غلاالروح :

مساء الخير على احلى حوائيات في المنتدى .. اليوم يا بختنا والله الديوانية نورت برجوع الحبايب جميع اول سفرفر والعنود وقلومه ست الحبايب يا حبيبة .. قلووومه .. حمد لله على السلامه وعمرة مقبولة ان شاء الله .. يا بختكم والله رحتو شفتو بيت الله الحرام كان نفسي ومنى عيني اروح العمرة مع زوجي بس الصغير تعب عليه الله يعطينا في رجب و شعبان السنة الجاية .. يا حليلهم بناتك تحملي فيهم وااايد وسلمي عليهم حبيتهم من قلب ذكروني بخواتي الله لا يحرمني منهم مسافرين شهر ولهم وحشه كبيرة في قلبي .. عاد الاعراس بلاويها بلاوي الله يعينك وخصوصا انك ام لبنات الله يحفظهم اذكر العام الماضي دوخنا امي مو السبع دوخات الا الاف الدوخات .. شهرين نجهز لعرس خالي لاخر يوم واحنا ندور بالاسواق حتى اني مرضت مرضه الله لا يراويها احد خخخخخخ كل هذا منافسة مين الاحلى كأن مسابقة جمال ههههههههه الله يهديهم خالاتي ما خلو شئ في هالعرس ما سووه ككككككك .. بس عن جد ام البنات احلى ام واحن ام واحلى ام الله يخليهم لك ويطعمنا البنات .. تصدقين اني من تزوجت وحملت باول حمل وانا خاطري ومنى عيني ببنت واللحين من اروح السوق افتش على ملابسهم واتسوق في قسمهم كأن عندي بنت ولما اخلص ارجع الملابس لمكانها .. ولما ارجع السيارة صياح ونياح على زوجي ابي بنت ابي بنت ههههههه يقولي شدي همتك عقب كم سنة واغلبيني وجيبيها جان فيك شده .. بس انا املي بالله قوي .. وكل وحده تقولي حمدي ربك البنات مخاسير ويكلفون ثيابهم والصبيان تسوقهم اسهل بس انا بعد ابي تعبهم كل شئ فيهم حلو العابهم ملابسهم اكسسوراتهم مو الصبيان ملللللللل .. عشان جذي ما اوصيك عليهم تحملي فيهم وتسوقي وياهم زين .. خلهم يطلعون احلى بنات في العرس .. على امهم طبعا حلوووين .. والجبس خلاص طارت الطيور بارزاقها خلصنا منه باقي علينا الصبغ الله يستر منه احس روحي رجعت لايام الامتحانات القلق والتوتر قبل الامتحان هذا هو مرحلة الصبغ الله يستر جان عندك حركات بركات للصبغ حطيها لنا اسعفينا بها .. اخت مضاوي .. ايشي ايشي يا بختتتتتتتتتتتتتتتتتتتك الكل يمدح فيك منو قدددك .. ههههه .. بس ها لا تنسوني انا بعد معزومه وفوشي بتمر علي البحرين قبل نتسوق للعرس اهي تدلي كل المجمعات كككككك .. يالله يا كريم ترزق اختنا وحبيبتنا اخت مضاوي بعريس يكون يستاهلها بأخلاقه وبدينه وتيسر لها امورها يا رب .. سجى .. اكيييييييييييييد توسعون المطبخ على الحوش اكيييييييييد طبعا وش لك بحر الحوش ".. المطبخ احسن احنا سوينا جذي بس مو على حساب الحوش لا على حساب الارتداد اللي حول البيت ومسموح عندنا هالشئ عادي .. دام انه ما يضايق الجار .. عنوووده .. يا قمر .. يا عسل ..انا اكتب لك اللحين وحمودي بعد يصيح عاد يوم شفت كلامك خفت واستحي على روحي اشويه سويت له حليب وعطيتها اياه لما سكت جيت اكمل وش رأيك فيني .. جذي زين .. ؟؟ حمستيني اروح اعراس ..؟ عاد انا مالي مزاج اروح ولا عرس من هم هالعمار .؟ والمطبخ يوووه سويه واعطيهم مقدم وخليه عندهم وكل ما قالو لك جاهز ونبي نركبه عشان تدفعون باقي الفلوس قولو لهم ما جهز البيت اشلون تركبونه ولا ما عندنا مصريات اشلون ندفع لكم وغصبا عنهم بيخلونه عندهم تدرين راعي المحل يقولي عندنا مطابخ من سنة 2001 ليلحين بيوتهم ما اكتملت ولا استلمو مطابخهم ولا ما عندهم باقي المبلغ يدفعونه ومطابخهم عندنا .. عاد المطبخ ما هو موديل فستان ولا موديل شوز ولا موديل شنطة تروح موضته ههههههههه يعن يسويه وعطيهم مقدم وخليه عندهم يبيض .. ولا يرتفع عليك سعره دبل الدبل بعد كم سنة .. وهذا اللي صار لنا مطبخنا لو احنا مسوينه من شهر 3 كان سعره بيكون 17000 ريال واللحين صار سعره 37000 .. شفتي الفرق وهذا كم شهر فمابالك لو لو بعد كم سنة .. احسبي عاد الزيادة وما ادري عاد عندنا بس احنا جذي لو انتو بالسعودية نفس الوضع .. وكل هذا بسبب طفرة ارتفاع الاسعار شهر 6 قلبت العالم كامل .. يالله اروح لحمودي لا تزعل العنود ..

مساء الخير على احلى حوائيات في المنتدى .. اليوم يا بختنا والله الديوانية نورت برجوع الحبايب...