الجزء الثاني : على الفراش الابيض قصة ولادتي

السلام عليكم ورحمة الله وبركاته

الحمدلله حمداً يليق بجلال وجهه وعظيم سلطانه الحمدلله حمد الشاكرين الحمدلله الذي عافني وردني لاولادي وارجوكم دعواتكم لي 

مثل ماقلت لكم خواتي عمليتي السبت 1434/2/9صباحاً لليلة العمليه ماقدرت انام سهرت انا وبنات تعرفت عليهم بالقسم بعدين جت الممرضه حطت كيس الدم واطلبت منهم بعد مايخلص الدم يطلعون يخلوني ارتاح وبعد ماخلص اطلعو البنات وطلبتهم يجلسون وارفضو جابو لي موس حلاقه علشان انظف المنطقه والبس لبس العمليات كانت الساعه اربع تنظفت وتجهزت واخذو مني تحليل دم وحاولت انام ماقدرت صليت الفجر وغفيت اشوي الا ايصحوني وعلى الساعه سبع ونص طلعت للعمليات وكنت خايفه واحس ابضيقه مره طلعت على سرير واخذوني للغرفه قبل غرفة العمليات وانا احسني ابدون وعي من الخوف والجو كان مهيب مره دخلوني غرفة العمليات وكان اخصائي التخدير عند راسي بنجوني بنج كامل ماحسيت الا ابزي الانبوب كان امدخله في فمي واستفرغت الله يكرمكن وطلعوني للغرفة الافاقه اشوف بنتي تبكي مع الممرضات اطلبهم اقول قربوها لي ماحد قربها وكنت احس اني ابغيب عن الوعي وكان شي حار يكب مني وطلع نزيف لكن لاحولا لي ولاقوة بس اناظر باعيوني جو ممرضات الجناح الي كان المفروض اطلع فيه بعد الافاقه على اساس اينزلوني جت وحده منهم ارفعت الشرشف عني وراحت تجري برى وجت الثانيه ناظرت ونزلت الشرشف وزينو نداء عاجل للدكتوره وجت ابسرعه وكان كذا دكتوره ودكتور امخلصين عملياتهم وجو يجرو ابسرعه عندي والدكتوره تضغط على بطني ابقوه والدكتوره الثانيه اتصرخ عليهم جيبو اكياس دم ابسرعه وابلازما وانا ابغيب عن الوعي ويضربوني مع وجهي وينادوني ويتكلمو معي عن اولادي علشان مافقد الوعي وكنت اشم ريحة امي واقوي نفسي بها وفي بنتي وخواتي اتذكر اشكالهم واصحي والدكتوره تبكي وتقول ادعي يامليت حنا بين ايدين رحمة الله وكان ولله الحمد على لساني ربي اني مسني الضر وانت ارحم الراحمين ولااله الا انت سبحانك اني كنت من الظالمين كنت اكررها ابقلبي اكثر من اللساني جاء دكتور كبير بالسن وجلس ايصرخ عليهم يقول هذي ترجع للعمليات حالاً بدون نقاش واسئله وقالهم ابدل ابسرعه واتصلو على زوجها وبلغوه زوجي ياقلبي عليه كان بالمستشفى ولما ولدت وبشروه وتطمن علي رجع للبيت بس يقول  يوم جيت عند البيت اتصلو وقالو نبي انرجعها للعمليات مره ثانيه معها نزيف ونبي موافقتك احتمال نستصئل الرحم اذا موافق يقول صرخت على الدكتوره قلت العمليه مو مشكله دخلوها بس الرحم ماتلمسونه انتم عندكم خطاء بالجرح مو بالرحم وفي هاالاثناء كانو يقولون لي نفس الكلام هزيت راسي بالموافقه  اخذوني للعمليات وكان فيه شباب سعوديين ودكاتره ودكتورات وانا على الساني اللهم استرني اللهم استرني وقبل يحطون كمامة الاكسجين استودعت الله نفسي ورحمي وصحيت الساعه ثنتين الظهر والدكتور كبير السن عند راسي ويسألني عن رقم زوجي يقول ابدخله عندك اللحين ويتصل وزوجي مايرد لان اهلي كانو يتصلون عليه ومايبي ايخوفهم ايحسبهم مادرو اطلعن خواتي متصلات وخبروهم المستشفى ان معي نزيف المهم كنت بالعنايه المركزه الاجهزه علي واكياس الدم 13 كيس انقلوهن ولا اقدرو ايوقفون النزيف دخل زوجي علي وانا ابكي ابيه وامسك ايده واقوله اتصل على اختي ابيها واكلم امي ابمنطقه ثانيه قلت مابي اموت عند غرب ابي اشوف ناس اعرفهم وكانت اكثر وحده متمنيه احظنها واشم ريحتها هي أمي الحمدلله الرحم ماستئصلوه لقو تجمعات دمويه وجرح بالرحم جهة اليمين وشالو العرق الايمن المغذي للرحم اكتب لكن ياخواتي قصتي وانا ارتعش من الموقف لما جلست اتذكره جلست بالعنايه المركزه يومين يوم العمليه ويوم الأحد واليوم الاثنين العصر طلعوني للتنويم جبت بنوته بس ماشفته الا قبل اشوي الله يحفظها لي ويقومني لاولادي بالسلامه دعواتكن لي اكتب لكن وانا تعبانه بس صار فيني زي الخوف ماقدر انام واحس ابضيقه وقلت خليني اقولكم قصتي احسن من الوسواس الي فيني اللحين من النزيف ونصيحه لكل وحده حامل معها نزول لاتستهين بالموضوع وحتى فقر الدم خطير يابنات انا اللحين طالبين 54 متبرع ولا حصلنا احد يتبرع الله يفرج لنا اسفه على الاطاله وبحفظ الله