طيات الزمن ... وين حسن البار ؟ .. وترى زوجي مو مقتنع اسويها بس انا ودي وان شاء الله اسويها في خير .. ودامك قلتي دكتور ما راح يوافق اصلا وانا ما ابغى دكتور الا سبحان الله للضرورة وان شاء الله ربي ما يحدني للدكاترة الرجال...ومشكورة على ردك يالغلا ...
انا اخر مرة راجعت قبل ما ادخل الرابع باسبوع وان شاء الله اراجع في اول الخامس عشان تصير مراجعتي شهريه لحد الولادة ان شاء الله ...

محارة اللؤلؤ
فيه عيادات البار اشعه رباعيه بنفس القيمه
واذا زوجك مايبي الدكتور فيه الدكتوره سوسن سوريه
انا رحت لها وسوت لي الاشعه
اذا رحتي اطلبيها بالاسم

سلااام كروشاااات ومفقوشااات هاااه اخبااركم؟؟

اسفه عالتأخير بس مثل ماتدرون ناس وزيارات وقروووشه ما افضى كثير

يلا تعالوا احكيلكم قصة ولادتي

جيتوا؟؟؟




يالله حيهم تفضلوا القهوه واستمتعوا بالقصة
انا ولدت بعد ما اخذت من التاسع اسبوعين بسسس والفضل بعد الله لابو الشباب هههههههههههه

طبعا بعد ما خلصت اسبوعين من التاسع ماكان عالبال ولا عالخاطر ان ولادتي قربت سبحان الله لاني ما انتظرتها احس اني ولدت بسرعه

وبحملي الاول لاني كنت انتظر عوشرت ^_^

الموووهيم

في ثاني يوم للعيد يوم 11 قبل الفجر كنا سهرانين انا وزوجي وحصل ........ ^_^ ومن بعده وانا احس اني مو طبيعيه ابد

بدت المغوص معي تروح وتجي وكانت خفيفه نمت وصحيت الظهر الا المغص زااااد

وكان يشددددددني لين اجلس فالارض ولاعاد اقدر اتحرك آآآآآه الله لا يحرمنا الاجر

وزوجي يقولي امشي المستشفى وانا رااافضه اقول مابروح لين اشوف علامه اقوى

ما ابي اروح ويلعبون فيني ولا قد قررت اي مستشفى اروحه

وصبرت على هالحال وجاني هذاك اليوم اخوي وزوجته واخواني الباقين وتعشوا عندي وانا ماعلمتهم بغيت اعتذر منهم قبل بس استحيت اعتذر وانا اللي عزم

فصبرت لين راحوا وقلت لزوجي صدقني اني مو مطوله الطلق مو راضي يخف او يوقف

وفالفجر ثالث ايام العيد يوم 12/12

قمت تروشت وحفيت وتجهزت كنت حاسه اني باولد وكنت اقعد تحت الدش واخليه دافي اقرب للحار واوجهه لبطني وظهري والطلق مستمررر

راح زوجي الدوام وقلتله اول ما ادق عليك تجي قال اووكي وانا رحت نقعتلي ملعقتين حلبه في مويه حاره وحليتها بعسل اصلي وغطيتها ورجعت نمت

فالعصر رجع زوجي وتغدا وطلع قالي لو تعبتي دقي علي قلت اوكي والطلق مستمرررر

وبعد ما طلع دخلت الحمام وانتو بكرامه ومسحت بفاين وطلعتلي الافرازات الورديه (السدادة)

وقتها عرفت اني خلاااص دقيت ع زوجي وجا طيرااان وشربت منقوع الحلبه بعد مازدت معه حليب وسخنته فالمايكرويف

طبعا من اول وانا كل فترة استخير اي مستشفى اروحه وكانت الخيارات الحياة وابها الخاص وللحين ماقررت قرار نهائي

فدق زوجي عالحياة وفعلا طلعت فرحات مو موجوده وانا ما ابي سهام الكل يسبها

فقلتله خلاص باتوكل على الله ونروح ابها الخاص بس اول ابي امر مستوصف قريب عشان اشوف الرحم فاتح كم سانتي

