اليوم جايبه لكم طريقه الجريش من مطبخي .. طبعا ها الجريش لي معه قصص فاشله كثير لحد ما لقيت طريقه حلووه ولذيذه والطعم مضمون يعني ما تخسرين مقادير على الفاضي . يالله نبدا بالمقادير
اول شي دجاج على حسب الرغبه انا حطيت ثنتين دجاج لاني كنت بروح فيه لاهلي
بصله كبيره
ثلاث اعواد قرفه صغيره
خمس حبات هيل
مكعبين ماجي ابيض (الي لبهارات الرز الابيض )
ملح
لتر لبن
كوبين حليب
كوب ونص جريش
كوب رز مصري
الطريقه
نضع الدجاج وعليه مويه تغطيه ونقطع بصله كبيره عليه ونحط القرفه والهيل والملح والماجي في القدر الكاتم (الضغط)ونضغطها لمده 15 دقيقه اول خمس دقايق على نار عاليه والعشر الدقايق الباقيه على نار هاديه
هنا بعد ما استوت الدجاج وطلعتها بصينيه عشان اشويها ما احبها مسلوقه ومهروسه بوسط الجريش
هنا المرقه الي طلعت من الدجاج طلعت مركزه وطعمها مزبووط
طبعا نجي عند الجريش والرز المصري حطي كوب كبيرونص جريش وكوب رز مصري ونضغطهم بالمرقه هذي لمده 15 دقيقه عشان ما ياخذ وقت بالطبخ بعدين وبنفس الوقت ما نضطر ننقع الجريش والرز يعني على طول نطبخه
هنا بعد ما ضغط الجريش والرز يكون شكله كذا والمرقه الي عليه كثيفه وتخلي البن ما يتقطع ابد
طبعا هنا انقل الجريش والرز بقدر يتحمل النار وما يحرق علي البن
هنا بعد ما اضفت البن وما تقطع معي ابددد لان نشاء الجريش والرز المصري طلع بالمرقه وتركته يطبخ لحد ما بدى ينشف شوي واضفت الكوبين الحليب طبعا استخدمت البودره ملعقتين لكل كوب وتركتهم يطبخون مع التحريك من فتره للثانيه لحد ما استوى
طبعا هذا الدجاج بعد ما شويته من غير اي اضافات عشان ما يصبغ بالجريش حتى زيت ما حطيت يكفي الزيت الي بجلد الدجاجه
طبعا التقديم ما لحقت اصوره لاني كنت مستعجله حطيته بحافظه وقطعت الدجاج بسكينه ارباع ورصيتها على الوجه وحمصت حلقات بصل وزيتنه فيهااا وكل وحده فيكم وطريقتها بالتقديم وان شالله تعجبكم الطريقه .. دعواتكم :26: