Um Rund :

أسعد الله أوقاتكن جميعاً شكراً لكل اللي سأل عني وبارك لي وتحمد لي بالسلامة أقولكم قصة ولادتي......... طبعاً انا كنت أراع عند د. نسرين في قوى الأمن وكانت تطمني على كل حاااجة ولا قالت لي ان الموية زايدة الا قبل آخر يوم في التاسع, لاااااااااااا وقالت انها زايدة شي بسيط, كتبت لي تحويل عالعام وأنا رحت طواريء الخاص وكشفت عليا د. سهاد مثل العافية على قولة أهالينا وقالت انتي شكلك ما تراجعين, قالت: المويات نسبتها كبيرة والدكتورة كاتبة انها زايدة شي بسيط والمويات هذي ما تكونت في يوم والا يومين ولا اسبوع ولا اسبوعين واحنا نخاف تنفجر الموية فجأة ويخرج الحبل السري فالأفضل تجلسي عندنا هنا, قلت لها لأ ما ابغى أجلس بروح وانا في الخميس, قالت انتبهي ترى بعيد وأول ما تحسي بألم أول تنزل عليك الموية على طوووووووول تجي, قلت طيب ورجعت البيت, طبعا أنا عند اهلي وزوجي سافر عنده اختبارات, الطلوق ما ريحتني كل شويا يشدني بطني ولا توقعت انه طلق الا يوم صار يجي كل 5 دقايق, جلست أفكر وأقول أروح والا ما أروح!!! شويا حسيت موية تنزل مني, على طول كلمت بابي ومامي وعالمستشفى دااايركت... دخلت الطواري وكانت المناوبات دكتورة باكستانية ما تفهم عربي شكلها جديدة ووحدة مصرية الظاهر اسمها أمل,, المهم كشفت علي الباكستانية وأثاريها هي كمان حامل في الشهر التاسع, كشفيتها مرررة توجع, يدها ثقيلة, وبالها مو طويل, اذا قلت أي كشرت في وجهي....وصلت الساعة 12ونص ظهر وقالت لي الرحم مفتوح 1سم, شالوا ملابسي الداخلية وحطوا أجهزة قياس نبض الجنين وجهاز الطلق, طبعا لي غرفة لحالي فيها تليفون اذا بغيت أكلم أهلي يدق السنترال عليهم وأكلمهم.. بصراحة ما عجبتني الدكتورة ذي ولا ارتحت لها وخفت انها تولدني بس الحمد لله انتهت نوبتها على 1 ظهر وجااات الحبوبة سهاد :) انبسطت وجات عندي قالت: شو رجعتي!!! قالت أكشف عليك قلت خليني شويه وجات تكشف على 4 عصر لقيته 2سم:( طبعا من يوم جيت والراس تحت في الحوض, ولمن كشفت ابتسمت وقالت الحمد لله الراس تحت, لما اشتد الطلق عليا تحاول تنسيني تقول شو ناوية تسمي بنتك!! قبل العصر طبعا الجوال ممنوع أدق على تحويلة أعطيه الرقم وهو يدق على اهلي وأكلمهم طلبت غدا ودخلوه لي الطواري وتغديت وانا مالي نفس بس كله عشان أطمن مامي يعني اني شوفيني مبسوطة وابغى أتغدى, قبل أطلب الغدا, قلت للدكتورة سهاد عادي آكل, هزت راسها يعني لا الظاهر انها د. أمل, أما سهاد حنونة قالت شو!! بدك تاكلي!! بنطلب لك, قلت لا أبغى من برا... طبعا اللي أعرفه انو أحسن ما آكل عشان ما يتعبوا, لكن سهاد حنونة وعجبتني في كل شي... رجعت سهاد كشفت على 6 مغرب طلع 2 ونص ,, وعلى 9 ليل كشفت وطلع 3 ونص,, وأنا أقول ياارب ما تخلص نوبتها الا وأنا 8 سم عشان تولدني,,, قالت لي سهاد لو فتح 3 نعطيك طلق صناعي ونفك الموية عشان الموية كثيرة ونخاف الجنين يغير وضعه؟؟؟ قلت لا بتحمل الين يفتح الرحم وان شاء الله ما يتغير, يعني 3 شهور الراس تحت والحين يتغير!!! لا مو معقول, وخلتني على راحتي... طبعاً شوي يحطون الأجهزة وشوي يفكونها, واذا فكوها أجلس أمشي, ما شاء اللهتبارك الله وحدة جنبي بكر ولدت بدون طلق صناعي وبس قاعدة تقول آه آه وشويا بدأوا يجهزوا عشان يولدوها وأنا خاااايفة ما أبغى اسمع صراخ وتقول سهاد يلا شطورة شدي شوي يلا يلا ولا سمعت للحرمة صوت إلا والبيبي يبكي :icon28: في حدود 5 دقايق ولدتها د. سهاد ولمن شافتني وهي مبتسمة ودوبها مخلصة من توليدها قالت عقبالك,, وقلت ما شاء الله حظها ولدتها د. سهاد ..... خلصت مناوبة سهاد الساعة 10 ليل وأنا حزينة عليها وودعتني وقالت حتجيك د. جهان هي حبوبة وقلت لها عليك انك شجاعة وصبورة... طوال هذا الوقت وهو يجيبوا عصير وحليب عشان الحموضة ومويه وجابوا لي عشا بس ما تعشيت الا شوربة والمنظفات كانوا حبوبات اللي هناك يقولوا لي كلي تمر وأمشي ووحدة