السلام عليكم ورحمة الله وبركاته ..
يسعد صباحكم ومساءكم وكل اوقاتكم بطاعة الرحمن وتقبل الله منا ومنكم صالح الاعمال واعاننا على الصيام والقيام على الوجه الذي يرضيه عنا .. آآآآآآآآممميييييين يا رب العالمين ..
حبيباتي ..
أنا سبق ونزلت تجربتي في تعطير سجادات وشراشف الصلاة (الجلالات) ..
وبصراحة اعتذر منكم لأني نسيت اكتب بعض الملاحظات ..
لأني بعد ما نزلت الجزء الاول جاني ظرف طاريء وخرجت من البيت ونزلت لكم الجزء الثاني على السريع ..
لكن الله يسعدها سمن وعسل ساعدتني في ترتيب الموضوع بس بعضكم للأسف اتوقع ما شاف التعديل ..
المهم انا قلت ابي اعطيكم كل المعلومات الي عندي عشان ما يصير الموضوع ناقص ..
واكرر اعتذاري عن الخلل الي صار لكن والله رغم عني ..
طبعا انا كتبت بعض الملاحظات لكنها في نص الصفحات واكيد مو الكل بيجلس يفر الصفحات ..
عشان كذا قلت انزلها لكم بموضوع مستقل واقول لكم النتايج الي صارت معي من ذاك الوقت الى الحين ..
طبعا هذا رابط الموضوع ..
http://forum.hawaaworld.com/showthread.php?t=3170642
والحين نبدأ بالملاحظات ..
وراح اقول لكم على الاشياء الي اخطيت فيها عشان ما توقعون فيها ..
المفروض ما تحطين المبخره تحت المنشر وبعدين ترشين المويه المعطره .. لييييه ؟؟
طبعا لأني يوم كنت ابخ اثاري الجمر طفي من المويه ههههههههههههه فاضطريت اني ارجع اولع من جديد وهذا اخذ مني زيادة في الوقت ...
وبس هذي الملاحظه الي مرت علي نقلتها لكم عشان تستفيدون ..
وممكن اي وحده تتبع نفس الطريقة مع ملابسها او ملابس زوجها وعيالها ..
بحيث انك اول ما تطلعينها من الغسالة وهي باقي رطبة تحطين البخور تحتها وترشينها بالعطر الي تبين ..
وتعالي شوفي الريحة كم بتثبت معاك << طبعا يرجع لنوعية البخور والعطر المستخدمة ...
لكن ترى ما يجوز تحطينها على ملابسك الي بتطلعين بها امام الرجال جربيها على ملابس البيت وملابس زوجك وعيالك الصغار ..
اللهم هل بلغت ؟؟ اللهم فاشهد ..
-------------------------
الشيء الثاني ..
الي ماعندها منشر وش تسوي ؟؟
طبعا الحل سهل ..
هو انها تحطها في علاقيات ملابس وتعلقها في الدولاب وتتبع نفس الخطوات وممكن اذا كان الدولاب زحمة تفضيه من قبل اذا تقدر ..
ومثل ما قلت ممكن تستخدم هالطريقة لملابسها حتى لو بدون غسيل يعني لو كانت نظيفة وتبي بس تعطرها تسوي لها كذا ..
لكن مثل ما قلت .. ملابس ما بتمر بها على رجال اجانب ..
----------------
طبعا الي خلاني اكتب الموضوع مره ثانية ..
اولا / عشان الي ما قرت هالمعلومات تقراها ..
ثانيا / عشاني شفت كثير من البنات جالسين يجهزون لرمضان ما شاء الله وكان من بين تجهيزاتهم جلال الصلاة والسجادة .. فحبيت اهديهم هالطريقة هذي بمناسبة رمضان لأنها فعلا سهلة ..
------------------------
طبعا النتايج الي صارت معي والحمدلله الى الان مرضية جدددددددددددداااااااااا ..
تخيلوا اني مجرد ما افتح الصندوق تفوح ريحة العطر والنظافة احس براااحه عجيبة ..
حتى اذا جونا ضيوف تشوفوني افتح الصندوق واقدم لهم السجادات والشراشف بكل ثقة والحمدلله الريحة ماتغيرت الى الحين .. بالعكس كأن توي مسويتها ..
--------------------
و طبعا كل ما حسيتي الريحة خفت ممكن تزيدينها رشة عطر كمان ..
وبالنسبة للعطور ..
كل وحدة وذوقها انا ما الزمكم بهالعطور بس لا بالعكس كل وحدة تسوي الي يعجبها وتقدر تزيد وتنقص بكيفها ..
وممكن للي يحبون ريحة دهن العود يحطون دهن العود ..
المسألة اختيارية ..
---------------------------
وأي سؤال حبايبي انا جاهزة ..
وكل عام وانتم الى الله اقرب ..
--------------------
وطبعا في الاخير حبيت اقول لكم ..
ان هذا العمل بشري ولا يخلو من الزلل والنقصان ..
فما كان من صواب فمن الله وحده ..
وما كان من خطأ فمن نفسي والشيطان ..
استودعكم المنان ..
وسلام عليكم من الله الرحيم الرحمن ..
محبتكم //
عنوان الذوق
وهذي هدية بسيطة لكم بمناسبة شهر رمضان ..
تفضلوا ..
http://forum.hawaaworld.com/showthread.php?p=66606078&posted=1#post66606078