شكرا ام فوفو تسلم ايدك يارب

ماشاء الله تبارك الله حلوه الفكره بس يبيلها من يجمعها ويطبقها في بيته


وعندي لكم حل لمشكله دايما تتكرر عندي لان وهي إذا احتجت المفكات والمسامير او اي شيء من العده ما القاها لدرجة انها تختفي للابد وانا اكون حاطتها بمكان مخصص في المستودع
المهم
اني يوم سكنت بيت اربعة ادوار ما شاء الله ولا بغيت العده ابحث في كل مكان لين القاها واحيانا ما القاها
المهم رحت وشريت مفكات وعدة كهرباء وكشاف وقفازات ومقص وحطيتها بالدور العلوي عند الغساله والمكيفات والسطح
وشريت عدة خياطه بعلبه حلوه وحطيتها عند الغساله عشان اي شي بالملابس يبيله خياطه او تثبيت ازارير قبل الغسل اكون بسرعه اسويه
وإذا احتجنا عدة الكهرباء نجيب العده وبعدها نرجعها لمحلها عند الغساله
كما اني شريت عدة كامله للمطبخ للكهرباء والسباكه وغيرهاوحطيتها بدولاب خاص ورا الباب
ومثلها للدور الثاني وحطيتها بدولاب الخدماتبدرج خاص
ونبهت كل اللي بالبيت لايستخدمون عدة الدور الثاني بالدور الارضي ولا العكس حتى لاتضيع الاشياء ولا ندري عنها والحمدلله اشوف انها فكره مريحه وبسيطه

هاه انا جيت وجبت لكم فكرة بس مو كلن يقدر عليها


وهي اني طبعا كنباتي اللي نجلس عليها في الصاله العائليه حلوه واخاف عليها من الوسخ من العيال الصغار تعرفون الجلسه فيها تلفزيون وسوني واللعب كل النهار بهالصاله والكنبات تندمر من هاذا يجيب العصير ويشرب عليها وهذا ياكل بسكوت ويتناثر عليها وبين الكنبات والمخدات اشكال وانواع القراطيس والادوات والقلام والخ
المهم
فكرت بفكره تحفظلي الكنبات نظيفه لو جاني ضيوف يمونون علي ويدخلون الصاله ويشوفون حوستنا معليش حوسه بس تكون نظيفه
المهم مالكم بالطويله
رحت للسوق وشريت ثلاث طاقات قماش خام ومعها لفة كبيره من القيطان وبعدين جبت مكينتي الخياطة وفصلت على الكنبات غطاء على شكل الكنب وحطيت القيطان على الاطراف وقمت اتفنن واحط كسرات اسفل الكنب وعلى الجوانب ,
وبعدين غطيت كل الكنبات وشلت مخدات الكنب وغسلتها ورفعتها بالمستودع وصار الكنب بالصاله للجلوس دون مخدات ولا حوسه بالارض وبعدين لون الكنب عنابي ولون الغطاء بيج وتخيلوا كيف صار والله ان زوجي وعيالي يقولون احسن من موديل الكنب وانا اخترت الللون البيج عشان اي بقعه على طول تنغسل ولا يبقى لها اثر وبكذا حافظت عليه حتى من الغبرات اللي جت الرياض وغطت على كل شي
وبس ارجو اني ما طولت عليكم ببربرتي
وارجوا اني اعطيكم فكره مو لازم انتم تسووها لو تشتروها جاهزة وتلبسوها الكنب او تعطوا احد يخيطها لكم بس اكيد إذا صار الشيء من صنع يديك يكون له ميزه اكثر من غيره لان فيه لمساتك وذوقك
واسمحولي ما حطيت صور لاني والله ماعرف احط صور وان قدرت ماراح اتاخر

حلوه فكرة الاكياس حقت البربتوزات لاستغلالها في شي يفيدنا بعد لو تجيبي منها على عدد الفساتين في دولاب الطفال الصغار وتحطي كل اللي يخص الفستان او البدله من جزم وشراب وبكل وحزامات واكسسوارات وتعلقيها مع الفستان .تكوني كذا ريحتي راسك من التجهيز والتجميع وقت اللبس
ارجو اني وضحت فكرتي واستفدتوا

الله يوفقكم الى مايحب ويرضى

أفكار راااائعه الله لايحرمنه من ابداعاتكم

بس حبيت أسأل الأخت تايتنك فكرتها حلوه وحابه أطبقها

اذا تقدر تساعدني ياريت والله يجزاها كل خير