مشكورة الحلزونة الزيزفوونة على ردك وطمنتيني بصراحة بس انا استغرب ماعندهم بالولادة الا وفاء طيب اذا خلصت مناوبتها مين بدالها ...اخاف اجي اولد مالقاها .. طيب بغيت اسألك برضو هل يعطون ابرة التخدير من الظهر ( ولادة بدون الم) اخاف ان جيت اطلبهم يطلع الدكتور مسافر والا مو موجود (تصريفة) زي الحياة الوطني .. لان بصراحة هالابرة نعمة من الله انا جربتها بالقيصري والطبيعي بالرياض ..
احب حياتي .. دامك تولدين قيصري ليش ماتروحين عند د. حسن بالالماني احسن واحد بالعمليات حتى يستخدم الليزر بالعملية عشان مايطلع للعملية اي اثر وعملياته معرووفة جدا وانا اانصحك تسوين عنده ماراح تندمين .... مو زي عمليات ابها العام والله بنت عمتي مسوية خمس عمليات بابها العام والاخير بابها الخاص كلها عملياتها تخوف من الجنب للجنب تخيلي كل خصرها مفتوح شي مو طبيعي ويوم راحت اخر عملية ابها الخاص تقول مايفرق عمليتهم عن العام نفسها شاقين كل بطنها الله لا يسامحهم .. انا بصراحة عمليتي ماتتعدى 8سم مرة صغيرة وانتي براحتك استخيري افضل

المحروووسة ..
هلا حبيبتي
صح الدكتورة وفاء تسوي كشف سونار غير ب 800 تقريبا عشان التشوهات بالسابع او الثامن او حتى التاسع المهم فايدته تشوف التشوهات و كمية الدم اللي يوصل للجنين في حال عديتي التاسع هل ممكن تعطيك مهلة 10 ايام زيادة ... بس مو رباعي ثلاثي عااادي زي اللي عندها .. على كلامها انه احدث و متخصص في كشف التشوهات ... انا سويته بولدي الاول ... لكن هذا لا رميت الورقة لاني ماشفت فرق و احسها استغلال فلوس ... غير كذا سألت دكتورة في مستوصف الشامل قالت لي ما يحتاج لان وضعك طبيعي و السونار العادي يطلع كل شيء ... هذا والله اعلم اذا تبغى تتطمني سويه .. انا تركته لاني ما احب استغلال المستشفيات الخاصة و غالي بعد ..

اكليل الورد
اهلييين
فيه الدكتورة سمر و الدكتور حسن غيرها لكن اذا انتي متابعه معاها .. تجي وقت ولادتك حتى لو مو وقت مناوبتها .. اول ما تجين يدقون عليها الممرضات و تجي ... انا بولادتي الاولى جيت المستشفى 8 الصباح و طلبتها و ما كان فيه احد مناوب ... و جتني عالساعة 9 و نص ... بالنسبة لابرة الظهر والله ماعندي علم يالغالية و لا قد سالت عنها لاني اخاف منها و لا افكر اخذها ... غير انها ما تنعطى الا وقت الولادة .. اما قبله وقت الطلق ما يعطونك و انا ما ذبحني الا الم الطلق :( ..


الله ييسر للجميييع يارب و لي و يخارجنا على خير :( ...

<< قاعدة تشرب عسل و يانسون و حبة سوداء عشان تولد ههههههه

ع فكرة اضيفوني في القائمة ما اضفتوني

انا حامل و معدية التاسع ب3 ايام و باولد في الالماني ان شاء الله عند الدكتورة وفاء :)

سلام كروشات انا اليوم اخلاقي صفر وطفشانه مانمت زين من الم في جنبي ويوم نمت بعد الظهر ازعجتني بنتي احس اني ثقييييييله وطفشانه
واللي سمعة عن احد يراجع او ولد في مستشارك تفيدنا راحت لهم ام زوجي وتمدحهم اقصد اللي في الخميس

شكرا يا حلزوونة الف شكر والله يسر لك الولادة ياااارب بس لا تنسين عطينا قصة ولادتك عند الالماني والدكتورة وفاء ..
طيب ليش تخافي من ابرة الظهر ولا تفكرين فيها ... غريبة هنا الاحظ ماحد يطلبها ولا يفكرون وعندهم مبدأ انها تجيب شلل اصلا ما فيها شي بالعكس لا تخوف ولا شي ولا تجيب شلل لانها بعيدة عن الحبل الشوكي كل البعد .. انا اخذتها مرتين وامي اخذتها من قبل 30 سنة وكل الطبيبات بالرياض يولدون بالابرة هذي بس هنا معلوماتهم خطأ عنها حتى الطبيب الي عطاني الابرة هذي بالرياض يقول انه يعطي زوجته الابرة لما تولد ..
بعدين لازم يعطونك وقت الطلق والا وش فايدتها .. من يوصل الرحم 4 الى 5 سم يعطونك بس لازم قبلها يكون مخلصة مغذيتين وبعدين يعطونك ولا تحسين بشي ابد حتى لو تتقهوين وتحلين اللين مايقرب يطلع الجنين يقولون لك يلا دفي البيبي وبس
انا كنت انااام اللين مايفتح الرحم 9 سم بعدين يصحوني ويقولون يلا خلاص دفي ... وربي هالابرة انها نعمة من رب العالمين
واللي تبي تاخذ معلومات عنها اكثر افتحي على يو تيوب واكتبي ابرة الظهر وشوفي كلام الدكتور فواز ادريس اشتشاري النساء والولادة عنها ..

احب حياتي ممكن لوسمحتي تحسبيلي موعد ولادتي
اخر دوره كانت في 29/7