كوبونات الراقية تسجيل الدخول

الدبدوبه الدلوووعه
الدبدوبه الدلوووعه •
بالصدفه فتحت الملف اشوف وش اخبار البنات وفتحت على سرقة بيت اختنا قمرا.

حسبي الله عليهم..

والحمد لله على سلامتكم ياختي..

والله يعوضك بالافضل..

من جد انقهرت..لاحول ولاقوة الا بالله.
مضاوي العسل
مضاوي العسل •
الدبدوبه الدلوووعه الدبدوبه الدلوووعه :
بالصدفه فتحت الملف اشوف وش اخبار البنات وفتحت على سرقة بيت اختنا قمرا. حسبي الله عليهم.. والحمد لله على سلامتكم ياختي.. والله يعوضك بالافضل.. من جد انقهرت..لاحول ولاقوة الا بالله.
بالصدفه فتحت الملف اشوف وش اخبار البنات وفتحت على سرقة بيت اختنا قمرا. حسبي الله عليهم.. ...
الله يعوضكم قمرا اهم شي سلمتو

حنا مره انسررق الذهب كلللله والمسدس حق البر عاد من الخارج شاريه ابوي
ولاب توب جديد واشياء كثيره والبلاي ستيشن والفيديو عجزو يشلونهم يوم انكشفو خلوهم بالحوش وهجو

حسبي الله عليهم اللي مايخافون الله



جزاك الله كل خير زين سعره ,,,بعدين اعلمتس على الايف مباشر








ماشاء الله فلونه حلوووه تجننن من وين لقيتهيم ؟؟شفت مثله عند الكناني بس مافيه
الا الاحمر مثل حق غرفتك ماعندهم الوان ثانيه :44:
المطبخ والمغسله لا ماشفتهم ترى مااطل هناك ابي انسى العمار وهمه اتذكر مغسلة اهلك من زمااان
gaamra
gaamra •
السلام عليكم ورحمة الله وبركاته
الف شكر لكل وحده واستني ودعت لي وهذا عشمي فيكم الله لا يخليني منكم
قصتي كانت كالتالي:
تذكرون اليوم الي فتحت فيه الجزء السابع لديوانية العمار ..؟؟ ايواااااه بعده بيوم طلعنا كلنا مسيرين ولا رجعنا الا بعد منتصف الليل ويوم اقبلنا على بيتنا الا واشوف باب البلكونه مفتوح والهواء يلعب بالستاره نغزني قلبي بس مدري ليش ماطرى على بالي اننا انسرقنا ؟!!
المهم دخلنا السياره جوى البيت ونزل زوجي وقال للعيال لحد يلحقني خلكم مكانكم .. وراح يشيك على ابواب الشارع لقاها مقفله كلها وثم مر على الباب الرئيسي للرجال لقاه مكسور ونفس الشيء ابواب المقلط الخشب كانت مقفله وكسروها بعتله تخيلوا المهم زوجي طلع وجانا واحنا طبعا في الحوش قال لحد يلحقني وحسيت ان فيه شيء والحقه كله خوف على زوجي ( بس هو بعدها بيوم وبخني على هالتصرف ) المهم الدور الي تحت ماخذوا منه شيء لانه اصلا مافيه اثاث اللهم المطبخ فيه اجهزه كهربائيه بس ماأعاروه اي اهتمام وكانت سرقتهم للدور العلوي طبعا اخذوا تلفزيونين ال سي دي مابعد تهنينا فيها وشارينها غاليه وغرفة نومي حايسينها حووووس حتى علب الادويه والكريمات فاتحينها يحسبوني بوزي فيها شيء
وحطوا حرتهم في ملابسي الداخليه نثروها كلها :35: مدري وش هي العله في ذلك وباقي الملابس مالمسوها حتى ملابس زوجي ابد ماحركوها بس ملابسي الداخليه
المهم كنت محوشه لي ذهب وناويه ابيعه اثث فيه البيت لكن قدر الله وماشاء فعل وكنت موزيه لي مبالغ ماليه في ثلاث اماكن وسقطوا عليها وخذوها شنطي كلها في الارض وعلب الذهب والساعات كلها مرميه في الارض خذوا الي فيها ورموها كان خذوها بالمره وش ابي فيها :mad:
والغريبه انهم ميزوا الذهب من الاكسسوار كل اكسسواراتي في مكانها ماحركوها ياترى ليش؟؟
يمكن رحموني وقالوا نخلي لها شيء تلبسه المسكينه لان الذهب غالي ويبي لها كم سنه عشان تلبس ذهب
وخذوا كاميرا الفيديو وكان جنبها البومات صور مالمسوها الحمدلله بس الكاميرا والذكريات الي فيها راااااحت حسبي الله عليهم
واما المسدس كان بجنب العلبه الي موزيه فيها بعض الفلوس اخذوا الفلوس وخلوا المسدس الحمدلله
والغريبه انهم سرقوا ماخف وزنه وغلى ثمنه حسبي الله عليهم مدري من وين دخلوا ولا كيف طلعوا لان الابواب كلها مسكره وشارعنا منور وسورنا عالي
طبعا ماتتخيلون كيف كانت حالتي وقتها انا وعيالي لان زوجي على طول راح يبلغ ويوم جاء الجندي واخذ البصمات قال للاسف لابسين قفازات وطلع وبعد كم يوم قالوا لنا ارسموا الذهب الي انسرق منكم وخلاص انتهت قصتنا الى هنا
طبعا انا استعوضت الله في الي انسرق منا لاني عارفه ان ربعنا ماراح يمسكون الحراميه خصوصا ان بيت والله يقرب لنا انسرق العام ولا صار شيء وهالسنه انسرقت بيوت في حارتنا ومحد قدر يمسك الحرميه حسبنا الله عليهم
لكن الي هون علي وقوف بعض الاشخاص لجانبنا وماكنت عارفه معدنهم الا هالحين بينوا الطيبين من المنافقين وكانت خيره هالسرقه عرفتني على معادن الناس
والله لا يعرضكم للسرقات وانتبهوا لاقفال بيوتكم بعلمكم بعدين وش تسوون لاني تعبت من الكتابه وجزاكم الله خير على دعواتكم الطيبه وفي حفظ الله
@هيبة ملك@
@هيبة ملك@ •
لاحول ولاقوة الا بالله الله لايوفقهم وعياهم مايتهنون باي شيء من اللي سرقوووه...وربي يعوضك انتي وزوجك باحسن واغلى منه يارب ويرزقكم من واسع فضله يالغاليه...
أم عمر 15
أم عمر 15 •
لا حول ولا قوة الا بالله

والله ياقمرا انصدمنا بالخبر

الله لايوفقهم لا دنيا ولا اخرة

والله يعوضك يارب اهم شي سلامتكم

بس كيف شالوا التلفزيونات محد انتبه لهم من الجيران؟؟ والله صارت الجيره اي كلام انا لله وانا اليه راجعون

الحمد لله على كل حال قدر الله وماشاء فعل