سارونةالمزيونة :

التقرير المفصل لعرس ولد عمي اللي كان يوم الخميس 10/ 5/ 2007 يا جماعة رحت الكوافير عالساعة 3 العصر انا واختي ... اختي (أكبر مني بسنتين) كانت متوترة و أعصابها شادة !!!! الكوافير سمعته حلوة و الكل يمدحه بس أول مرة نروح له !! لان الكوافير اللي نبيه ماكان في مجال للحجز.....المواعيد كلها فل (full) لما سألنا عرس منو جايينكم قالو لنا العرس اللي بصالة فندق الرايه!! نفس عرسنا!! فماكان له داعي نروح أصلا عشان ما نشوف أحد هناك الخلاصة دخلنا الصالون و اختي شويه و تنبط..!! :( كلمتنا المديرة اللبنانية و وورتنا صور المكياج اللي عندهم ..وايد حلو بس توو ماتش ..يعني ستايل معين بعض الناس تفضله..الألوان الكثيرة عالجفن و الزري (الجلتر) على الرموش و قصة!!! هذا زاد اختي أكثر...! قلت لها يا شيخة هدي!! ربج كريم و الحمدالله انا وانتي حلوين (مداح نفسه :) ) بس والله هذا الصج..يعني ان شاء الله نطلع حلوين بعد طلبت هي شسوار منفوش يعني ينلف لي داخل كثير لانها قاصة شعرها حديثا و حبت تبين القصة و لانها تبيه منفوش يعني مو لاصق عالراس حطولها لفافات و تحت السشوار خلوها ملطوعة ساعة :) هذا زادها الله لا يوريكم توتر ... أنا طبعا سمحة و هينه و أي شي مايخالف !! و الله ان السهل ربي يسهل عليه ...بدوو معاي بالمكياج و كانت اللي تحطه وحدة مصرية بس شنو شاطرة و دمها خفيف.. قلت لها أنا ما أبي نفس الصور....أبي شي يلوق لعيوني و راقي يعني بالكثير ثلاث ألوان سوالف تلطخ و بقع ما أبي.. ضحكت وقالت وايد زباين يجوون هم يطلبون جذي .!!! الناس أذواق خلصت و حطت لي رموش !!! بعرسي ما حطيت!! المهم صار خيالي المكياج أسود ببنفسجي و الروج لونه وردي فوشيا ..كنت خطيرة <----مداح نفسه يبيله رفسة (مرة ثانيه) :) جت اختي من السشوار شافت وجهي ...تهللت الأسارير (حلوة هذي الكلمه ) و انفكت عقدة هالحواجب و الحمدالله هدت النفسية جيت عالشعر سوت لي المدام اللبنانية شسوار على طول الشعر لان طويل و رفعت لي بف من جدام و حركة بسيطة مع اكسسوار...(طبعا كنت رافضة مبدأ الشنيون مرة ثانية...مع ان شكلي كان حلو المرة اللي فاتت بس كنت شبه أم كلثوم اذا تذكرون!!! سمينه و مع رفعة شعر!! ناقصني الايشارب بس!) جت اختي حبيبتي شكلها رووووووعة كانت بدلتها بيج بأسود فالمكياج سوته كريستالي و هي بيضا وايد ماشاء الله والروج برتقالي الفاتح...شكلها عجيب انا لاني خمرية الفوشيا لاق علي و هي الالوان الدافيه عليها تجنن المهم مدحتني كثير و بدوا بالشعر لها...اللي زادها اكتئاب الحين ان اللي تسوي شعرها تركية شاطرة جدا... طول ماهي تسوي شعرها تذم بقصة الشعر وان اللي مسويتها لك حمارة!! ما تفهم و تعالي أسويها و أضبطها!!! و اختي مو ناقصة هي قلقة خلقة يعني.. خلصنا يا جماعة عالساعة 7 ....زوج اختي اتصل يقول ما خلصتوّ!!! العرس خلص خلاص :) رجعنا البيت و ان قلت لها بتعشى مالي خص فيكي !! العشا بالعرس متأخر و انا وحدة حامل...تقول لي والروج!!! قلت يغور الروج....!! :) وحدة بطينية !! كليت و شكلي يموت من الضحك..أدخل اللقمة لبلعومي حيل داخل ...بس المهم شبعت وهي ظلت جوعانه لبسنا و تشيكنا ...و ركبنا مع السواق و امي سبقتنا للعرس عشان تقعد جدام لانها تبي الكنب اللي جدام لظهرها ... وصلنا العرس الساعة 9 بس دخلنا من الباب و رحنا الحمام ..جان يذيعون ان ياحريم لبسوا العبي لان سليمان القصار بيدخل!! ليش!!!؟؟ تونا بنفصخ!! (سليمان القصار فنان شعبي كويتي معروف و ناعم مرة يعني فافي على قولة المصريين ) بس يطق بالفرح ب 10000 دينار.!!!! تخيلوا :( المهم بالحمام حاطين علب مكياج و سلال فيها مناديل معطرة و مناديل للأسنان و علكة عند الحمام وحدة فلبينية تاخذ عباتك و تعلقها لك و تعطيكي رقم.. طبعا ما عطيناها ..لان ما مدانا تفصخ أصلا... دخلنا القاعة...و الحين اسمعو الوصف..: القاعة كبيرة يعني تكفي ألف شخص..و كانت مليانه يعني الموجودين بحدود 700 مدعو (كثير) من الدخول لغاية الكوشة سجاد أوف وايت مرشوش بورود وردي و أصفر الكوشة رهيبة!!! من الحيطة للحيطة ثلاث مربعات كبار جدا لي السقف...الاول بالنص لونه أصفر و هو أكبر واحد... عليه أغصان مشكله على أقماع 12 واحد نازل منهم ورد أصفر ووردي الثاني اللي على يمينه أصغر منه شوي لونه فوشي و مكتوب عليه اسم العروس و المعرس... كبير الاسم حيل ومجوف و من خلفه لمبات منورة الاسم المربع الثالث عالشمال أصغرهم لونه وردي أفتح و نازل منه شلال ورد و عنده شجره ورد أصفر بفوشيا والكنبه فوشيه بالنص كبيرة يتبع بالرد الجاي :)