أجبرتني أشرب الشوربة,,, جات جهان دكتورة مصرية ضخمة وشكلها شاطرة وطويلة بال, كانت تبغى تكشف وقلت لها دوبها سهاد كشفت لسا 3ونص وخلتني على راحتي قلت اكشفي عليا 12 قالت طيب,,, وكل هذا الوقت من ظهر لحد 12 ليل وأنا أدعي والحمد الله صليت كل الصلوات وأنا جالسة, ولمن دخلت رفضوا أدخل معي موية مقري عليها آيات تسهيل الولادة وسبحة وأوراق أدعية بس هناك في الغرفة كان فيه أدعية عالجدران... جااات الساعة 12 وكشفت د. جهان وكانت يدها خفيفة وبالها طويل, كشفت وأنفجرت الموية والكل تجمع وأنفجع من كثر المويات ممرضات ومنظفات, وهي الله يكرمكم لسا يدها جواتي وأقولها لا يا دكتورة ليش فكيتي المويه وهي تقول انا ما فكيتها هي رقيقة انفكت لحالها, خفت وجلست أقول دكتورة أرجوكي شيلي يدك قالت طيب بس بركزه بس عشان ما يخرقش, وبعدين قالت معليش شويا وضغطت كمان أعلى بطني عشان تخرج المويات الزايدة, وكان الحلو فيها طولة بالها وتخبرني وتستأذني قبل تسوي أي حاجة هي ود. سهاد... بعدين طلعت يدها وقالت أنا حاسة ان إيدي ما مسكتش الراس, أنا ماسكة حاقة تانية, جابوا جهاز الأشعة وبالفعل طلع الراس في جنبي الشمال يا سبحااااااان الله كيف غيرت وضعها على آخر ساعتين .. طبعاً لحظتها خفت عالبيبي يموت وفرحت عشان تعبت وأبغى عملية, ومن قبل لا تقول عملية قلت لها خلاص يا دكتورة عملية, أهلي يا عمري عليهم وقعوا عالعملية وأنا بصموني, واتصلوا على د. شيرين عشان بيتها قريب وجهزوا غرفة العمليات وشالوا مني الدبلة والحلق والعدسات, لبسوني لبس العمليات, دخلت غرفة العمليات وكان فيه رجالين واحد حق البنج والثاني مدري وش جابه, وما شاء الله الدكتورات كلهم متنقبات ما يكشفوا, قلت تسووا قسطرة قالوا لأ<< غبية تبغى التعب ..... آخر شي أذكره دخلت د. جهان مع د. شيرين وحق التخدير حط كمامة خضرا وبعدها ما فقت الا وأنا أبكي :icon33: في غرفة فيها مرضى مدري وشهي الغرفة وقاعدة أطلب الممرضة تعطيني مسكن تقول لا بعد 8 ساعات, كنت أحس بالجرح ومن كثر ما بكيت حسيت بالأم أكثر لا وأنا أبكي قاعدة أحرك رجولي,,, بعدين جات الممرضة مددت لي رجولي قالت عشان مافي ألم وهدتني وبالفعل هديت, ودوني لغرفتي واستقبلتني مامي الله يخليها اللي كانت تنتظر ولادتي وتشوف أغراضي وتسمع منبه الصلاة في جوالي وتبكي وتدعي لي :44: استقبلتني مامي وهي تبكي وأنا صوتي مقطوع ولوزي متضخمة من البنج والتكييف اللي في غرفة العمليات, دخلت غرفة العمليات 1 وخرجت 1ونص, جلست أحمد ربي بعد العملية وفتحت جوالي وبشرت زوجي,,, كانت المغذيات في يدي وكل 8 ساعات يعطوني مسكن في الوريد لو أنا طلبت واذا ما طلبت يخلوني يقولون أفضل لو ما تاخذي ومرتين خلال يومين عطوني ابرة الجلطة تحرق شوي, وجات ممرضة لبستني شراب زي المشد يوصل لفوق الركبة برضو تقول عشان الجلطة,,,, والله تعبت وعانيت خصوصا لما أقوم بعد الاستلقاء, اليوم الثاني قالوا لازم تقومين, خلتني أقوم الممرضة وحسيت بدوخة وكنت أبغى أكح عشان البلغم من البنج, كنت أمشي شي بسيييييط وأجلس, أما الاستلقاء أخاف منه عشان اذا استلقيت ما عاد اقدر أقوم... جابوا لي الأميرة الساعة 10 صباح بعد ما كشفت عليها طبيبة الأطفال والحمد لله والمنه انها طلعت سليمة معافاة :icon28: بستها وصورتها ونشرت صورها خخخخ .... أقمت في المستشفى 3 أيام, وكل يوم تمر عليا دكتورة أو دكتورتين, والحمد لله تخارجت على خير, والمضاد الحيوي برضو كانوا يعطوني في الوريد... خرجت من المستشفى يوم الجمعة وكان الجو ممطر وبكيت من الفرحة وأنا خارجة والحمد لله تخارجت وعقبالكم...

أسعد الله أوقاتكن جميعاً شكراً لكل اللي سأل عني وبارك لي وتحمد لي بالسلامة أقولكم قصة...

أتعبتي قلب من أحبك :

عروسه شاطرة انا ولا مرة قاست لي لضغط علشان كذا استغربت وهذه 3 مرة اروح لها

عروسه شاطرة انا ولا مرة قاست لي لضغط علشان كذا استغربت وهذه 3 مرة اروح لها