الجزاء الثاني من حياتي ياوتاد

الأسرة والمجتمع

اسفه خواتي على التاخير المهم ماطول عليكم بعد الطلاق كنت ادعو الله بان يعوضني الله خير منه وكنت دائما اردد اللهم اجبرني في مصيبتي واخلفني خيرا منها
وحقا من ترك شياء لله عوضه الله خير منه
وبعد حياة مليئه بالمتاعب تزوجت من رجل متزوج ومعه اولاد ولكنه صاحب دين ولله الحمد والمنه عشت معه حياة لايشوبها نقص احسست ان الله يرد لي صبري ومعاناتي مع ذلك الرجل بهذا الانسان الرائع اعلم ان الكثير منكن تقول كيف الحياة سعيده مع رجل متزوج
اقول لكم كيف اذا احبك زوجك لاضير عنده الاولى اوالثانيه المهم ان تملكيه بحبك ومعاملتك ولاتنسي اهم شي مخافة الله بزوجته الثانيه سواء كانت الاولى اوالثانيه اذا وضعة ذلك نصب عينيك سوف تنعمي بحياة سعيده
والله ياخوات وخاصه ياوتاد وياعمري يالحساس اني من تزوجت الى الان لم ارى منه مأكره
ومعي منه الان اولاد وكل يوم يزداد حبي له وتعلقي به حتى انني دائما اقول ليتني لم احزن قط ولم يدخل الحزن الى قلبي لو كنت اعلم اني سوف الاقي كل هذا الخير
فياوتاد ابشري ان الله سوف يعوضك خير وسوف تذكرين هذا الحزن يوما وانت سعيده وتندمين عليه فالله لن يخيب عبدا دعاه واخلص معه في الدعاء
ونصيحتي لك اذا اصتصعبت الحياة مع زوجك استخيري الله واتركيه لايكلف الله نفس الا وسعها والله يقول في محكم اياته(وان يتفرقا يغن الله كل منسعته)
ولايهمك كلام المجتمع المهم حياتك انت وفقط
اما انت ياخت ياعمري يالحساس فاقول لك اصبري واحتسبي الاجر وحاولي ان تكسبي زوجك اليك انت بالتحبب اليه والتضحيه من اجله فهذا كله مما يحبب الزوج الى زوجته وانسي زوجته الثانيه وعيشي حياتك انت وهو فقط وكانه رايح الدوام والله هكذا ترضين جميع الطراف اولهم الله عز وجل برضاكي بالمقسوم لك ومن ثم زوجك وانت ولاننسا زوجته الثانيه فهي اخت لك ايضا واقرب الناس اليك :27:
اسفه على الاطاله ويكون بعلمكم هذي اول مره اكتب في النت فسامحوني على الاسلوب الركيك
والسلام عليكم :02:
37
3K

يلزم عليك تسجيل الدخول أولًا لكتابة تعليق.

تسجيل دخول

saudi girl
saudi girl
:44:
نثر الورد
نثر الورد
الحمدلله اللي عوضك بخير يأم اسامة الخير...
وفعلا الحياة ماتنتهي بالطلاق فلازم الوحدة تبدأ حياتها من جديد مع واحد يستاهلها وتنسى اللي اذاها.....
بس لك وحدة زيي وشلون تنسى شخص كان بمثابة اأب حاني وزوج محب كان محتوييني بكل عطفه وحنانه ورحمته وحبه المتدفق الفياض كان لي اب اكثر من كونه أب لأطفالي لاكنه مع هذا باعني ذنبي اني الثانية وداس على عواطفه
قال يبي يتخلص من المشاكل اللي ماتنتهي....
آسفة كدرت عليك فرحتك....الله يباركلك في حياتك وزوجك وأولادك ويآلف مابينك وبين ضرتك....
ام اسامة الخير
بالنسبه للخوات اللي قالو علشاني الزوجه الثانيه وموحاسه بالاولى اقولهم والله اني اكثر وحده حاسه فيها لو اقولكم اني اغير عليه حتى من الهواء ماصدقتو ومع هذا معطيه زوجته الاولى حقها وزياده تدرون كيف بصراحه انا ازورها وتزورني وحبايب مع بعض وقايله لزوجي شف تراني حالتك قدامها كاني ماني في الوجود انسى اني زوجتك خلاص انا واثقه من حبك ويكفيني اللي انت تعطيني من غير وجودها والله بالكالمات هذي ماتدرون شلون كسبت زوجي حتى هي زوجته تقول مومخليه لي فرصه علشان اكرهها هاه وش تبون بعد اكثر من هالاحساس وانا علشاني كذا معها احس ان الله كل ماله ويزيد علي من الاحسان والله يابنات راقبو الله في افعالكم تلاقون النتائج امامكم
والله ياخوات حتى اذا سافرنا ماجيب لها خبر اننا انبسطنا حتى الناس لما يسالون عن سفرتنا قدامها اقول عادي مافيها الا التعب بعكسها هيا لمايسافرو تتكلم لي وتقول انبسطنا حتى لو مانبسطو لان زوجي مايخبي علي شي ومع هذا والله اداريها واداري خاطرها بالمره والله يكتب لنا الاجر ومايضيع اعمالنا والله انا ماكتبت الا للفائده لاننا الان في زمن كثر فيه التعدد ولازم نرضى فيه علشان نعيش سعداء:27:
نثر الورد
نثر الورد
الله يجزاك خير امرأة حيية على الدعاء والله اني محتاجته......
والله يثبتني مع ان الجرح مهوب جديد بس مازال ينزف كأنه تو حاصل .....
ام اسامة الخير
الاخت الغاليه نثر الورد الله يجزاك خير بالنسبه لزوجك بما انك تقولي يحبك وحبه بكر ليش انت اللي ضحى فيك علشان
المشاكل ليش ماكانت هي انا مابي ازيد عليك همك بس ابغاك تتاكدي انه مايستاهل تحزني عليه ولو للحضه واحده خلا ص انسيه وعيشي حياتك من جديد انسي حبه وادعي الله ان الله يعوضك خير منه وكانه ضالمك والله راح تشوفين عقاب الله له عاجلآ غير اجل الا ضلم المرآه الضعيفه واسأل الله ان يصبرك وان يثبتك وان يربط الله على قلبك وان ينسيك همك وغمك------ آمين يارب العالمين:26: