المقادير واضحه
2 جيلة جريش ما يعادل 3 اكوا كبيره
بصل مفروم نترك شوي لحمسه الروب
4 حبات طماطم مضروبه بالخلاط وممكن اضافه ملعقة طعام صلصه تقوى الطماط
علبة روب او زبداي 180جم مخلوط مع كوب ماي ممكن نستبلهم ب 2 كوب لبن
فص ثوم
1 م ط كمون حب
1 م ط بهارات لحم وربعها فلفل اسود
زبده لاننا استخدمنا لحم خالص بدون شحم وعظم الزبده تدسم الطبق
اللحم يا اما لحم القر او لحم بعارين او الحاشي لانهم ياخذون نفس الوقت بالسوا والافضل يقطعون صغار لسهوله الطبخ
قرون فلفل
الحشوه بصل ني مفروم ناعم بزار جريش وهذا يجينا جاهز من اهلنا بالزلفي ما اعرف اذا ينباع
نحمر بصله صغيره مع ثوم بملعقتين زبده ونضيفه للروب والماي او اللبن
الطريقه
نحمس البصل بالزيت والزبده وبس يذبلون نضيف اللحم والبهارات ونتركهم ربع ساعه متغطيين على نار خفيفه
وبعدين نضيف الطماط ونقلبهم ونتركهم يتسبكون شوي ونضيف ماي مغلي ونخليهم يطبخون من نص الى ساعه حسب حجم اللحم
نضيف الجريش ونراعي الماي ضعف مستوى الجريش ونضبط الملح وبعد ساعه من الطبخ البطيء نضيف اللبن او الروب ونقلب ونعدل الماي لو يحتاج والملح والفلفل
وبعد ساعه نغز الفلفل ونتركه نص ساعه قبل الضرب ما راح يحتاج ضرب كثير لان اللحم ذايب ومافيه عظم بس نفتحه ونوزعه
نخلط البصل الني ببزار الجريش ونتركه ينقع فيه اقل شي 10 دق وبس نسكب ونرش زبده سايحه ونرش البصل وعوافي
ماشاء الله تبارك الرحمن
عليك
تسلم الأيادي
شكله إجناااااااااااااااااااان
ماقصرتي
تحياتي
أختك
قصيمية