اليوم سويت لكم الجريش وحبيت اوريكم تطبيقي له انا من زمان اسويه بس اتكاسل اسويه كل شوي لانه يتعب
بس النتيجه الزينه تنسيك التعب
المقادير
كاس ونص حب الجريش نص الكاس رز مصري( يغسل مع بعض وينقع بماء حار من الليل الى اليوم الثاني )
دجاجه مسلوقه ومقطعه صغاااااااار بدون عظم
بصل وملح وماجي وبهارات مشكله ولبن سايل ولبن زبادي
والتتبيله اللى بالوجه ( بصل مقطع ومشوح بالزيت الين يذبل وبعدين نظيف رشة ملح وفلفل اسود وكزبرة ناشفه مطحونه وليمون اسود ناشف ومطحون )
الطريقه
نقطع البصل صغار مرة ونشوحه على النار الين يذبل ونظيف قطع الدجاج المسلوق والزبادي والماجي والملح والبهارات
والجريش والرز المنقوع ونظيف له ماء كثير ونتركه على النار الين يبدا بالغليان بعدين رخي النار وخليه على نار هاديه
واستمري بالتحريك من وقت للثاني الين يستوي الجريش وبعدين اضيفي كاس لبن سايل وخليه الين يثقل
( ياخذ وقت على النار من ساعتين الى ساعتين ونص تقريبا ) واذا ثقل واستوى طفي النار واتركيه قبل التقديم بساعه
حتى يثقل قوامه وحطيه بالصحن وعليه التتبيله وبالعافيه
وهذي صورته بالقدر وبعد ماحطيته بالصحن وياليت يعجبكم:27:
بس مشكوووووورة ويعطيك الف الف عافية
تسسسسسسسلمين