الجزء الثاني من لاتظلمو الزوجة الثانيه

بدات زوجته بالكذب ان ناس يكلمونها ويقولون لها كثري من الموز والخيار وانه رجال يتصلون

عليها ويقولون ليه قاعده معاه وانه مع هذيك مبسوط .. بعد كذا صارت قدامة ماتاكل وتربط

راسها وتبلع كرتون بندول طبعا رجلي يجي يقولي انهامسكينه بلعت كرتون بندول وانا كنت في

الاول مصدقه واقول لرجلي خذها واطلع معاها تمشى وقول لها انك تحبها واقول لرجلي شوف

مين الي يتصل ويكلمها مسكينه .. بعد كذا صارت تقول انه واحده تكلمها وتقول لها انتي كنتي

قبل ساعة في الحمام وافتحي دولابك وطبعا هي فتحته وتشوف خنفسانه واذا نادت الشغاله

تختفي الخنفسانه .. بعد كذا انه فيه واحد يلمس جسمها وهي نايمه . بعد كذا رسائل على الجوال

تقول طبعا اسمي واسم رجلي = حب وموتي قهر وتركك ليه ... وتهديد طبعا من غير رقم

والرساله ماتتخزن وبعد كذا رقم بيتي يضهر عندها في الجوال وتجري يم رجلي تقوله شوف

اتصالاتها .. هذا كله وانا صابره واقول له ساعدها مسكينه انا والله مارسلت لها رساله ولا

كلمت عليها اشلون اكلم الساعة 3 الفجر وانا نايمة طبعا رجلي ظلمني وهجرني من غير حتى

مبلغ في يدي وانا حامل كنت اخذ من جاراتي على 10 و20 ريال مرضت ونزفت في نص الليل

واذا كلمت على جواله ردت تقولي ماهو فيه وتصك واضظر اكلم صديقاتي يودوني المستشفى

لان اهلي بره البلد ومايدرون لاني لو قلت لهم بيقولون اختيارك وتستاهلين صبرت والله

جاء يوم هو بيروح لشغل في نفس البلد الي فيها عيالي قمت ترجيته ياخذني علشان اشوفهم

شوي اتصل فيني قالي انتي ارسلتي لها رساله من غير رقم تقولين لها انك مسافره معاي

بكيت قلت لا ولله قام تركني وسافر بكيت بكيت ودعيت ربي ان ربي يكشف ايش الي صاير

وفجاءه كلمتني صديقه لي وسالتها قلت انا كلمت الهاتف وسالت النت يقولون مافيه رسائل من

غير رقم ضحكت وقالت انها عن طريق جوال نوكيا التقويم .. وقالت ليه الطريق فرحت وحزنت

على عيالي الي كانو منتضريني ووكلت امري لله . رجع رجلي وطلبته جاني ووريته الرسائل

اشلون طريقتها قالي انتي قلتي لها انك بترسلين عقد الزواج من تحت الباب انهبلت وبكيت

قلت روح انا تعبت طلقني . طبعا رجلي اكتشف انه كلها خطط من زوجته وكشفها وواجها

ولما جاني طبعا هو مايتكلم فيها ابد عندي اما يمدح او مايجيب سيرتها المهم صبرت قالي

اهلي ماراح يدرون انتي تبيني ولا تبين اهلي قلت ابيك انت لاني حبيتك انت طبعا صارت زوجته

تتصل وتقول اقذر الالفاظ من ق.ش.... ومره كان هو في الحمام جاته رساله قلت خلني اشوفها

والله كذا كان نصها ( الاجاز مبتدية ياش وانت قاعد عند الخن..) انا انهبلت اشلون تقوله ذي

الكملة قام هو تهاوش معاي اني شفتها وقالي انها لها عذرها مره تغار ان رجلها تزوج عليها

مع العلم انها ماقالت لاهله عن زواجه صار يجيب عياله عندي الصغار وانا مبسوطه

فيهم بالذات اني محرومة من عيالي طبعا يسافر لديرته ويتركني بالاسابيع مايرد علي ولا يسال

ولا يترك مصرف ويجيني بعد فتره يقولي اني احبك وارتاح لما احط راسي على صدرك

بعت ذهبي علشان اشتري ملابس البيبي واخذت من اهلي مبلغ علشان اساعده فيه ومره جوني

عيالي وخرجت معاه علشان اطعم البيبي رجعت لقيتها مكلمة اطفالي من رجلي الاول وقايله لهم

ان امكم ش واني اقدر اطردكم انتوا وياها في الشارع ... انا زعلت قلت له خلاص انا ماعاد

اقدر اتحمل كنت والده ليه 20 يوم بس انت ضعيف انت مالك شخصيه قام قالي اطلعي بره البيت

وانتي طالق رحت وانا نفاس عند جارتي وكلمت على ابو عيالي يجي ياخذهم بحجة اني مسافره

وجاء بعد كذا يتاسف وانه يحبني واني انا عصبته ورجعت يعني صارت مشاكل كثيره وهو

سلبي مايقدر يوقفها ابد عن اذيتي ويشهد ربي اني ماقيد غلطت عليها ولاقيد حاولت اتصل عليها

او اني اغيظها وهذا انا ورجلي مثل ماهو مره يرجع ملهوف علي ومره تحسون انه وجهه

اسود ومايقدر يدخل بيتي بالايام ولاسابيع واذا دخل يبعد عني وينام على طول على الكنب

طبعا الطفل الي جبته ماحد يدري عنه ولا اضافه ولا اضافني وانا مثل مانا صابره ولله يجزيني

خير انشالله وهو مثل ماهو حالته حاله مع مشاكلها وصراخها وسلبيته والحين اقولكم


لاتظلمون الزوججججججججججة الثانيه ابدا :44: