Strwberry :

بنات بقولكم على الأشياء اللي قررناها وقولوا لي رأيكم 1- بالنسبه لـ مجلس الحريم: خلاص قررنا تكون الجدران بوية الخيال ( درجة القلاع ) ذهبي فاتح على سكري + الرخام سكري او بيج فاتح يعني قريب من الجدران عشان يفتح بالمجلس ويعطيه شكل اوسع ويكون شكله كلاسيكي + الكنب بختار من الألوان اللي حطتها اختي الدلوعه . 2- الصاله الكبيره : بيكون جدراين بوية فلفيت ( الصحراء) بعدين حزام وتحت الحزام يكون روشن نفس درجة فلفيت الصحراء و باقي الجدران تكون ساده نفس درجة الفلفيت و الروشن + بما ان الصاله واسعه لازم يكون فيها كنبتين على جنب مع طاوله فكرت تكون خمري وبيج. 3- الصاله الصغيره المرتفعه (مفتوحه على الصاله الكبيره) : بالبدايه قلت نأثثها كنب بعدين فكرت فيها قلت على كذا مايصير فيه تغيير وتمييز عن باقي البيت يصير كل شي كنب بـ كنب المجالس والصاله الكبيره...فكرت انها تكون جلسه تراثيه يعني : نفتح مدخنه + جلسة ارضيه بنفس الوقت شكلها مودرن يعني مخاد مثلاً من الأشكال الجديده بس مصنوعه من قماش بيت الشعر اللي يكون الوان متداخله ببعض ممكن احمر وبيج او اسود يعني الوان بيت الشعر المتعارف عليه + قطع سجاد نفس النوعيه + الستاير برضو يكون داخل فيها نوعية قماش بيت الشعر ممكن يكون جزء منها مو كلها + الإناره برضوا تكون مثل الفوانيس الثريات اشكالها تراثيه + الجدران ( كنت مفكره بتعتيق خفيف بس لما رحت الجزير وقلت للي يشتغل بالمحل عن فكرتي مره اعجبته وعطاني بويه مصلحه خصيصاً للمجالس اللي مثل كذا وبيوت الشعر وقالي انه طبق نفس الفكره بأحد البيوت...وراني بوية لونها مثل الطين مخلوطه بالقش او التبن وانتم بكرامه يعني اللي يشوفها يحسبه طين . بنات الله يعافيكم قولوا ايش رأيكم بالأشياء اللي بسويها خااااااااااااااااااااصه الجلسه التراثيه

بنات بقولكم على الأشياء اللي قررناها وقولوا لي رأيكم 1- بالنسبه لـ مجلس الحريم: خلاص قررنا...