السلام عليكم ..

انا توني جايه من الدوام قلت اشوف الديوانية اشويه ..بس برد عالسريع لحد يزعل مني لاني مستعجلع وراااي غذا ..

قلووومه ..
والله دمعت عيوني على اختك ........ الله يشفيها و يعطيها الصحه والعافية .. الدنيا اللحين صارت تخوووف كل يوم نسمع عن واحد مرض فجأة ... ما اوصيك على اختك اوقفي يمها في هالظروف الصعبه مهما كانت مشاغلك ... الله يعينها ويعين بناتها .. ما ادري شقولج اكثر بس وااايد تأثرت بقصتها كأني قاعده اشوفها .. ياربي لك الحمد والشكر على كل حال .. الله يقومها بالسلامه وان شاء الله ما ننساها بالدعاء وقت الصلاة وفي كل وقت وعلى الله الاجابه .. كملي لنا وش صار عليها بإنتظارك ... طمنينا عليها ..


حدها ستايل ..
المحل هذا اللي تقصدينه احنا اشترينا مغسلتنا من عنده شفتي اشلون اسعاره غالية ؟ بس وش رأيك عجبتك مغاسلهم رووووعه ولا عاديين ؟ انا بصراحه ما دخل مزاجي في المغاسل الا هو ؟ وشفت الحمام الافرنجي اشلون مغطينه بالحجر شكله جدا فخم عجبني بعد .. احنا كنا بنسويه بس حزتها نسينا ولا جا في بالنا و بعد الحمام الافرنجي اللي اخذناه لحمام الضيوف شكله حلووو ... اذا بتسوين بس حمام الضيوف اوكي عشان يكون مميز .. بس الحمامات الباقية من رأيي احلى تخلين الاطقم بيضا مثل ما هي ..
وغرف العيال الثانية مثل ما قلتي غرفة العاب وممكن اتسوين الغرفة الثالثة مثلا مكتبة او مكتب لزوجك اذا ما عنده ... او ممكن تسويها مصلى تصلين فيها و يصلون فيها ضيوفك .. انتي صبغيها بلون محايد عادي يعني اصفر اخضر .. وخليها تكون لجيمع الاستعمالات .. بس من رأيي لا تسوينها غرفة مواليد لان ممكن تأثر على نفسيتك او كل ما دخلتيها تتذكرين الحمل وانتي من رأيي الافضل انك تنسين موضوع الحمل و لا تجيبين طاريه وتلهين نفسك بأشياء غير .. >>> حتى اسألي اي دكتورة بتقولك نفس الكلام لا تفكرين ولا تحاتين الحمل عشان نفسيتك ما تتأثر لان النفسية تلعب دور ..
>>>>> ما رحتي المحلات اللي قلت لج عنها ؟

البنات اللي سألو عن الجاكوزي ..
احنا ركبناه من عند شركة اوال البحرينية وصناعته على ما اظن نمساوية ... وامس جابوه البيت عشان يركبونه والله شفته واايد حلو ما شاء الله ومأخذ حيز .. واللي عندها مكان له لا تتردد تخليه بس لا تختار صيني ابببببببببببدا .. ومثل ما قالو الاخوات اقل شئ الضمان يكون 5 او 3 اقل شئ ... ومميزات هاذي الشركه ان فيه تعقيم للجاكوزي عند التنظيف .. وبعد فيه اضاءة و تدليك هوائي وتدليك مائي و مساج للظهر .. واهم شئ الظهر .. وانا مثلكم كنت متردده اني اشتريه بس ناس وااايد قالو لنا ان الكهرباء ما يصيدها الماء يعني الفيشة تبعه تكون من الخلف ما يجيها الماء .. والله يستر هههههههااي .. انا خايفة منه بس زوجي متحمس له بقوووة اول مرة يصر على شئ فيه فايده على الاقل كككككككك .. كل شئ يعاند عليه يطلع مو شئ بس هذا الله يستر خخخخخخخخخخ ..

واما البنات اللي سألو عن الاطقم ..
احنا اشترينا نوعية برتغالية ممتازة جدا وقوية واسعارها مناسبة يعني مو مثل الاسبانية والايطالية غالية مرة ... وغير هذا اشكالها مودرن وجديدة مو قديمة .. وهذا عيب الايطالية يجون الموديلات قدييييييييييييمه مال اول يوم كنا صغار واحنا نشوفهم ..

ما ادري اذا في اسئلة ما جاوبتها بس قلت لكم الغذا اللحين نجهزه ...........نلقاكم على خير .. وسلامي للكل ..

