كوبونات الراقية تسجيل الدخول

مضاوي العسل
مضاوي العسل •
ايه نسيت ابشركم اليوم كملنا سنه ولله الحمد على البناء الله يسهل لنا ولكم الباقي

فوشيه الله يعينكم انا مااتحمل الحر اللي بالحيل واعصب الله ينجينا من نار الاخره وشايله هم ان شاء الله اذا رحنا مكه برمضان ان الله احيانا
تعرفين الزحمه هناك والعبايه والكتمه لكن المدينه اهون التكييف زين والنساء بقسم وتاخذين راحتك من النقاب
المرأة الفوشية
المرأة الفوشية •
@سفريات@ @سفريات@ :
فوشية بالنسبة لشباك الحمام <<< والله نفس التفكير أخخخخخخخخخخخخخ اقول إذا الواحد زعلان كيف يتصرف مغرورة + فوشيه الفجوات الجدارية أنا مثلكم قلت للمهندس أبي في هالمكان فجوات <<<قال هذا من شغل المقاول غلو والله ما أعرف بس كانت قمرا تقول المتر ب 28 ريال وزوجي يقول إن زملائه يقولون سعر الغرفة تقريباً 800ريال وأتذكر كثير من البنات يقولوا المحلات الزينه سعرهم المتر 60 ريال وهذا كلام للبناء فنون إذا كان العمالة مغربية و شغلهم ممتاز فلا أتوقع يقل عن التالي : إذا كان سادة الشغل من 55 إلى 60 ريال إذا كان ديكور فيه شغل و حركات فسعره من 65 إلى 75 ريال اما الكرانيش فلا تقل عن 15 إلى 17 ريال بالنسبة للكرانيش العادية و يوجد كرانيش بالأصل سعرها مرتفع خام فيتم عملها بحدود 20 إلى 25 ريال و إذا كانت العمالة هندية فسيكون السعر أقل بشيء يسير و إذا كانت العمالة باكستانية أو بنقالية السادة 40 إلى 45 ريال الديكور 50 إلى 55 ريال الكرانيش العادية بحدود 10 إلى 12 ريال لكن نصيحة لوجه الله تعالى لا تتعدى الأخوة المغاربة و ستذكر كلامي أنا أتعامل مع مقاولين مغاربة عندما يكون التعاقد معهم يكون بحدود 65 ريال للمتر المربع وعندما يكون التعاقد عن طريق أحد المؤسسات التي يتعاونون معهم من الباطن فإن المتر لا يقل عن 125 ريال
فوشية بالنسبة لشباك الحمام <<< والله نفس التفكير أخخخخخخخخخخخخخ اقول إذا الواحد زعلان...
التعاقد مع مؤسسات ويتم التعامل مع المغاربة من الباطن هذا الاحصل لنا لو احنا جبنا مغاربة كان وفرنا كثير عندي جلسة صغيرة في القبو طلبت منهم يعملوا لي كرنيش هذا خارج الاتفاقية ويغيروا كرنيش غرفتي قال 1500 ريال
@سفريات@
@سفريات@ •
هلا أخت مضاوي

ألف مبروك وإن شاء الله تسكنونه بأسرع وقت بصحة وعافيه
المرأة الفوشية
المرأة الفوشية •
مضاوي العسل مضاوي العسل :
ايه نسيت ابشركم اليوم كملنا سنه ولله الحمد على البناء الله يسهل لنا ولكم الباقي فوشيه الله يعينكم انا مااتحمل الحر اللي بالحيل واعصب الله ينجينا من نار الاخره وشايله هم ان شاء الله اذا رحنا مكه برمضان ان الله احيانا تعرفين الزحمه هناك والعبايه والكتمه لكن المدينه اهون التكييف زين والنساء بقسم وتاخذين راحتك من النقاب
ايه نسيت ابشركم اليوم كملنا سنه ولله الحمد على البناء الله يسهل لنا ولكم الباقي فوشيه الله...
اخت مضاوي في رجب لما رحت العمرة كان وايد الجو لطيف مو مثلنا بس مثل ما قلتي مع الزحمة ولما طوفين ترجعين البيت والبسي عباتك مرة ثانية وشوفي ريحتها ولا ايام الحج الروايح تخنق ما كان بيت الله بس لان حول الكعبة مو مكيف
اخت مضاوي متى في بالكم تسكنون ان شاء الله
غلاالروح
غلاالروح •
يووووه انا اطلع وانتو تدخلون ؟؟

علموني بوقتكم اجيكم اسهر معاكم ..

