مخلوق يعني كائن حي من الثديات شبيه للكنغر بس بصوره مصغره يعني له رجول خلفيه كبيره ورجول اماميه قصيره سريع بالجري و يعيش بالصحراء ويعشقه اهل نجد واتوقع الشمال بعد
يتلذذون بأكله وقت الربيع بعدة طرق
بس انا لما اشوفه احسه فار
لفي بقوقل وتلاقين صورته
ولو تشوفين طرق تقديم القناصه له والشباب راعين المكاشيت تحوم تسبدتس منه
الله يكرم النعمه ويديم النعمه علينا

زمان اول كان فقر وجوع وياكلون اي شي
وهذا معروف من ايام الرسول عليه الصلاة والسلام
اذكر امي وجداتي والحريم الكبار يقولون كان يجي اعداد هايله زي التراب
يطلعون البر يصيدون ويخزنونه وياكلون منه يشوونه ع النار ويستمتعون باحلى قرمشه هههههههههه
واللي ذاقه اول اكيد حاب يعيد التجربه لان مذاقه مقبول يقولون زي الفشفاش هههههههههه
اذكر يوم كنت بالابتدائي والمتوسط يجينا بايام ربيع بالهبل يكون حجمها كبير والله ياكنت اخاف خوف مو طبيعي احرم نفسي من طلعات البر عشان الجراد
من يومي اكره الحاجات اللي فجأه تطير هههههههههههه
ذحين اكيد تغير طعمه مو زي اول
وترى اللي ينرش بالمبيد هذا اللي يكون بالمزارع لكن اللي ينصاد من البراري والوديان نظيف واتوقع هو اللي ينباع بالاسواق
واللي تشبه الجراد بالصراصير فرق يااختي اللي عايش ع الاعشاب وورق الشجر واللي بالمجاري مو لهالدرجه الجهل عاد

ان شاالله تلقينه ياام طلال واذا حصلتيه خبي منه شوي بكيس ودي اذوق امي وجدتي منه واسترجع ذكرياتهم :)

انا ماني متخيله إن فيه ناس ياكلون الجراد والضب والجرابيع
والربيان والسلطعون والأخطبوط < هذا مزاجي لحد ينتقد !
عجزت استوعب , ولكن بالعافيه على قلوبهم وإن شاء الله تحصلينها صاحبة الموضوع ,
انا مره زوجي سوى فيني مقلب حط على ظهري جراده وأنا غافله
بغيت أنجن ماعاد أدري وين أروح وربي بغيت أموت من الفجعه
كيف عاد بآكلها .. الحمد لله على نعمه التي لاتعد ولاتحصى ..

وع الحمد الله والشكر
من قلت النعمه
شكلك متوحمه ع جراد
هههههههه

امي وابوي زمااان وهم صغار كانوا ياكلونه شووي
بس مستحيل اكله