموديل ونسويه على قماش حرير لك اختيار تنسيق الالوان وطرفه

مكان المطاط يكون قماش دانتيل بحاشه ينزل على طول الكعب الي بتلبسينه

ونحدد نقطة التقاء الحرير بالدانتيل بخرز

وبعدين نجيب قماش دانتيل بحاشيه ونسويه تنورة لف بدون تبطين

وتكون من جانب اطول من الثاني وتتحدد من عند الخصر بقماش تفته

وبعدين جيبي المقص (وهذي الخطوة اختياري ) خلي الدانتيل مقصص كأنه شرايط

يعني تقصينه من الطرف الين قريب الخصر بيطلع لك شكل السبعات والثمانيات

يعني كذا \/\/^^\/\/^^/\/\/\^^ ان شاء الله فهمتوا يعني بشكل عشوائي

وركبي خرز بشكل دناديش على الخصر وبأشكال غريبه كبير وصغير ومدور مستطيل

وتتجمع من جانب واحد مكان الفتحه حقت التنورة اللف وممكن توسين ورده على الجمب

اذا انتي حابه من نفس الوان

سوي جاكيت ناعم حيل من قماش الدانتيل وسوي له حركات بالخرز ويكون كمه

جبنيز وانتي وذوقك وسوي شريطه من قماش الحرير وخليه يدخلها بقماش الدانتيل من عند الرقبه داخل طالع داخل طالع يعني يسوي

خروم بقماش الدانتيل وندخل الشريطه من الحرير ونربطها بعدين وممكن تسوينها بعد على الاكمام ويحدد الخروم الي سواها

بالدانتيل بخرز عشان يصير شكلها مرتب

وتحته بدي من السوق تكونين مطابقته من قبل مع الاقمشه

الي شريتيها

الحين اعطيكي بعض الالوان في دمج اكثر من لون

حرير برتقالي مع دانتيل فوشي على وردي وخرز ذهبي

حرير فسفوري مع دانتيل موف فاتح والشك بنفسجي وموف وفضي

حرير فسفوري مع دانتيل زيتي وشك ذهبي

حرير وردي مع دانتيل فستقي وشك فضي ونفس الالوان

حرير زيتي مع دانتيل وردي وشك فضي ووزيتي ووردي

حرير اصفر مع دانتيل وردي وشك ذهبي ووردي