الجزء الثاني من ألم الخيانة من الزوج المحب و تاثيرة على حملي

مساء الخير يابنات اتمنى انكم بصحة وعافية وارجع اشكر كل البنات اللي واصلوني بالخاص عشان يعرفون اخباري

الجزء الاول

http://forum.hawaaworld.com/showthread.php?t=3988925


انا زي ماكنت اقول في كلامي مابي اواجهه ولا عرف وش اقول لاني لقيت صورها في جوالها وماعرف منهي ولاقدر اقوله انا افتش وراك وهذي صور مين مابي اطيح من عينه خصوصا اني مو متاكده ولا شفت او سمعت بس احس وقلبي يحس واعرف بس مابي اتكلم بدون دليل مادي حسي اوريه اياه بعينه

جاء من الدوام دخل بسرعه ولبس بسرعة وطلع يركض واجي اكلمه ويقولي وشفيك انا مستعجل طبعا تخيلوا هو داوم من 7 الصباح لحد 4 مساء كل يوم وانا عندي شغلات ابشاوره فيها المهم قلت خل يخلص مكالمته وبيرجع واطل مع الشبك ولا اسمع ولااشوف شيء ادري انها بنت لان قلبه طلير بينهبل بينجن واتعوذ من ابليس واتوضى واحاول اشغل نفسي ابي اصلي العصر ماقدرت ودخل بعد 30 دقيقة ويحط التلفون ويدخل يغسل والقط جواله وادخل والقى المحادثة بالوتزاب تحركت يعني فيه كلام بينهم وادخل وانصدم حسيت زي الشلل في وجهي يديني تعفطت ودخلت على جوه جلست على الارض مابي اقراء الكلام ابرسله لنفسي اول واصك باب غرفتي برجلي وانا طايحه وارسلته وامسحه من الجوال يعني ماكانه راح لي وشوي وينفتح باب الحمام ويطلع واحاول اوقف ابي اطلع من الغرفة وارجع الجوال ماقدرت واصرخ في وجهه من هذي واصارخ ويقول اخوي وشوفي انا اكلم اخوي وابدا اصارخ واضرب وادفه وقلت اتصل عليها اتصل الان واسحب جواله ويرفض يكلمها واروح لجوالي واقوله رقمها عندي وفعلا رقمها عندي من اسبوع بس ماعمري اتصلت لاني شاكة وابي اتاكد زي ماقلت ، واكلمهت من جوالي واول ماقلت لها من انا وعطيتها اسمي قامت تقولي انا متزوجه استري علي مابي الفضايح تكفين وانا انجنيت طار عقلي واصارخ عليه واتهمه بكلىالاتهامات البشعة وهو يترجاني وانا اقوله حقير انا تنزل مستواي لهالبنت انا وتكلم متزوجه من وصاختك يالمريض وش تبي بمتزوجة وش تبي فيها ومن متى تكلمها ويهديني وانا يديني من كثر ماطقيته ودفيته صاروا يعوروني واقوله هذا الحب والاحترام والتقدير والمساعدة اللي تعطيني اياها وانا حامل وانا توني حامل ماكملت شهر ماخليتني افرح في حملي بغيت اموت عشان احمل واكون عائله وننبسط ونستقر بعد الغربلة اللي غربلتني اياها ، فلوس ماعندك طرار وتزوجتك ، هدية بقيمتي ماعمرك جبت واخرتها بنت شوارع تكلم ؟

قام يقولي هذي وحده اعرفها قبل الزواج وماعرف كيف وصلت لي وماعرف كيف جابت رقمي وطبعا الكذب كله هي تلاحقني وانا ماعرف وانا غصب عني انا ضعيف وانا وانا وانا