التقرير المفصل لعرس ولد عمي اللي كان يوم الخميس 10/ 5/ 2007 يا جماعة رحت الكوافير عالساعة 3...

سارونةالمزيونة :

التقرير المفصل لعرس ولد عمي اللي كان يوم الخميس 10/ 5/ 2007 يا جماعة رحت الكوافير عالساعة 3 العصر انا واختي ... اختي (أكبر مني بسنتين) كانت متوترة و أعصابها شادة !!!! الكوافير سمعته حلوة و الكل يمدحه بس أول مرة نروح له !! لان الكوافير اللي نبيه ماكان في مجال للحجز.....المواعيد كلها فل (full) لما سألنا عرس منو جايينكم قالو لنا العرس اللي بصالة فندق الرايه!! نفس عرسنا!! فماكان له داعي نروح أصلا عشان ما نشوف أحد هناك الخلاصة دخلنا الصالون و اختي شويه و تنبط..!! :( كلمتنا المديرة اللبنانية و وورتنا صور المكياج اللي عندهم ..وايد حلو بس توو ماتش ..يعني ستايل معين بعض الناس تفضله..الألوان الكثيرة عالجفن و الزري (الجلتر) على الرموش و قصة!!! هذا زاد اختي أكثر...! قلت لها يا شيخة هدي!! ربج كريم و الحمدالله انا وانتي حلوين (مداح نفسه :) ) بس والله هذا الصج..يعني ان شاء الله نطلع حلوين بعد طلبت هي شسوار منفوش يعني ينلف لي داخل كثير لانها قاصة شعرها حديثا و حبت تبين القصة و لانها تبيه منفوش يعني مو لاصق عالراس حطولها لفافات و تحت السشوار خلوها ملطوعة ساعة :) هذا زادها الله لا يوريكم توتر ... أنا طبعا سمحة و هينه و أي شي مايخالف !! و الله ان السهل ربي يسهل عليه ...بدوو معاي بالمكياج و كانت اللي تحطه وحدة مصرية بس شنو شاطرة و دمها خفيف.. قلت لها أنا ما أبي نفس الصور....أبي شي يلوق لعيوني و راقي يعني بالكثير ثلاث ألوان سوالف تلطخ و بقع ما أبي.. ضحكت وقالت وايد زباين يجوون هم يطلبون جذي .!!! الناس أذواق خلصت و حطت لي رموش !!! بعرسي ما حطيت!! المهم صار خيالي المكياج أسود ببنفسجي و الروج لونه وردي فوشيا ..كنت خطيرة <----مداح نفسه يبيله رفسة (مرة ثانيه) :) جت اختي من السشوار شافت وجهي ...تهللت الأسارير (حلوة هذي الكلمه ) و انفكت عقدة هالحواجب و الحمدالله هدت النفسية جيت عالشعر سوت لي المدام اللبنانية شسوار على طول الشعر لان طويل و رفعت لي بف من جدام و حركة بسيطة مع اكسسوار...(طبعا كنت رافضة مبدأ الشنيون مرة ثانية...مع ان شكلي كان حلو المرة اللي فاتت بس كنت شبه أم كلثوم اذا تذكرون!!! سمينه و مع رفعة شعر!! ناقصني الايشارب بس!) جت اختي حبيبتي شكلها رووووووعة كانت بدلتها بيج بأسود فالمكياج سوته كريستالي و هي بيضا وايد ماشاء الله والروج برتقالي الفاتح...