الجزء الثاني من +++ لاتتركوني ماراح انام لين تردون علي ++شوفوا ايش سويت مع بنتي

الله يجزاكم خير كل من ردت علي ويوفقكم دنيا واخره
بقولكم ايش سويت مع بنتي اليوم

طبعاااا صحيت الساعه ض0 1وانا مانمت من الهم الله يكفيكم شره

ماقلت لها شي ولاكلمتها جات عندي تكلمني مارديت عليها قالت ماما ايش فيك قلت مافيني شي قالت لا فيككي حتى انا صحيت وقلبي مقبوض قلت اكيد فيه شي

المهم تغدينا ومرت العصريه بصمت يوم اذن المغرب توضات وجات عندي جات عندي قالت ماما انا تعودت ماخبي عنك شي حتى يوم اعز صاحباتي كلمت شاب قلت لك وخليتك تكلمي اختها الكبيره على انك فاعلة خير من المدرسه والحمد لله افتكت منه

وتقوليلها يعني لو قريتي الدفتر الي بالغرفه عادي لو كنت بخبيه عنك ماتركت غرفتي مفتوحه

هنا تكلمت انا قلت والكلام الي مكتوب فيه انا انصدمت ماتوقعتك كذا معقول هاذي بنتي قالت ماماا وبكيت وجلست تحلف وجابت القران وفتحت على سورة البقره وحطت يدها عليها وقالت

الله يجعل لساني ويدي الشلل اذا كلمت شاب سواء بالنت او لاجوال

والله يابنات ان ضاق صدري ماحب هالمواقف والحلفان

قالت ياماما احنا يوم جمعه والمغرب بياذن وانا حلفت لك على المصحف وهذا جوالي خذيه والله ماصفيت له حساب والنت ابشري من عيوني والله مافتحه غير قدامك وكتبت ايميلها ورقمها السري واعطتني اياه وترى شلت الكمبيوتر من الفجر والله ماسالت عنه قالت شوفيه عندك يعني مقدر امسح منه شي او اغير شي

قلت يمكن متصله على احد يزبطه لك قالت ماما جوالي قدامك له اسبوعين مافيه شحن وتلفون البيت شايلته انتي _____ حتى التلفون الفجر شلته من الصاله
اذا تبغين تدخلين وتشيكين وكلمي خالي رقمي السري عنده وضايفته معاي

قلت يمكن عندك ايميل ثاني ........................ وسوست قالت الله لايوفقني دنيا واخره اذا خبيت عليك شي وجلست تبوس فيني وتتحضني قلت خلاص مصدقتك لكن والله والله والله لو شفت انك تلعبين علي او تخدعيني لاذبحك بيدي

قالت ياماما وربي الدفتر مذكرات انا وصاحبتي نكتب خيالات واتصلي عليها واساليها واذا تبي يالله نروح عندها وشوفي دفترها نقرا قصص ونتيخلها صارت فينا وبالنهايه نكتب توقعنا لو احنا كذا اهلنا كيف يعاقبونا وبالاخير نتبادل الدفاتر

مدرررررررررررررررررريصادقه ولاا لا
هي من صغيره اذا قالت شي وقلت احلفي اذا تكذب على طول تقول ماما خللااص واذا صادقه مليون حلفه ورا بعض حتى معلماتها يقولوا لاقلنا للبنات احلفوا اذا صادقه تحلف واذا تكذب تقول ورطوتنا بالحلفان

ادعوا لها يابنات انها تكون صادقه وقولي اراكم والله اني بحاجتكم الله يوفقكم دنيا واخره ويسعد كل من ردت علي ويجزاكم مليوم خير

نسيت اقولكم يابنات ترى من النوع الي دايم انام معاها بغرفتها اذا ابوها مسافر اقولها عندك ضيوف تقول الله ييحييك افرش بالارض انا وهي وخواتها ونسولف لين ننام واذا قالت ماجاني نوم وطفشت اجلس عندها على السري لين تنام والعب معاها احيانا ودي اصفقها من العابها بس امسك نفسي واسوي اني مبسوطه مره واتقهوى معاها ولاسوت حلا والا سلطه +++++++++ هذا حدها
اكله كله واقطعها بالمدح افاجاها بهدايا لغرفتها اجيب لها قصص وكتب دينيه نجلس احيانا اقولها بنسوي ساعه ذكر نسمه محاضره وندعي انزل معاها الحوش واتمشى معاها اذا قالت بسوي ريجيم قلت معاك واذا قالت بتركه قلت معاك فيه برامج سخيفه تشوفها وتقول تعال بنام على رجلك وتجلس تشرح لي صح ودي اكفخها بس اضحك واستهبل معااها
ارجع مهاااها مراهقه حتى هي تخاف من ابوها وواحد من خوالها مجرد ذكر اسمه يرعبها تشوف تعامله مع بناته