ما شاء الله عليكم اخواتي وعلى أفكاركم الرائعه
غبت عنكم فتره لأني كنت مسافره ورجعت لكم وأن شاء الله بنزل لكم أفكار جديده ...
تسلمي أختي مزايا انسانه على جهودك الرائعه وتشجيعك للجميع الله يجزاك الجنه

ما شاء الله عليكم جميعا مبدعات *يارب اترك الكسل واكون مجتهده مثلكم

السلام عليكم ورحمة الله وبركاته : اتمنى تعجبكم افكاري
- الفوط الصغيرة او اي فوط استهلكت ونوعيتها جيدة اقصها بشكل مستطيل زي الفوط الصحيه استخدمها آخر الايام او للاحتياط اذا الدورة مش منتظمه رائعة للي يتحسسون من الفوط وانظف واحن على الجلد ولا تأخذ حيز في الشنطة الفها مثل الرول
-صابون الايدي اشترية بالجالون لان عندي عدد من المغاسل والحمامات اكرمكم الله لكن لا ترضيني الرائحة اخذت صابون الجسم اللي نستخدمه وبشرته والصابونه تكفي لاكثر من علبه وممكن تضعبه في الخلاط حتى يذوب ثم يستخدم والله يا اخوات رائع واوفر كثير من الجالون لان شدة الصابون او الدرزن بعشرة وصابونه وحده ملأت اكثر من علبه
0 علب الشامبو العائلي الكبير بعد ما تخلص اضع فيها جل العملاق وهو الوحيد اللي استخدمه في التنظيف وكذا صار فيه تحكم في الكميات وخاصة اللي عندعا شغالة لان كم ضغطه بتكفي الحمام كله
اتمنى افدتكم

مي الصغيرة الله يعطيك العافية
اعجبتني فكرة الجل
والفكرة الثانية فكرة الصابون تحطين معة ماء في الخلاط ولا وحدة بطبقها بس ابي الطريقة بالضبط

عندي فكرتين ان شاء الله تعجبكم
اولا صناديق الفلين الابيض اللي يجي فيها خضار مثل الخيار ارص منها ثلاثة في رف الثلاجة
واحط في واحد ادوية لأنها كثير عندي والثاني اغراض القهوة الزائدة عن الحاجة مثل البن
والزنجبيل والهيل والنانخة والقرفة وغيره والصندوق الثالث اضع فيه باقي البهارات بأكياسها من فلفل
اسود وكمون وبهار مشكل واذا عندي صناديق اخرى استفيد منها في ادراج الدولاب للمعلبات
الفكرة الثانية
قوارير العصير سيزر احط فيها كل الحبوب وارصها فوق الدولاب
هذا اللي عندي الان وان شاء الله انا مواصلة معكم