شكلها عجيب انا لاني خمرية الفوشيا لاق علي و هي الالوان الدافيه عليها تجنن المهم مدحتني كثير و بدوا بالشعر لها...اللي زادها اكتئاب الحين ان اللي تسوي شعرها تركية شاطرة جدا... طول ماهي تسوي شعرها تذم بقصة الشعر وان اللي مسويتها لك حمارة!! ما تفهم و تعالي أسويها و أضبطها!!! و اختي مو ناقصة هي قلقة خلقة يعني.. خلصنا يا جماعة عالساعة 7 ....زوج اختي اتصل يقول ما خلصتوّ!!! العرس خلص خلاص :) رجعنا البيت و ان قلت لها بتعشى مالي خص فيكي !! العشا بالعرس متأخر و انا وحدة حامل...تقول لي والروج!!! قلت يغور الروج....!! :) وحدة بطينية !! كليت و شكلي يموت من الضحك..أدخل اللقمة لبلعومي حيل داخل ...بس المهم شبعت وهي ظلت جوعانه لبسنا و تشيكنا ...و ركبنا مع السواق و امي سبقتنا للعرس عشان تقعد جدام لانها تبي الكنب اللي جدام لظهرها ... وصلنا العرس الساعة 9 بس دخلنا من الباب و رحنا الحمام ..جان يذيعون ان ياحريم لبسوا العبي لان سليمان القصار بيدخل!! ليش!!!؟؟ تونا بنفصخ!! (سليمان القصار فنان شعبي كويتي معروف و ناعم مرة يعني فافي على قولة المصريين ) بس يطق بالفرح ب 10000 دينار.!!!! تخيلوا :( المهم بالحمام حاطين علب مكياج و سلال فيها مناديل معطرة و مناديل للأسنان و علكة عند الحمام وحدة فلبينية تاخذ عباتك و تعلقها لك و تعطيكي رقم.. طبعا ما عطيناها ..لان ما مدانا تفصخ أصلا... دخلنا القاعة...و الحين اسمعو الوصف..: القاعة كبيرة يعني تكفي ألف شخص..و كانت مليانه يعني الموجودين بحدود 700 مدعو (كثير) من الدخول لغاية الكوشة سجاد أوف وايت مرشوش بورود وردي و أصفر الكوشة رهيبة!!! من الحيطة للحيطة ثلاث مربعات كبار جدا لي السقف...الاول بالنص لونه أصفر و هو أكبر واحد... عليه أغصان مشكله على أقماع 12 واحد نازل منهم ورد أصفر ووردي الثاني اللي على يمينه أصغر منه شوي لونه فوشي و مكتوب عليه اسم العروس و المعرس... كبير الاسم حيل ومجوف و من خلفه لمبات منورة الاسم المربع الثالث عالشمال أصغرهم لونه وردي أفتح و نازل منه شلال ورد و عنده شجره ورد أصفر بفوشيا والكنبه فوشيه بالنص كبيرة يتبع بالرد الجاي :)

التقرير المفصل لعرس ولد عمي اللي كان يوم الخميس 10/ 5/ 2007 يا جماعة رحت الكوافير عالساعة 3...