انا اول اقول لاهلي اذا نزل عندهم مطر ياحضكم والحين يوم نزل عندنا مررره خايفه اخاااف من الرعد مررره


والي خوفني اكثر خفت على زوجي الحمد الله شبك الخط معاي وتطمنت عليه

قل خوفي ههههههههههههههههههه



نرجع لمحور حديثنا اخر التطورات في بيتنا ركبو الا لمنيوم امس والشتر واليوم ركبو الطيق وامس ركبو باب الكراج

احس بيتنا بدى يتغير وزوجي احس كل ما نخلص مرحله احسه يرتاح

الله يتمم علينا ونسكنه بصحه وسلامه

باقي لنا بس نسوي جبس مجلس الرجال ومجلس النساء

ويو م رحت المدينه رحت محلات الجبس ولقيت جبس مرره روعه اخذته حق جدار الدرج وركبوووه طلع مررره يجننن مره عجبني اذا رحت بيتنا بصوره لكم

ماحبيت يكون جدارالدرج فاضي بس الحين صار حلو باقي الحين مدخل الرجال مادري وش اسوي فيه قلت بحط حجر وللحين مادري
قلت اذا رحت المدينه مره ثانيه بدور حركه حلوه بالجبس

وجبس غرفة نومي زوجي يقول احلى جبس في البيت عجبه مره

يقول لي سوي مجلس النساء نفس غفة النوم وش رايكم يبنات عادي يصير جبس غرفة النوم نفس جبس المجلس

انا اغلب البيت مسويته جبس الي فيه انوار مخفيه وفي الوسط يكون فاضي ويكون بس حركات بسيطه اذا عندكم صور جبس مخفي انواره لا تبخلو علي

والحوش تبلط نصه الحمد الله بس عندي حديقه داخليه زوجي يقول نحط فيها رمل عشان البنات يلعبون فيها قلت له لا مستحيل لانه هذي الحديقه يطل عليها مجلس الرجال والنساء والصاله ما يصير تصير رمل للا زم اسوي فيها حركات

اقتراحاتكم يبنات وبالصور لاني قلت لزوجي نجيب لها مصمم حدائق مو راضي يقول هذا بيتنا حنا نصمممه زي ما نبغى مو بيت المصمم

فا ساعدوني ابيها تصير حلوه لانه البيت يطل عليها حنا كنا بنسويها مسبح بس زوجي بطل خايف على البنات

وابواب الخشب خلصناها ورحت امس اختار الزجاج وزوجي وداني قبل المغرب بخمس دقايق وجلست ابي اختار عطاني كتلوجات كثيره وجلست اتصفح وزوجي فوق راسي بسرعه خلصي اختاري الزجاج قبل لا ياذن وانا ابي اتصفح كل الكتلوجات مارضى قال بسرعه والله اخترت بسرعه ومن رجعت وانا مقهوره من امس ما نمت وانا افكر بالي اخترت بيطلع حلو او لا ما احب الا ختيارات السريعه والله قاهرني هالرجال كل شي بسرعه بسرعه درابزين الدرج والا بواب خلني بسرعه اختارها الحين تصدقون الدرج ناسيه الشكل الي اخترته واذا مرينا حلى المحل اقول وقف عنده بشوف وش اخترت يقول خلاص تشوفينه في البيت فكينا نبي نخلص من هالبيت احس مره مقهور من هالبيت

انا كنت ابي الزجاج فيه حركات وملون بس الي اخترته مزهريه فيها ورد لونه بنفسحي وباقي الزجاج مثلج يعني الرسمه مرره ناعمه مافيها حركات كثيره انا اخترتها بنفسجي لانه مجلس النساء لون البويه حقته بنفسجيه

على انه بس مجلس النساء راح تكون زجاج بس بعدين اكتشفت انه بيسوي باب غرفة الطعام ومدخل الرجال نفس الباب ونفس الزاجاج لو قايلي من قبل انه ثلاث ابواب كان غيرت الا ختيار عشان يناسب جميع الغرف بس هو ما قال واقول له خلينا نرجع نغير يقول لا مستحيل ارجع والله امس ما نمت اقول كيف بيطلع لانه غرفة الطعام البويه حقتها بني واوف وايت مادري احسه ما يناسب
ومدخل الرجال شمواه ذهبي احس لون البنفسجي مو راكب والله انا مقهوره ومرات اقول كيفه يطلع الي يطلع

بحط لكم صور ابواب البيت وقولولي وش رايكم فيها

الله يستر بعد هالعجله هذي كلها ان شاء الله يطلع كل شي حلو

لا بنات الحمد الله انا بخير خف الرعد والبرق بس المطار لا زال مستمر ومره قوي

مشكوررررررات يبنات والله طمنتوني الله يخليكم لي يخواتي

ان شاء الله يكون واضح الباب التصوير مااش لكم عليه ههههههه

بحط لكم صور بيتنا بعد ما خلصنا اللياسه على شكل حجر طلع مرره حلووو

زين الحمد لله ع سلامتك وسلامة زوجك ومبروووك عليك الجبس نزلت قبل شوي الجبس اللي احبه بيتك نفي طريقته او غير؟؟؟

اهم شي انه عاجبك وربي يوفقك...بس بليز تكفين صور واجهة بيتكم ضروووري لاني مسويه زحمه هنا بواجهة بيتي واحس الطابوق اللي باللياسه هو اللي اقصده