مغرورة ..
الفجوات عادي تنعمل بالجبس واحسن من التكسير لو ما سويتيها بالعظم .. الله يسامحه مهندسنا ولا يحلله اللي سوا لنا الخريطة الاولى للبيت ترست له الفلاش ميموري كلها صور ديكورات وفجوات حفظها عنده ولا شفنا منها ولا شئ في الخريطة استغل الصور اخذها له حتى كانت اغلبها من تصاميم لبيت صديقة خالتي وبيتهم جدا راقي .. واللحين الصور اختفت من عندي مو شايفتها بسبب الفورمات اللي صار لكمبيوتري وكانو اغلبهم تنعمل بالعظم وما تكلف ولا قرش .. مجرد طابوق اربعة انش وطابوق يكون اعرض منه وتصير فجوة بينهم .. وقالي هاذي بعدين مقاول الغبرة يسويها لج ؟ عاد انا ما اقتنعت ويوم اخذنا المقاول واقوله هاذي التشكيلات ابيها تسويها بالعظم مرة وحده عشان ما نكسر قالي يوووه هاذي بعدين خليها للاخير احسن .. ويوم جو يليسون قالي الهندي ما يستوي ولو تبغين الجدار يتكسر منه ويصير ضعيف وغير هذا يطلع اكرك فيه يعني تشققات في الجدار طبعا زوجي رفض يعملها اول شئ بس انا قلت له عن خاطري بسويها في الصالة وفعلا سويناها وطلعت حلوة لكن انخرم الجدار وبغا زوجي يغرم نفوخي ههههههه لكن عدت على خير وسويت في الصالة الثانية مجرد فجوة خفيفة بحط فيها انارة جدارية .. وفي غرفة نومي بعد بحط فيها رفوف زجاج واما غرفة الطعام بسوي لها مثل الفريم وعلى الجوانب فجوات وفي الوسط فجوة كبيرة بحط فيه التلفزيون المسطح .. وبزيد على فجوات الصالة بعد لانهم طلعو مو ذاك الغزر يعني ما ينحط فيهم شئ ..
بعد قصة ليلى والئب وسنو وايت والسندريلا والوحش ومغارة علي باب >>>>> قصص ما قبل النوم قاعده احكيها لكم هههه ..
لذلك نصيحه لكل البنات اعملو الفجوات من المخطط ولو المهندس ما رضا يسويها وقال لكم مو لازم ومو ضروري .. بدلو المهندس وغيروه خخخخ .. وارموه في اقرب حفرة .. لانه جذي معناه انه كسول وغير امين وغير صادق معكم .. وما يبغا يتعب نفسه ..
والصور دوري بتلاقين كل صور الديكور فيها فجوات .. وعادي تنعمل بالجبس اذا جيتو لمرحلة الجبس اسألي الجباس وهو يسويها لك ..

فوشي ..
المكرويف احنا استغنينا عنه لانه بيكلفنا 2000ريال .. وعندنا واحد نستخدمه اللحين ممشي الحال مع ان لونه ابيض وصغير اشويه وماركة شارب بس مسيكين قايم بواجبه ومال له داعي الفسق واحد ثاني .. مع ان راعي المطابخ مصمم عليه وكان بيحطه بجبدنا ويبي يقص علينا يقولنا هذا مجانا يجي مع المطبخ ؟؟ اذا سويتو له الخزانة اللي يدخل فيها .. بس انا ما اقتنعت فيه اخاف ينفجر ولا يجيه حرارة مع الخزاين .. ويحترق علينا .. قلت له خلاص ما ابيه اخاف يخترب علينا وبنتم على المسيكين اللي عندنا نحطه ونشيله محل ما ابي ما اتقيد في مكانه مع ان اللي في داخل الخزاين شكله راااقي جدا ورووعه ........واشلون تستغنين عنه ؟ يعني ما تستخدمينه يوميا ؟ تراه يطلعون عليه اشاعات بس ابحثي عنه بتلاقين ان استخدامه مو خطير مثل ما يقولون الا اذا استخدمتي الصحون البلاستيك اللي تحترق بفعل الحرارة .. وانا عن نفسي ما استغني عنه حتى ساعات اسخن لي كوب الماء للكوفي .. والاكل الجاهز والمعجنات وكل شئ اريح للتسخين .. حتى في انواع للطبخ بس ما احب اغامر فيه الله يخلي الفرن ..

اخت مضاوي ..
سلامات عالعايلة ليلحين تعبانين ؟ الله عطيهم الصحه والعافية .. والله ما ادري شقولج احنا بيتنا اكثر الديزاينات سمبل وناعمه ما فيها تعقديات اصلا ما احب التعقيدات مرة ام داحم حطت صورة لصالتي الضيوف هي مسويتها بس انا سويتها ابسط بعد من الصورة ..

انا ليش اسألكم عن سعره لان زوجي قاعد يعاتبني يقولي وااايد اسرفتي في تشطيبات البيت .. الحمامات غالية والجبس غالي والابواب والالمنيوم والاطقم الصحية كله من احسن نوعية لما شطبتي على الميزاينة وقاعد يلومني على اسرافي بس وش رأيكم في كلامه ؟ مو احسن الواحد يحط الشئ الزين في بيت العمر وينساه ؟؟ لكن ما يسرف اسراااااااااااف .. ولا انه يبخل على بيته .. خير الامور وسط .. واللحين اقوله خل نستغني عن الجاكوزي مو راضي ؟ يوم جا الشئ اللي هو يبغاه مو قادر يتنازل ؟؟ هههههه .. شلون نتفاهم ما ادري خخخ .. ميااانين ..