السلام عليكم

كيفكم جميعا

<<<< حايسه مع المنهج الجديد :(


لي عودة للقراءه


موفقين

رقي


انا لاتخطيط ولا اثاث ولا اضاءه حتى المواعين لالا خخخخ



غلا الروح

من البحرين حبووبه

والاطقم الصحيه البرتغاله ارخص ومودرن طب وجودتها شلون

لانو فيه انواع تخرب بسرعه زي السيفون وانتي بكرامه ع طول يخرب

هلا غلا

انا عجبوني وااااااااااااااااااايد هذه المغاسل ولله لو تنحط في الصاله او المجلس بعد حلللللللللللللللللوة

حتى اشكال النافورات حلللللللللوة.... ببالي اسوي حمام الرجال كله بالبلاط والطقم الصحي والمغاسل

احنا رحنا لبعض المحلات اللي ذكرتيهم وعطيت زوجي الاسماء حتى نروح وببالنا هذا الاسبوع لان ان شالله على نهاية شهر 12 نستلم البيت
اما عن الغرفه ... ببالي اذا ما تشجعت على غرفة المواليد يمكن اسويها غرفة لي خاصة حتى اذا تهاوشت مع سي السيد خخخ يعني اخلي فيها غرفة نوم وجهاز كمبيوتر ومكان للصلاة انا خاطري بهاذا الشئ من زمان اني اخصص لي غرفه خاصه لي بروحي بطبعي احب الخصوصية....طبعا غير الغرفه الرئيسية...

لاني حتى في شقتي الصغيرة جهزت غرفة بنتي ورديه وانا حامل ولا اري وقتها بنت او لا ... كأنها لي غرفة النوم والديكور والاكسسوارات والاضاءة غرفه بناتيه خليتها ومكتب للراسه وطبعا لما ولت خليت سرير صغير لها جنب السرير اللي لي ..وصرت انام فيها اذا زوجي بالشغل ومذاكرتي فيها وصلاتي وقرائتي كل فيها احسها عالمي الخاص بس اللحين بنتي تهاوشني اذا شافتني على السرير تقولي مامي هذا سرير روحي لسريرك الكبيرخخخ

اكمل قبل ما روح ...............

شفت واحد يقرا في الغرفة اللي جنبنا جبته يقرا عليها لانها كانت حتى هي تترجاني اذا في حد يرقيها ..........

غطت وجهها وبدا يقرا في نفسه بدون صوت سالها تحس بشي قالت براحه شوي بدت تشهق ونفسها يضيق قالها حطي ايدك مكان الوجع حطت ايدها على صدرها وبعدين على قلبها خلص وسأل اذا عندها صلاة قلت له لا زعل قال ليش ما خبرتين .....قال طيب انتي اجمعي الكفين انفثي 3مرات واقرأي الناس والفلق والاخلاص والكافرون ثلاث مرات وامسحي كل مرة من فوق لتحت واذا طهرت ناديني قال فيها عين

تنفسها رجع طبيعي تقول انا اقول لكم في شي كاتم على صدري احسكم ما تصدقوني ........صراحة كانت تشتكي من الضيق وكانت لما تقوم من النوم مفزوعة تقول لان نفسي انكتم يقولون الجهاز يقول الاكسجين طبيعي قعدت 3 ايام وهي تقول لهم ....هم ما يخافون الا اذا نزل عن 90 ثالث يوم نزل حطوا لها اكسجين
طلعوها بعدين العناية المتوسطة يمكن 3 ايام الحين في العنبر عينها اليمين ما رضت تفتح الا امس الحمدلله نظرها زين .......

مداومه على الرقية وزمزم وزيت مقري عليه والقاري رجع لها ......زوجي يقول جبتي اول واحد شفتيه ما تعرفي ثقة ولا لا ...انا سألت ام الولد اللي يقرا علية قالت هذا يجي بروحه بين الصلوات يقرا بدون شي لان شغله في المستشفى بس اذا جا البريك حقه يدخل عند المرضى حتى تقول ما يحبونه الطاقم الموجود وبعدين يوم قرا حاولوا اخواني يعطوه فرفض قال انه يسويه لوجه الله

طيب هي ما قالت لي اول بس بعدين في العنبر قالت وهو يقرا شفت اللي عاينتني وتعرف واحدة معاهم في البيت ثقة طلبت منها تحتال وتجيب لها غسول حتى ما قالته في الاول تقول اعرف ما بتصدقوني

الحين اللي حصل عندها تشوه في العيون الناحيتين انشد الجفن في واحدة فشكلها مشوة وما تتسكر زين والثانيه اللي لس انفتحت الجفن علية خراج فكانوا بيسون عمليه اليوم وقع امس اخوي عليها بس من الخوف قعدوا امس طول الليل يفكرون ويستشيرون ويستخيرون فقرروا يلغوا العملية .....جاهم الدكتور اليوم مرة ثانية وشرح لهم بالتفصيل الممل وانه بينضفه واذا كان عميق بياخذ جلد من اي مكان في جسمها وبيزرعه ودهم يسفروها وخايفين تطول الاجراءات ويصير لها شي وفي ورم في الجبين ما طاع يروح وهي خايفة موت من الشكل........ بيشوفها ابونا في الليل مره ثانيه وان شاء الله يوصلون للقرار الصح ...........



عنود ما اظن شمم لان انا واختي ومرة اخوي ما اذكر ان في اي واحدة كان فيها ريح .........لكن ذكرتيني المرة مع ان عمري ما استعملتها بس معليه بشل وامسح لها عل وعسى
هم كانوا امس قرروا العمليه لان كان في جلد يابس واسود على اليمين وخايفين من الخراج تحته بس لما جا القاري يقرا عليها وهي غسلت بالماي اللي جابوه لها من الحرمه والرقية ما جا الفجر الا وهي طلعت اقشرة هاذي بس مكانه بياض على صفار يقولوا لازم يفتحوه وينضفوه ويشوفوا عمقه ....................