هذي تكمله لموضوعي السابق حاولت انزله في نفس الموضوع في الرد الثاني بس ما صار عندي ايقونة تعديل فقلت بانزله في موضوع جديد و يالليت المشرفه تدمج الموضوعين في موضوع واحد
نكمل الموضوع
أيضا من ضمن الاشياء اللي ما لازم أنساها
سجادة الجيب لانو بصراحه يجي احيانا و يحل وقت الصلاة و ما يكون في مصلى او مسجد فلازم يكون معاك سجاده بجيبك
من ضمن هالمواقف مثلا انا مره طلعت من بيتي المغرب و رحت ازور مريضه بعدين طلعت من عندها آذان العشاء و قال زوجي يالله نروح ناكل شي من المطعم قلت اوكي و رحنا المطعم و بعد المطعم كوفي و الحمد لله فرشت سجادتي في المطعم لحد ما يجي الطلب و صليت تخيلو يعني لو اجلتها لحد ما اوصل البيت كانت الساعه 12ونص
و كمان أحط مقلمه صغيره يكون فيها كحل و مسكرا و روج وردي و أعدل بكحلي و مسكرتي و انا بالسياره على السريع
بعد من اهم الاشياء ما أنسى وضع شباصه لشعري يعني لو أزعجني او انكسرت شباصتي على طول امسكه او لو كان حر ارفعه مع انه قصير مره بس حتى ولو استفيد منها كثير مع نص الشعر يطيح منها
كمان من أهم الاشياء هالشنطه الصغينونه الورديه لاتحقرون حجمها " 5 سم * 5 سم " يكون موجود فيها حبتين بندول و حلاو الحلق يزيل الاحتقان و يوقف العطاس و الكحة و الرشح و و بعد يكون فيها بنس للشعر و خيوط متعدده الالوان و ابره و مشبك سبحان الله لا ينقطع علي ازرار او شي و بعد يكون فيها مناديل معطره امسح فيها يديني بعد الاكل لانو احيانا في صوابين ما تروح ريحه الاكل او اذا انكب شي على ملابسي امسحه فيها و بعد يكون فيه مناديل ازالة المناكير من الاظافر و بعد يكون فيه مسحات طبيه و لصق جروح
و اليكم صورتها و صورة حلاو الحلق اللي ما أستغني عنه ابد
و خلاص هذي هي الاغراض اللي ما أستغني عنها ابد في شنطتي و اكون جامعتها في كيس او شنطة عبايه
مثل اللي في الصورة
و أعلقها على شماعة الملابس
و اذا جاء وقت الطلعة على طول افتح دولاب الشنط و اختار الشنطه اللي ابغي
و اركب السياره و بعدين في السياره ابدا ارتب الاغراض في الشنطه على كيفي
و سلامتكم
الحمد لله انتهى الموضوع و بالنسبه للي سألو عن ورق التواليت " هو ورق ينحط على التواليت بالاماكن العامه لانو يستخدم من قبل كذا شخط و استخدام الورق يقلل انتقال الامراض و يضمن النظافه اكثر " و انا يشتريه لي زوجي من السنيدي حق الرحلات و يكون فيه 10 حبات و بــ 3 ريال
و اي استفسار عن اي شي جاهزة
يعطيك العافيه