الجرعه المخدره<< بينخلونا بالمنخال وحده ورى الثانيه

السلام عليكم ورحمة الله وبركاته









والله ثم والله انهم بينخلونا بالمنخال وحده ورى الثانيه كل يوم طالعين لنا بقرار ودراسه لشروط حافز

واذكركن ان كل شي سويناه بح بنطلع من المولد بلا حمص

ورب الكون واللي خلقني ماراح يصرف الا للقليل هذا اذا صرفوا

على العموم كانت فكرت حافز مجرد جرعه مخدره لشباب والشابات

حسبي الله عليهم كان منونا وخلونا نعيش في الاحلام ونقدم ونتعب ومن زين نفس حافز كل شوي الموقع يعللللق

احنا كذا ولا كذا عايشين بك وبدونك ياحافز

الله يخلي لنا ابوانا واخوانا وازواجنا هم من بيصرف علينا

بس القهر بالشهادات اللي اخذناها وقعدنا نتفرج فيها

ياخسااااره قومة الصبح في الشتاء والبررررد وايام المطر ووقت الصيف

واخر شي يمنون علينا بالوظايف

معقوله مافيه وظايف؟؟


مليووون عاطل وعاطله ويمكن اكثر..














الجزائر بلد المليون شهيد

العراق بلد المليون نخله


السعوديه بلد المليييييييون عاطل وعاااطله<< امحق فخر




يلا الله يكتب لنا الاجر ويسعدنا ويختم لنا بخير

شي بنفسي وكتبته
كانت فكرت حافز الفكره الذكيه لتسكيت ارواح الشباب الباحثه عن العمل



الله يعين بكره وش راح تطالعنا به الصحف من اخبار وقرارات عن حافز..

باقي شهر 12 وايام قليله من شهر 11

وتصرف اعانة الباحثين عن العمل من حافز

ننتظر كان الله كاتب لنا عمر..





دمتم بود

كتبت ماجال في نفسي..:(

جوري بنت خالد


حقوق الطبع محفوظه..