اكليل الورد تسلمين يا عسل
انا الان بالسابع وهذي الولادة الخامسة بالنسبة لي وميييييييييييييييته خوف
لو فعلا موجودة بالالماني باحول ملفي عالتاسع عندهم واتوكل على الله
ابها العام كله كوادر ممتازة ولدت فيه 4 مرات وزوجي راااااااااااااااافض الخاص تماما
لكن فعلا الاخطاء واردة باي مكان
انا ودي ارتاح بولادتي هذي ومو مهم السعر
فلو كانت موجوده يمديني هالشهرين اقنع زوجي فيها

ومع هذا التساهيل من الله
الله يسهل علي وعلى كل حامل


وبرضه ننتظر رد رنووود بما انها سبق لها تجربتها

سنابل وسعودية وأحمرية وأكليل ... الله يسلمكم وعقبالكم يارب يكتبلكم ربي ولادة ميسرة واطفال سليمين ويقر عيونكم بشوفتهم ..

بالنسبة لتجربتي في الألماني وابرة الظهر هذي كانت بولادتي الأخيرة قبل خمس سنوات سألت الدكتورة اذا عندهم ابرة الظهر ومن يعطيها قالت نعم موجودة واللي يعطيها استشاري .. وتوكلت على الله واستخرت .. ويوم ولادتي دخلت المستشفى والرحم مفتوح اربعة تقريبا ... طلبت الأبرة قالولي الأستشاري بيجي وتأخر وخفت الرحم يفتح زيادة فما عاد يصلح يعطيني فدقيت على الدكتورة في عيادتها وخبرتها انه ما جاء قالت الحين استعجله لك .. بعدين جاتني اخصائية تخدير وقالت الدكتور الأستشاري طلبوه في حالة مستعجلة في الغرفة اللي جنبك لأنها قيصري .. وحسيت من عيونها انها خايفة ولا ودها تعطيني فقالتلي باشرحلك شوي عن الأبرة واضرارها قلتلها لا خلاص أنا عارفة كل شي عنها اعطيني وبس .. قربت مني وطلبت انحني ومعاها سستر اذكر انها كانت فلبينية وما ادري هندية وبدأت تعقم المكان وتسمي وتحاول تدخلها حطتها في مكان وقالت حسيتي بشي قلت لا نقلتها لمكان ثاني وثالث ورابع وتتكلم انجلش مع السستر وثنتينهم يحسحسون باصابعهم وبديت انا اخاف .. بعدها بشوي دخلتها في مكان وحسيت بانتشار المادة بشكل دائري وليس كما كنت اقرأ بشكل مستقيم بالعامود سألتني قالت حسيتي بشي قلت ايه ووصفتلها قالت خلاص بيبدأ مفعولها بعد شوي .. وراحت وانا استنى والألم يزيد .. وكل شوي يزيد راحلها زوجي قالت كمان دقايق ويبدأ وراح بعدها لصلاة العصر وانا بدا الطلق يشتد دقيت عليها من الأنتر قالت أنا ما زودت البنج عشان البيبي ما ينام لو نام البيبي ما يساعدك في الولادة وتتعبي ويتعب فاحسن خليك تتحملي شوي .. وبقي الألم في زيادة الين ما حسيت الا بالدفع صرخت السستر ونادت الدكتورة اللي كنت اتابع معاها واللي نقلتني بسرعة لغرفة الولادة وطلبت اخصائية التخدير بسرعة وبدأت تجهزز للولادة وهي مرتبكة لأن كل شي صار فجأة ومي عاملة حسابها وشوي الا دخلت اخصائية التخدير فقالت لها دكتورتي البنت ما اتخدرتش كويس قالت الأخصائية الأبرة فشلت وبدون وعي مني مع صراخ الولادة قمت اهزء واسبها واقلها رجعي فلوسي ياحرامية قالت اوكية .. وبعد ما ولدت طلبتهم يرجعولي حق الأبرة اللي مدري كان 1700 أو 700 ناسية والله ورفضوا بحجة ان المادة استخدمت حتى لو ما استفدت منها .. وهذي تجربتي ... وأي اسئلة أنا حاضرة

كلمة حق .. ما ادري اللي صارلي مع هالأبرة هو خطأطبي أم ان بعض النساء ما تتخدر زي ماقال دكتور مرة ولا ربي صرفها عني لأني قبل ما اولد استخرت اكثر من مرة ان المادة اذا فيها ضرر علي أن الله يصرفها عني ..
بس بيني وبينكم لو ربي كتبلي حمل احس اني بارجع اطلبها بصراحة الولادة واااااااو ربي يكتب الأجر متعبة وانا مرجوجة ما اتحمل ...

رنود

ياحبي لك المهم سلامتك الله يحفظ لك ذريتك
وان شاء الله ربي صرف عنك سوء لما تركتيها
لان امر المؤمن كله خير
اليوم مريت من عند مستشفى الرحمة
وتذكرتك وانتي تقولين غرفهم مثل القبر مع النور اللي فوقك
وعلى طول لفيت نظري للمدار الطبي من الخوف ههههههههه


رنودة بليز

ماجاوبتيني اعتمد احتمال عبير الكيلاني او اعيد السونار ؟
مترددة مرة
ولو فيه احد اشطر تعرفين من خلال خبرتك بالمنطقة قولي لي قبل اسافر من ابها
والله يكتب اجرك