لاني ابي اودي ولدي عند امي فالخميس واخاف مايمديني

اخذت اغراضي ورحت مستوصف النميص عند د/ابتسام لان جاراتي يمدحونها

وقلتلها ابي اكشف قالتلي باسويلك سونار اول قلت اوك وسوتيلي وقاست الرحم
كان وضع الجنين الحمد لله تمااام والرحم مفتوح اربعه سانتي
وقعدت تقنعني اولد عندها عااااد انا سبحان الله على طول وافقت لانه كمان لو رحت ابها الخاص مو وقت مناوبة سهاد
وقالت بتسويلي خياطة تجميليه وبتعطيني ابرة الالم اللي فالمغذية
وهذا اللي كنت ابيه ابرة الالم
قلت لزوجي خلاص رح ود بدوري عند امي وتعال
وانا دقيت على امي قلتلها بدوري بيجيكم وانا الحين باولد ادعيلي
وياحياااااتي مره قلقت علي وما وقفت دعوات الله لايحرمني منها
هالمستوصف حلوة الولاده فيه بس العنايه لاااتقارن ابدا بالعناية فالحياة
هذولا ماعندهم لاجهاز تخطيط الطلق ولا نبض الجنين ومبناهم مستأجر عااادي
بس تعاملهم حلو طبعا اخذتني على غرفة الولاده ويلا بدو يطلعوني السرير بلبسي ما اعطوني لبس من عندهم ولا شي
واعطوني مغذيه وابرة فالفخذوبدا الطلق يشدددد معي وقاست الا وهو 9 سانتي انا تفائلت بالحلبه والعسل بعد الله اللي شربتها فالبيت لاني جربتها بولاداتي الثنتين والدكتوره تضمني وتبوسني وتقرا علي قرآن ومولعين قرآن فالمسجل
وانا ابلشتها هاه يادكتوره وين الابره تكفيييييين اعطيني الابره
واترجاها من شدة الالم والممرضه تفركني وتمسد بطني وانا اشيل يدها من الالم ما ابي احد يقرب مني
وكل شوي يزييييد الالم ويقرب واقولها احسه بيطلع وفعلا قالتلي ادفعي يلا بقوه وادفع وشوي الا وااااااااااااااااء واااااااااء وجبت احلا ميشوووو فالعالم الله يحفظه يارب
طبعا هي لما شافت الراس خلاص جاي اعطتني الابره في المغذيه وبعدها احس اني داااايخه اسمعهم واشوفهم بس كأني سكرانه ولا احس بشي
بس الم الطلق كللله حسيت فيه اللهم قبل خروج الراس يعطون الابره عشان ادفع معهم لانهم لو اعطوني من اول مابقدر ادفع
وعلقت بعدها على الحمد لله ساااعه وهو اخذوه ينظفونه ورا الستاره وانا قعدت تنظفني وتضغط بطني وانا اقولها خلاااااااص تكفين ابلشتها حتى وهي تخيط
وتقولي تحسين بشي اقول لا <<طيب وشوله تصارخين ^_^
وبعد اصمختهم اقولهم حطوا النونو ع صدري <<مسويه ام مثقفه وهم يقولون اصبري ننظفه

وبعدها قوموني الممرضات وودوني غرفة تنويم هالكلام صلاة العشا وجابوا اغراضي معي
والدكتوره جابتلنا دجاج شوايه ورز وببسي عايلي وخبز عشا ^_^ <<حسيت اني بطلعه مو بمستشفى ههههه
ورافق معي زوجي بس الله لا يوريكم كيف تعبني البنج حق ابرة الالم قعدت قرفاااانه وبس اتلوى من بطني المغص ذبحني
وزجي يحاول فيني اكل ويوم اكلت خبز بس شوي الا وانا مرررررررجعه كل شي وانتو بكرامه وبعدها احس اني ارتحت شوي
لاني رجعت البنج سبحان الله كل شي له ضريبه بس المغص بهذلني هالاسبوع كلللله وطلعت اليوم الثاني الظهر بعد ماجابتلنا الدكتوره ساندوتشات فطور وحليب وعصير
ملاحظاتي
الدكتورة شكلها فعلا شاطره بس كلامها كثيييير
الممرضات تعاملهم مره كويس
النظافه ماشفتهم نظفوا وانا هناك ابد بس الغرفه اللي حطوني فيها نظيفه
عيبهم ماعندهم جهاز تنادين الممرضه فيه بس اعطتنا رقمها ندق ع جوالها اذا نبيها
واسرتهم من اللي تنرفع من تحت مره متعبه كل شوي وزوجي يروح اخر السرير يرفعني وينزلني
اعطوني البيبي بعد ماا فحصوه وطعموه تطعيمتين الولاده بس بعدها ماعاد سألوا عنه ابدد
وطلبتهم بامبرز بعد طلعة روح اعطوني حبتين مررره بخلاء
واللي بتولد هناك احس ضروووري لها مرافق يوديها الحمام وانتو بكرامه ويسويلها السرير ويعتني بالبيبي وينادي الممرضات
ايه تذكرت بعد حاطين فالغرفة غلايه وسكر وحليب وكوفي وشاهي وطلبتهم دفايه لان الغرفة باردة وجابولي
ومرتني الدكتوره اليوم الثاني الصباااحبس تطمنت علي وقالتلي تعالي بعد اسبوع اشيك عالخياطه
الخياطه احسها كويسه واحسن من خياطة فرحااات ماتعبتني مره لكن ما اقدر احكم مضبوط الا بعد الاربعين وخاصة انها تجميليه
بولدي الاول ماجاني مغص بعد الولاده اما بهذا ذبحني المغص اسبوع والحين احس الخياطه بدت تشد الله يعين
الاسعار احسهم شوي يستغلون يعني ولادتي ب2900 والخياطه ب800 والتطعيمات ب300 واستدعاء الدكتوره ب100 والسونار ب200
المفروض كلها تدخل فالولاده بس يلا الحمد لله اهم شي اني تخارجت بخير
الف الحمد لله والشكر ما اتخيل اني باقي اسحب كرشتي ههههههه
عقبال الباقيات يااارب

صبايا جبت ولد ياقلبوووو

جودي
الف مبروك والله ييسر لنا يالباقيي