لي فتره مشتهيه الجريش ودايم اسويه بالدجاج شفت في احدى المنتديات الجريش بالقشطه وشكله مره كان لذيذ قلت ضروري اجربه واصوره لعيونكم ممكن يكون مكرر بس من يداتي غير<<امحق ثقه الله المستعان هع
المقادير مع الطريقه:
تغسلين كاسه ونص جريش وتنقعيه ساعتين (مره نسيت الخطوات اللي في البدايه ماصورها <<اهم شي الطبق النهائي):27: الموهيم,,
بعد النقع تفرمين بصله وسط وتحمريها مع قطعه شحمه انا ماكان جاهز عندي فاستبدلت بسمن قودي ..قلبتم شوي بدون تحمير حطيت الماجي وكبيت المويه وقلبت لحد ماذوب الماجي
وبعدها حطيت الجريش
قفلت عليهم بقدر الظغط على نار واطيه تقريبا من نص ساعه لساعه الا ربع
وهنا بعد ماستوى
بعدها كبيت كاسه ونص حليب السعوديه وحبه قشطه وقلبتهم,,
دقاااايق بث وكمل,,
غرفته في صحن وحطيت الحمسه عليه
هذه الصوره بالذات ماضبطت :icon33:كانت رجه على راسي عشان كذا:mad:
بس بعدها كنت فايقه وغرفت لي على كيفي بدون ازعاج :)
لحمسه عاد كل وحده وشطارتها انا عاده اكشن بصل وماجي واحط فلفل رومي وبعد ماقفل النار احط زبيب المره
هذه نفس الطريقه بس حطيت شوي معجون طماطم وماحطيت زبيب قلت اغير
وبث اتمنى يكون عجبكم ترى اول مره انزل صور وهيك حركات يعني شجعوني بالله :39:
ودعواتكم لامي وابوي بالشفاء العاجل,,يجعل دعواكم في ميزان حسناتكم ياارب
بالتوفيق للجميع,,:27: