هلا والله حبيبت هووودي
الف الف الف مبروك منذر ويتربى بعزكم وتشوفينه عريس يارب
واخيرا صرتي ام ههههههههههههههه
يللا جربي الامومه والسهر الحين

قصة ولادتي بالتفصيل الممل بسم الله نبدا كان يجيني طلق اخر الليل ويروح المهم يا بنات رحت اخر شهر ذي القعده على 27 رحت على مستشفى النماص شفت سودانيه هناك ما ارتحت لها قالت بتكشف عييت قال الدكتور المصري بكشف قلت لاء قال تنويم قلت لائ سوى سونار قال لازم تنومين المشيمة خلاص وانتي خلصتي التاسع ومن هاالكلام المهم انا طلعت من عندهم قال زوجي اجلسي رفضت وطلعت من الغرفة الا القى الاطباء متجمعين قال الاستشاري احنا بنطيك مهلة ليوم السبت وبعدين تعالي نشوف وضعك بس انتبهي لحركة الجنين رحت من عندهم وجلست الخميس كله والجمعه ما يتحرك بغيت انجن قلت يمكن يضيع مني ويموت ويصير عليه اثم جلست في الليل يدي على بطني وابكي واستودعته الله وصليت في الليل وادعي ربي انه يحفظه
المهم صباح السبت جهزت اولادي راح ولدي المدرسة واخذت بنتي وديتها الروضه وتوكلت على الله ورحت المستشفى رحت كشفت دكتورة قالت مفتوح 2 سم لازم تنويم وهاتيك يا اسئله
كم عندك وطبيعي والا قيصري المهم والاقي وحدة تولد بكريه واخاف وادعي لها تخيلوا نوموني في غرفة المخاض 3 ايام من السبت وكشفيات المهم واختكم في الله قد قريت عن الولاده وايش يفتح الرحم ومن الخلطات واخذت معايه حلتيت واشمشم فيه واحط في الفوطه الله يكرمكم وقلت اكيد انه فتح وتكشف الدكتورة ويجيك التحطيم مازال 2 سم وامشي من بعد المغرب كل ساعة امشي ربع ساعة لحد ما انتهت مناوبة الدكتورة السودانية العسل ترى ماهي اللي سبق اني رفضت كشفها هذيك تخوف وتوها جايه جديد بس هذي عسل المهم انها راحت وجاء بعدها دكتور وانا رحت ارتاح في السرير وخايفه مافيه احد معي الا الممرضه الفلبينيه والدكتور واسكر الستاير وانسدح يفكروني نايمه وانا ميته خوف وادعي ربي يجيني الطلق بس خفيف مرره المهم وتجي وحدة ويولدها الدكتور على طول ماشاء الله وتجي وحده ثانيه وتتنوم معي قلت الحمد لله على الاقل لقيت وحده تسولف علي وتانس وحشتي وتجي الدكتورة وتكشف الا انفتح 4سم يعني بطيء مرره وماني بكريه ورفضوا يعطوني طلق يقولون عندك قيصريه ونخاف ينفجر الرحم المهم وتكشف السودانيه قالت 6سم وانا اقول يارب ما يولدني الا انتي واكلم اخت زوجي قلت حمي زيت زيتون مع حبة سوداء يقولون تفتح الرحم ولازم احط رجولي في ماء حار المهم جاب لي زوجي الزيت وحطيت منه وقلت مافيها كلام بيفتح الرحم تخيلو وتجي الدكتورة وتكشف قالت 5سم انا انقهرت وتعبت من الكشفيات وابر المغذيات والله 7 ابر حطوها لي كل ما حطوا الابرة في مكان ما يلاقون عرق لان عروقي صغار مره المهم جات ممرضة سعوديه الله يسر امرها يدها خفيفه وحطت ابره وقلت والله لو ما تضبط هذي ما عاد اخليكم تلعبون فيني المهم يوم في الليل يوم الاحد اصابني ياس شديد وفكرت كل اللي يجون يولدون ويروحون وانا مازلت مكاني ومتعلقه في خرابيط واخذ الحلتيت ووارميه في الزبالة وانتوا بكرامه قلت الحين ماعاد عندي غير ربي وانا قد اخذت من البيت ادعية لتسهيل الولادة وادعية ثانية كنت ادعي بها كل جمعه المهم واتوكل على الله واقول فوضت امري الى الله وادعي واقول اللي بيكتبه لي ربي راضيه به سواء عمليه او طبيعي اهم شي ربي يخارجني بالسلامه اناواللي في بطني واجلس طول الليل ادعي واللي كانت موجوده معي طلعوها التنويم فوق وانا جلست المهم وادعي واتعلق بالله اكثر وادعي المهم جاء الصباح يوم الاثنين ويجيني اخصائي سوداني يمدحونه معه دكتورة فلبينيه قال بنعمل لك قسطرة داخل الرحم توسع الرحم وبيتوسع ان شاء الله وتولدين طبيعي المهم سوتها لي الفلبينيه وتعبت عبارة عن بالون بحجم البرتقاله الصغيره المهم يا بنات وتسويها لي وقالت بسوي لك قسطره للبول وسوتها لي قال الدكتور امشي بس شوي اذا تعبتي ارتاحي لاتجهدين نفسك والفلبينيه تقول امشي كثير يا بنات تخيلوا البالون هذي نازل منها زي الانبوب وتخيلي يالله اقوم من السرير واتعبتني وركبوها من الساعه يمكن 8 الصباح وقال بنتركها لمدة 6 ساعات او 7 وانا اتحرك بالقوه المهم حتى البنات اللي يطبقون في المستشفى خافوا علي الله يسعدهم ويرحموني احسن من الهنود البايخات اللي ما في قلوبهم رحمه يوم صارت الساعه 1ونص تقريبا الا ويجي السوداني قال بشيل لك البالون القسطره وما بتعورك وبكشف المهم شالها يابنات واكشف وافتح المويه قال الحين صار 7 سم ويم فتح الموية بغيت اموت من قبل العصر وادعي واتعلق اكثر بالله واتذكر درس عندنا في التوحيد ان من تعلق بشيء وكل اليه واتذكر اني كنت متعلقه في الحلتيت والخرابيط اللي تفتح الرحم وما انفتح لي قلت لازم اتعلق بالله اكثر وزميلاتي يدعون لي وتنصحني وحدة منهم اني ادعي الله بافضل اعمالي وادور يا بنات وش العمل الصالح اللي عندي ما لقيت شي الاا اني اذا نصحت وحده انصحها باخلاص وما ااتذكر عمل صالح الله المستعان واجلس ادعي وشريط التخطيط هذا على بطني المهم ويجيك الطلق يحمى واكلم امي واطمنها اني بخير ولا تخاف عليه اذا ولدت بعلمهم ويتصل اخويه ارسلت له رساله لاعاد احد يكلمني اذا ولدت برسل لكم المهم ويجي بعد المغرب ويزيد الطلق وازهم الدكتورة تكشف قالت لسا 7ونص باقي وانا كل مال الطلق احسه خلاص يعورني وويزيد ويقولون اذا جاك الطلق لاتدفعين خذي نفس ويعطوني اكسجين وارميه ما عاد قدرت اتحمل واصيح على الدكتورة قلت خلاص بيطلع وتجي تقول بكل برود لا لسا قلت اكشفي واصيح يا بنات المهم كشفت تصيح ولادة واسحبواالسرير والله انه حتى القفازات ما لبستها الاوهي جوا الغرفه وتقول اتحمل شوي لا تدفعين وارخي نفسك المهم انه طلع المحروس بفضل الله ورحمته بي له الحمد واجلس احمد الله واشكره وانا ابكي والله يا بنات وما انتبهت الا الدكتور المصري اللي رفضت يكشف عليه يدور في الغرفه والدكتوره تطلع المشيمه وهو ينزل السريرر ويقول لاتشدين نفسك وانا دمي يفور وش دخله بعد ما ولدت بالسلامه والحمد لله طلعت المشمه وبدات تخيط وهوه يقول سوي كذا ومدري ايش ما صدقت خلصت وطلعوني من غرفة الولادة وجلست في غرفة المخاض 4 ساعات ما طلعت الاحول الساعه 12 لانه جاني دوخه وهبوط في الضغط بس الحمد لله اني قمت بالسلامه وكنت اقول في خاطرباذن الله اتصدق بمناسبة سلامتي وباذن الله امسك لساني عن الغيبه لانكم تعرفون احنا يالحريم 24 ساعة غيبه واترك كل شي يغضب الله لان الله لطف بحالي له الحمد والشكر سبحانه جل في علاه وهذي قصة ولادتي واختصرت قولوا هذي وهي مختصره اجل لو بالتفصيل كان كيف
الحين انا تعبانه من الخياطه انفتحت غرزتين ذابت الخيوط وماقد التام الجرح والله يابنات مدري وش اسوي احط خوا جوا والا اروح للدكتورة في ابها والا ارجع لنفس المستشفى على فكره اناولدت في مستشفى النماص العام للي كانوا يسالوني والحمد لله اللي نجاني والله الوحده منا تاصل القبر وترجع المفروض انا نكثر من الصدقه والاستغفار والاعمال الصالحة لان رحمة ربي وسعت كل شي اسال الله ان يرحمني واياكن ويسهل على الاخوات اللي باقي حوامل والله يابنات كنت ادعي اقول يارب كما سهلت مدخله انك تسهل مخرجه وتجعل هذه الولادة بردا وسلاما علي كما جعلت النار بردا وسلاما على ابراهيم وكنت استغفر والح على الله في الدعاء واهم شي التعلق بالله لا تطلبين الا الله وكنت اقول فوضت امري لك يارب يارب ترحمني وتحمل ضعفي واسال الله باسمائه الحسنى اللي احفظها وتوته توته خلصت الحتوته
صار كتاب ما صارت قصه معليش طولت عليكم سامحوني

الحمدلله على سلامتكgory
الف الف مبروك حبيبه هودي يتربى بعزكم

الله يبارك بعمرك بس قولوالي يا بنات وين اروح كل ما اتذكر الولاده ابكي مما عانيته واتذكر الخياط اقول فوضت امري لله
بروح ابها بكره ان شاء الله واشوف وش بتقول الدكتوره هذا اذا لقيتها مداومه

السلااام عليكم

واخيرااا ابشركم ان اموري تيسرت و ولدت يوم الثلاثاء١٢/١٢ وجبت احلا بيبي

طبعا ولدت قبل ما اكمل التاسع باسبوعين ياربي لك الحمد

ولي باااك مع قصتي ع روااقه لاني حاليا تعبانه ومشغوله