عطر الكادي - لوليا - بتول القدس - ام الاحمدين
جزاكم الله على مواساتكم والحمد لله على كل حال
اللهم اتمم حمل كل مسلمة وارزق كل محرومة اميييييين

bouchramarwa
اسأل الله ان يعوضك من سعته

____________
طال انتظاري الله يجمعك باحبتك في الدنيا والاخره
بقلكم اخباري
طلعت السوق طلعه الله لايوريها لكم ولا لمسلم طبعا الجو عندنا غيم ورعد وبرق والجو ممطر وانا من صليت العصر ابي اطلع وماااااااااابي بنفس الوقت متردده (هاتف بقلبي يقول اركدي ببيتك احسن لك ) فقلت بلاش من السوق كلمت الوالده قلت بنجي نسهر معاك قالت الليله معزومه لكن تعالوا بكره قلنا خير بكره نشوف اذا ناسبت ظروفنا او لا ؟
المهم البنات (تخنفرو) يعني كشروا وزمجروا الكبيره قامت راحت حطت حنا بشعرها واخذت كتابها ودخلت تذاكر والصغيره نامت
وبقي من العصابه اربعه 3 بنات وولد وانا ماده جثتي على الكنبه ( جثه بمعنى ما يشبه الميته خخخخخخ ) وهما واحد يقول اف والثانيه تقول اسمعنى يعني كل الناس يلوحون الا احنا والصغيره مره مكتفه يديها وماده بوزها والكبيره لابسه عبايتها وحاطه يدها على خدها
الييين الساعه خمس العصر قلت يالله بطلع لاقرب مول عندنا يلعبون ساعه ونرجع
كلمنا السوااااق وطلعنا باستثنا الكبيره والصغيره والشغاله
ومن طلعنا من باب العماره والمطر يضرررررررب على روسنا ركبنا السياره واناظر بالسماء الا وهي منقسمه قسمين قسم غيم وقسم صافي وقسم الغيم لونه كحلي والبروق في وسطه تخرع
وانا طول الطريق اسبح واستغفر من الخوف وقفنا عند المول وهو يبعد عن بيتي 10 دقايق ونزلنا
وكان يفترض امر الصراف اخذ كاش لكن مع المطر قلت بالمول صرافه بصرف منه وقلت للسواق ساعه ونص ونكلمك قال مش مشكله (وراح لمشوار يخص زوجي ) المهم الصرافه اعطتني قبول للعمليه وانا انتظر تطلع ال500 ومافيه امل انتظر وانتظر وما طلع شي ؟ سألني واحد من الي ينتظرون انتهيتي يا اختي قلت :قبلت العمليه لكن ما صرفت لي قال خلاص عطلانه ومشى هو وزوجته
وانا انقهرت كلمت زوجي اعطاني كلمتين حلوه (خلاص ياعمري ولا يهمك انا جاي جري الحين لا تحملين هم >>>>>> احلم
الا قال انت ماااااتفهمين الف مره قايلك لا تصرفين الا من البنك ،،،،،،، وقالي كم كلمه حلوه (وما تنبلع )
المهم انا قفلت الجوال وكلمت السواق وقلت ارجع وجيب لي معاك 100 ريال من عندك والمغرب اصرف وارجع لك قال مش مشكله مدام
وانتظرته واخذنا منه الميه وطلعت الصغار للملاهي (واجلت حكاية التشري ) المهم وهم يلعبون حسيت بدوار وفجأه صار جسمي كانه مش على الارض جوووووع فظيع مو قادره اتحمله في دقايق رغم اني ماكله بالبيت رحت لهرفي واخذت لي كمبو وتورتيلا ووجبات للاطفال واااااااااو مااطول دقايق الانتظار حسيت اني كاني مو ماكله من سنه استغفر الله المهم بس عطاني الطلب واروح بالصاله واجلس مع عيالي حول الطاوله وأكل واقلهم اكلوا وهم يقولون مو جوعانين وانا بس اكلت الكمبو حسيت ان جسمي ينفض ونبضات قلبي اسمعها بكفوفي وفي راسي وبكل مكان (جسمي كله يرجف وينفض ) يممممممممممي ما قدرت ازيد لاني زي ماخبرتكم اول كم لقمه تحسسني بالشبع

المهم دق الجوال الا وزوجي يقول وينكم رجعتم للبيت قلت لا بالسوق قال طيب انا راجع (كان مع اصحابه يتقهوون بالبر ) وكرر راجع وجوعااااان عيوني مزغلله من الجوع اعوذ بالله
قلت طيب روح للبيت البنات قدامك وانا جايه في الطريق
كلمنا السواق ورجعت لهرفي ابطلب لزوجي وبناتي والشغاله قال خلاص مدام بعد الصلاة لا حول ولاقوة الا بالله (يوم مزفت كله )
رجعنا البيت ووقفنا احنا وزوجي بنفس الوقت ودخلنا نزلت عباتي وطلعت التورتيلا واخذت عصير من الثلاجه واعطيته اياها وبعد ما اكل قاااااااال لا اله الا الله ما كأني ماكل الساعه 3
قلت حتى انا جعت فجاءة قال انت حامل لكن انا وش بلاي ؟!

القهر ان الفتره الجايه كلها لازم من نزلات السوق لان البنات بيفصلون فساتين لزواجات قريباتهم
يعني نزله للاقمشه وللخياط وللاكسسوارات ومستلزمات المناسبات من غير الصغار وانا والبيبي

اشلون اذا انا اول مره انزل السوق وانا لسى بالسادس ومااااااقدرت اكمل ساعه ؟ ولا دخلت بها الساعه اي محل ؟

انا حكيت لكم ابفضفض شوي بكره زوجي مسافر دوره شهرين وهالشي كمان بيزيدني هم لان اضافه لكل الي فوق نزلت السوبر ماركت وغيره ...
السموحه

________________________________________

حووووولاء ومززززيوووونة

أفرح والله اذا شفت اسمك تذكريني بالملف الأول وان الهم والوحم راحوا الحمدلله .. أحلى جمعة كانت ولا زالت جمعتي فيكم ..
ايه حبيبتي بنوتة ربي يحفظها ويحفظ لكم اجمعين وانتي اذا حابة تقولين عرفتي او لا مو اجباري ترى لأن فيه ناس ما يحبون يقولون .. على راحتك مابي احرجك ..


شجرة الدر
ما أظن أسويها هالكيكة تقول من الليل وحوسة وانا راعية قصيرة وما احب الحوسة الواجدة..

غريييبة
ألف شكر على طريقة الكيكة البر وصادقة لازم نستغل الوقت بالكلام بالمفيد ..وقصتك صراحة كلها تعب في تعب والسوق ارهاق علينا أنا اروح المستوصف ارجع كأني جاية من سفر بس

مايصير نقول ( يوم مزفت ) لأن اليوم من الدهر وما يجوز سب الدهر قال تعالى بحديث قدسي ( لا تسبوا الدهر فأنا الدهر أقلب الليل والنهار )


طال انتظاري
الله يرزقكم الذرية الصالحة وتستفيدون من خلفتهم ..

أوووووبما
بشري عيوني كيف الصحة ؟؟؟

هدييييل

أهليييين والله تعبنا واحنا نسأل عنك بالملفات الي تسكرت ياليت لو شفتيها تعرفين غلاوتك عندنا الحمدلله على السلامة ..

جزاك الله خير فيدا واستغفر الله العظيم من لغو الكلام

غريبة شكل العين الخميس هذا اختارتك انتي مبرووووك .. ما طلعتي هههههه