وادفه واروح قلتىابي الطلاق ويصرخ يقول لا تكفين الا الطلاق قلت قعدتي معك خساره فيك انا بطلق وبكلم ابوي واخواني ومحامي الشركة يجونك اليوم انا مابيك انت عار وسواد لوجهي اناىبنت العائلة المحترمة اصلاىغلطتي ارضى فيك وانت اقل مني والله واخبط في وجه الباب وبوديني السرير يقول انسدحي واجلس ابكي وابكي وابكي واشاهق واشاهق واصارخ واسب والعن ابي اسكت ماعرف احس شفايفي تشققت دموعي صار تعورني خدي صار يالمني من الدموع ويمسك تلفوني لاتكلمين اهلك ارجوك الا اهلك ارجوك طبعا هو يعرف اهلي واحترامهم وخايف يفقد النظرة اللي بعيونهم قلت ابفضحك عند كل الناس وابتصل عليها وعلى زوجها واهلها وصورها في جوالي ابيك تكره حياتك وابي اشوفك تنتحر وتموت من الفشيلة والله لاعطيه رقم مكتب واخليك يجيلك بعملك ويفتح وراسك ويجرك جر قدام الموظفين ويعلممهم قيمتك يالوصخ يالحقير واجلس اضرب راسي بالمخده واضرب راسي بالارض بدون ماحس احس بس بيديني ماحس بجسمي انصدمت يوم قالي متزوجه انهبلت طاحت كل معليير الادب والاخلاق والمعالي والسمو من عيني ماقدر اتخيل الزوجه تكلم ورء زوجها ، اصلا زوجي وش عنده تكلمه ولا بس الدنيا مكالمات وبس رجال وبس ويحلف ويقسم انها مو في مدينتا واروح من الغرفه ويمسكني واصارخ واجمع ملابسي ويقولي ماراح تاخذين ملابسك واخذ ملابسي واحطها بشنط ويسحب الشنط وتكفين انتي حامل قلت للاسف انا حامل منك انت مو رجال عشان احمل منك انت عار على قلبي ومصيبه صابتني ياليت اروح لبيت اهلي زي ماطلعت الله لايوفقك وادخل الحمام ابي اتوضا اصلي ماقدرت
واطلع اصلي وهو زي المجنون مايدري وش يسوي . والم الاشياء الاساسية واخذ لاب توب حقي
والايباد وفوطي وواحط اشياء ماعرف وشي ويشيلها معي قال بوديك بشرط ساعع واجي اخذك قلت طيب قال لا اذا تسكتيني ماراح اخليك قلت غصبا عنك بتوديني عاد انا سواق اهلي مسافر ولو دقيت على امي بتنجن وبتجي مشي مسكينه ومابيه يقول طلعت من بيتي رغم اننا ماعندنا ذاىالسوالف في عائلتنا يعني سمعتها من عالم حواء بس ولو سواقنا فيهةاصلا طلعت بدون ماشاوره ، ويدور فيني في الشوارعىوالاحياء السكنيه ويهديني ويقول هذي نزوه وانا تايب والله وانا مابيها وانا مستعد اسوي اي شيء يرضيك قلت انت ماعندك شيء يرضيني انت وشو اصلا انت ولا شيء انا ارميك بشارع انا اهلي موجودين ماراح اموت واتزوج رجال احسن منك مليون مره انت وشو انت عرة مو رجال وهو ساكت ويقول معليش انتي معصبه وحامل ولا الومك بس ارجوك اهلي لاتسبينهم قلت طيب بس رجعه ماراح ارجع وشروط عليك مابي شروط وسكتنا حوالي ربع ساعه لقيت يديني لازالوا متعفطين ورجولي دخلوا على بعض وفمي زي الميلان جاه الظاهر جايتني اعراض جلطه بس ربي راحمني يمكن بحملي والله اني ماحسيت الا يوم وصلت بيت اهلي وانا انزل يامني اني ارجع معه وانا ودي اقوله الله يحرقك وتشب فيك السياره وتموت وادفنك بيديني من كثر ماااااطاح من عيني شهادة ودراسة وعلم وتعب وكفاح واخرتها حرمة متزوجه ليشليش بس ياربي ، وانزل لامي ودي اطيح واصيح ولا ابي ابين ضعفي ولا ابي اضيق صدرها وقالت وشفيك ماقدرت اصبر قلت لقيت زوجي يكلم وحده وانا من اول امي تقولي ترى زوجك دايم يغيب عن البيت ودايم مشغول واذا كثر غيابه يعني فيه بلاء .واصيح واصيح في بيت اهلي لما خلاص انفجر راسي وادور زي المجنونه وارسله قلت تلفونك وتلفونها مراقب عاد خالي مسؤل كبير في الداخلية قلت انا اوريكم واقول لامي قالن خلاص نجيب اسمها انا ضاق صدري اني ابفشل اسم اهلي واكلم خالي واعلمه قلت لامي قولي له هذي بنت تزعج بناتي ولا تجيبين طاري رجلي اصلا اهلي كلهم مايعرفون زوجي زين ومابي اذا تطلقت يعرفون السبب يقولون راعي حريم وطلقها بهالسبب ، والله واجلس لا ليلي ليل ولا نهاري نهار ويتصل يتصل ولا ارد ويتصل على امي قال بجي اخذها قالت تعبانه ونايمه قال خلاص بكره اخذها والله ويجي الفجر وانا استفرغ واطيح ولا نوم ولا اكل وجسمي يالمني واتالم في كل مكان والقى اظافري متكسره ورجلي مضروبه والله 6 ساعات وانا ماحس بالالم كله من العصبية اللي خلتني ماعرف وش فيني واتعوذ من ابليس وافتح الوتزاب اللي ارسلته والقى وش كاتب لها واولع زياده طبعا متزوجه وحامل وشهرها وبتولط وتواعده بعد الاربعين وش بيسوون وكم ساعه بيقعدون وكم وكيف و كل الكلام عن ال ..... انا معاد اعرف اوقف ولا اجلس جاني زي الوسوواس واطلع في الحوش ابي اصرخ ولا اقدر راح صوتي تمنيت اني اسوق واروح لبيتي ومعي مسدس واقتله وارجع بيتي
بنت الكل.... الحقيرة الفاجره النذلة تسئلة عني زوجتك حامل باي شهر يقولها توها بالاول بس ماعلينا انتي ياعمري متى ولادتك وتقومين لي بسلامه
.................
/////////////
مرت حياتي زي الشريط معه ماعاد صرت اعرف منهو هذا ولا اعرف انا من متزوجه الثقه انعدمت واانكسرت حواجز الحب والاحترام والعشق والغيره وكل شيء له قيمة خلاص صرت اقول اكيد انا في حلم وبصحى الحين اكيد زوجي انسان كويس صحيح عليه ملاحظات بس ماهو من النوع اللي يلاحق حرمة متزوجه وش مخه وش علقه وش مشكلته ؟؟؟؟؟؟ وين الحرام والحلال وين الحب اللي بينا وين الود والمشاعر وين الود وين وين وين
والله وتجي 8 الصباح وادخل على امي هلكانه واصحيها قلت اتصلي على خالي الحين والله تفطرني وتقولي نامي ابي انسدح ماقدر وتغفي عيني ساعه واصحى والا هي تعطيني معلومات البنت واقول طيب وفهلا في منطقه بعيده عني الله لايوفقها يارب
وللاسف المغرب يجون عيال عم ابوي ونظطر نطلع معهم للاستراحه خارج المنطقه وانا والله مادري وش اتكلم وش اقول ويقولون لي البنات فيك شيء انتي اكيد فيك شيء انتي تعبانة ؟؟؟ وانا والله لاشرب ولا اكل ولا سمع وش يقولون وامي تقول لت بس زوجها مسافر وضايق صدرها عليه وخواتي يقولون لي مبين عليك انك فيك شيء قصدهم الحمل لاني مابي خواتي يدرون وش فيني بس يدرون اني حامل والله
واروح لحالي واخذ جوال بدون اسم واتصل وترد واكلمها وتتجاوب قلت بسئلك قالت تفضلي
ليش تكلمين زوجي قالت هو يتصل فيني
وش بينكم بي مكالمات ومره شافني قبل الزواج
قلتىلها ليش يكلمك طيب قالت هو يقول انتي حبيبتي الاولى ماقدر اتركك
سجلت صوتها وعلمتها اني اعرفها وعرف اسمها طبعا ماطقت خبر ولا هتمت
قالت انا بولد وانا تعبانه والله اني مابيني وبينه الا مكالمات بس ماخذ منه فلوس وبالعكس سبق وسلفته والله وشكلها فعلا صادقه
وقلت ارسلي المحادثات القديمه اللي بينك وبينه
وارسلت اخر وحده اللي سبق وارسلتها لي
اريلت لي تصوير لجوالها واتصالاته لها
طبعا كل مكالماته الظهر وقت عمله والعصر وهو جاي
تعرف كل شيء عن حياتنا شبه عايشه معي في البيت
تركتها وانا كارهه نفسي وكاره زوجي اللي ماعرفت كيف اغيره واخليه يتركها بعد زواج 3 سنوات لازال يكلم حبيبته المتزوجه

