فوشية

الله يعينكم ويهل عليكم وبدور لك صور أحاض زرع

وفاء الجداوية

هلا وغلا الله يسهل عليكم وتسكنون بصحة وعافيه

أم علي وعزيز

أنا مثلك أفكر بالأسعار وهذا كم بيكلف وهذا كم بيصير بس في الأخير من هول المفأجأة بالأسعار الخيالية غظيت النظر وقلت خلك بالمرحلة الي إنتي فيها يابنت أحسن لك

شاعرة هذي بعض الصور








وهذي تنفع مع الزخرفة الي إنتي حطيتيها للواجهة

يااااااااااااااااه من رجعت وانا حايمة جبدي من الحر والشمس ..
يا ربي الله يعينهم العمال صدق ما ينطلع في هالحر ؟
رحت له ويقول بيعدل فيه ان شاء الله يضبط ..
ووديت له كم رسمه ولا بعد يبي زيادة فلوس يقولي انا وااجد خسران كله يعدل .. >>>محد قال لك ما تسوي شغلك عدل من الاول ..


فووشي ..
افا عليك انتي فضفضي ولا يهمك كلنا في الهوا سوا انا بعد اللحين ما الي الا انتو افضفض لكم عن البنيان لان زميلاتي في العمل ما اشوفهم وصديقاتي اذا شفتهم حرام اغثهم بلاوي ما يعرفون لها .. وامي وسافرت عني .. يعني وراكم وراكم خخخخخخخ ..
بس عن جد مشكلتكم صعبه ؟ ما لها حل يعني مع مقاول الغبرة ..؟ فالح يفتي من عنده خله يحلها من عنده ؟ احنا عكسكم مقاولنا نقصنا عتبة المفروض المدخل اقل شئ ثلاث عتبات افخم لكن هو سواها عتبه وحده والثانية جاية نازلة وااايد مو مرتفعه .. مو حلو المدخل نازل لكن شنسوي اللحين ما في حل غير نرضى بالواقع ..
بس تدرين هو صح البيت بيكون فخم مع 8 اعتاب للمدخل لكن متعب في الطلعة والروحه .. هاذي المشكلة .. ما عندكم مدخل ثاني .. تدخلون منه و تدخلو الاغراض منه ...

ام علي وعزيز ..
تدرين اكبر غلطة سويناها وخسرتنا وااايد هالمطبخ ما خططنا له من البداية .. اول شئ مكان السويشات غلط واللحين المحل يبون يكسرون من اول وجديد ويغيرون فيهم .. وثاني شئ ركبنا الكاشي بدون ما نخلص من تصميم المطبخ اللحين قطع الديزاين اللي ركبناها في الوسط غالية راح تنسد بالخزاين في بعض الاماكن .. واكبر غلطة ان ما اتفقنا مع المحل على السعر وعطيناه المقدم من اول شئ .. يعني انا بقولك وش لازم الناس العدله شتسوي ...
اول ما ينبني المطبخ ويخلصون منه تروحون لاكثر من محل مطابخ وتشوفونهم يسوون لكم تصميم وبعدين يعطونكم السعر واحسن سعر وافضل تصميم واحسن نوعية محل تأخذونه .. ويتم وياكم يحدد لكم مكان افياش الكهرباء مكان الفرن الثلاجه المكروويف غسالة الصحون جهاز تحلية الماء وبرادة الماي .. والخ من الاجهزة .. بعدين يحدد لكم اماكن الاضاءة فوق الخزاين بين الخزاين .. الخ .. بعدها يحدد لكم اماكن البلاط لو حبيتو بس بين الدواليب .. عشان لو عندكم ديزاين او تشكيلة تعرفو مكانها عدل .. بعدين اخر شئ يركب لكم كل شئ مع الاجهزة ... يعني من طقطق لسلام عليكم تكون معاكم شركة المطابخ مو على كيفكم تحددو بروحكم ترى مهما شفتو المكان انتو صح ومكانه عدل الفرن مثلا ممكن يفرق ربع متر يكسر لكم كل شئ .. وهذا افضل واريح لكم عن المشاكل وعن التكسير وعن ارتفاع الاسعار عليكم .لان اللمنيوم من اكثر الاشياء اللي ارتفعت اسعارها دبل ..

يلا اقوم لان البيبي بيأكل يده من المص مسكين .. >>>ام مهملة .. كككككككك

سفريات..
آآآآآآآه من الاسعار والف آآه هي مهبطه العزيمه وتخليني اكنسل اشيا واااجد في راسي..


..

غلا..

بالنسبه للي صار معاك.. ان شاء الله مايصير لاني ناويه قبل مانركب السيراميك نركب المطبخ ونحدد اماكن كل شي..
والسيراميك ناويه احط بس بين الدواليب موراهم ماني حاطه نوفر اشوي م قيمة السيراميك..




يسلم قلبه النونو.. عضيه عني>>بل بل متوحشه