الحمدلله على السلامة
ان شاءالله الورم كله يخف و يروح من وجهك بسرعة
انا سمعت انه اول 3 اسابيع هي الي تعب بعدين كله عادي
ممكن سؤال
ليش عملتي عملية على الفك العلوي؟ اللثة عندك ظاهرة لما تبتسمي؟
وكم كلفتك ؟ا

خلوني اقولكم سالفتي ..

انا وجهي طويل وعندي بروز بالفك العلوي وقمي سمايل " يعني اذا ضحكت او ابتسمت اللثه تبين كلها " + عدم تطابق الفكين والعضه + الفك السفلي راجع لورا + انحراف بالفك العلوي وهالانحراف مابين الا بعد ماخلصت مدة التقويم مع ان الدكتور قال لي من قبل انه فيه انحراف بالفك عندي بس ماكان باين .. بعد التقويم وصفة الاسنان صار واضح مررره ..

المهم رحت للدكتور عبدالله العتل " قبل سنه ونص " قال لي احط تقويم لمدة سنه ونص بعدين اجي اسويها " وهذا الي صار " ..
كان مقرر اسويها بالتخصصي قبل سنه ونص بس الدكتور عبدالله قال بسويها بمستشفى المملكه " عاد بعدين قال لامي انهم يريحون الدكتور بغرفة العمليات وكل شئ يلقاه جاهز له علشان كذا صار يسوي عملياته عندهم " ..


الخميس كان عندي موعد للمقاسات .. وكان الدكتور عبدالله العتل + الدكتور عصام جومر هم الي يشيكون على المقاسات .. ومعهم اوراق ومجسمات وحوسه .. وشرحوا لي وش بيصير بعد العمليه انتفاخ واستفراغ وتعب ووو الخ .. وخلوني اوقع على ورقه على كل شي بيسوونه لي ..

والاحد بعد طلبني الدكتور عبدالله العتل بالعيادات الخاصه وخذا مني مقاسات اخيره .. ودفعت للعيادات 30 الف ريال ..
الاثنين رحت الصبح مع امي واختي علشان التبرع بالدم وبالليل قابلت دكتور التخدير .. وبعدها دفعت 9500 ريال حقت حجز غرفة العمليات + النوم بالمستشفى الى الخميس ..

عمليتي كانت 8 الصبح ..

رحت للمستشفى 6 ونص صباحا ودخلت رفة العمليات 7 ونص تقريبا ..

الجو كان مرعب صراحه والدكتور عبدالله يحاول يلطف الجو لين انام بس انا خلاص قفلت معي هههههه مدري وش جاني تبلدت احاسيسي كنت حاسه اني خلاص بموت وامي واختي سلموا علي وانا رايحه للعمليات وجلسوا يبكون ههههههههههههه بعدها تبلد عندي الاحساس صرت ماني خايفه ولاني مرتاحه بس ابي انام واقوم واشوف وش يصير ..

والحمدلله عدت على خير ..

الصراحه مادري وش صار اول يوم بس الي ذاكره اني قمت من النوم وجلست استفرغ دممم بغت تطلع روحي .. وبعدها ذبحني البلغم وانتم بكرامه والممرضات يقولون لي اشربي علشان يروح بس ماقدرت ..

المفروض اطلع الخميس بس انا خايفه واهلي خايفين اكثر مني .. فقررت امدد يومين زياده .. بس الجمعه قالوا لي الدكاتره مايحتاج تجلسين اطلعي وتعالي لنا السبت نحط لك مطاطات نسكر فيها اسنانك واذا تحملتي ركبنا لك الحديد الاثنين ..

انا حلقي مرررره راح فيها .. وكان السبب انبوب التخدير .. وكل ماجو الدكاتره شافوا حلقي مررره متنفخ وماني قادره ابلع شي ..

على كثر فرحتي بانجاز العمليه وخلاص اخيرا سويتها .. جلست اصيح من التعب .. والدكتور عصام جومر ياخذ المرايه مني يحسبني ماني متقبله شكلي يقول هذا انسيه هذا مو شكلك لكني كنت اصيح من الالم وهو يجبرني اشرب قدامه هههههههههههه

بس فعلا الطاقم الطبي كان رووووووووووعه صراحه حسيتهم فعلا مهتمين مو بس عمليه ويلا السلام عليكم ..

وقالوا لاهلي اجلسوا لين نقول لكم روحوا لاننا نبي نوصله للامان مو بس يلا تروح ماندري هي بخير ولا لا ..

على فكره احتجت نقل دم " كيسين " وتثبيتات داخل الفكين .. وجلست يوم زياده بالمستشفى " وكلفني هالشي 5 الاف تقريبا ..

يعني تكاليف العمليه تقريبا 45 الف ريال .. والتعب مااكذب عليكم مررره متعبه بس يعني اول اسبوع بعدين الحمدلله كل شي يصير بحدود المعقول ومع المسكنات كل شي تمام الحمدلله ..

تعبت وانا اكتب .. الي عندها استفسار تسأل ..وعقبال كل وحده تسويها وترتااااااااااااح ..

اب اب الله يشفيكم

جزاااااااااااااك الله خير

طيب حبيبتي
أنا عندي ضيق بالفك
العلوي وعندي العضة المعكوسة
يعني شكل الفم من برا فيه ميلان
فهمتي قالوا لي لازم يشتغل عليك طبيب تقويم وجراح
وبصراحة من خلال قراءتي بالمنتديات عن العملية صارت
صعبة و خصوصا الفك العلوي
شاكرة لك طرحك المميز
تقبلي مروري