قلبي انقطع يابناات والان لنا خمس ايام في الاستراحه وانا مرجعت له كلمته وعلمته كل شيء صار بيني وبينه انكر وكذب وقالي مابينا شيء
ارسلت له وش قالت عنه وحسيت بصدمة بصوته لانه للاسف لازال يبي يكلمها
غير رقمه طبعا واتصل علي من رقمة الجديد حلف يسوي لي اللي يرضيني
بيشيل الوتزاب وينساها واعتذر كثير لكن انا الان تغيرت كثير
ثقتي انهزت في نفسي وبطيتةافكر اعوذ بالله اخونه عشان ارد له خيانته وطعنته لي
واللي ضايقني كتبت لي انه زوجي يقول ان زوجتي ماتحب الجنس المني كثير الايام اللي كنت البس واتزين واحف فيها والايام اللي يعطيني ظهره وينام وانا قلبي يتقطع والايام اللي كنت اصحيه من النوم عشان نننبسط والمايوهات اللي شريتها ولا لبستها بسبب انشغاله عني وملابس نومي الجديدة اللي اصلا ماعمره شافها ،حملي الشيء الوحيد اللي موقفني عند طلاقي
الرجعه جدا صعبه لًزوجي لانه لو خاني مع بنت احلى مني وافضل مني يمكن اقول لقى عندها شيء مو عندي بنت مو متعلمة غير جميلة اسلوبها بالكلام بذيء وبلدي وبنت قروية جدا جدا جدا اكلمها ولافهم وش تقول من كثر ماهي قروية بالكلام .حملي متعبني ومستشفى بطلت اروح ولازالت ماعرف وش اسوي