فراشه فوشيه عسل @frashh_foshyh_aasl

عضوة فعالة

الجزاء من جنس العمل..قصة اب حدثت معي اليوم ابكاني بحررقه وهو يشتكي عقوق ابنائه

السلام عليكم ورحمة الله وبركـــاته .........كيفكم يابنات واش اخباركم يعلم الله اني احبكم في الله

اليوم يابنات قلقانه وقلبي حــزين حبيت انقل لكم اللي صار معاي اليوم مع رجال كبير بالسن وقصته مع ابنائه

..ووالله اني ماكتبتها للمدح ولا بهرجه ولا غيره .....كتبتها للعظه والعبره ولعلي اذكركم
(بشي ما ....( وذكر فإن الذكرى تنفع المؤمنين)

آآآه بكيت وبكى قلبي معاي ...اليوم يابنات في قسمي(قسم غسيل الكلا) جا عندنا مريض عشان

وقت غسيله جابوه اثنين من اولاده وجانا بوقت متأخر بعد ماخلصنا تركيب الغسيل لجميع المرضى

بدينا انا وزميلاتي نركب ماكينة الغسيل له ونجهزها وركبنا له الغسيل.. المريض كان تعبان يشكي من ظهره

الله يشفيه ....تدرون وش قصته يابنات ...آآه ياقلبي... المريض هذا متزوج اربع حريم ثلاث سعوديات

ومصريه(كلهم في بيت واحد من اربع شقق) وعنده من الاولاد ماشاء الله جل في علاه خمسين نفس تبارك الرحمن مطلق الثلاث سعوديات

ماعدا المصريه ...والله جانا وحالته يرثى لها حطوه اولاده وراحو ..ملابسه وسسخه وفيها بقع وكأن ثوبه

فيه رمل والناس بررررد وهو مريض غسيل ومركب قسطره قلبيه عشان الغسيل يعني كذا كذا بيبرد

من القسطره ..ولابس لبس صيييف اللهم هو الجوارب اللي شتويه واروح اجيب له بطانيه قال

فيه فطور(قصده من حق المرضى) قلت له اجيب لك قال تكفين جيبي لي جوعان قال امس مافطرت

ولا تعشيت ولاتغديت وجبناله فطور وكل شوي يتأووه من ظهره ويتألم بصوت عالي ...بدا يزيد تعبه

من القسطره مع الغسيل وجاته رجفه وسخونه ونادينا الدكتور ....المهم قال لنا نادو بنتي فلانه

عاد بنته هذي موظفه جديده عندنا بنفس المستشفى واتصلنا عليها وجت يوم جت مسكناها

انا وزميلاتي بمحاضره طويله عريضه .....والله يابنات هو الوحيد من مرضانا اللي لما يخلص غسيل

يروح لبيته على رجوله (بيتهم قريب للمستشفى بس والله مشوااار) هو الوحيد يجينا وحالته

حاله جوعان ومو نظييف واذا يبغا شي والممرضين مو مداومين نخلي العامل يوديه ويجيبه

واذا قلنا له تروح مع ولدك ولا جبنا طاري عياله بشي ضروري تخيلو يتألم ويقول

وايتمآآآآآآآآآآآآآآه >>خمسين ولد ويقول وايتماه ويقولها وهو يبكي .. آآآآه يعورني قلبي يوم

اشوفه يبكي >>رجال شايب كبير دموعه تحرق قلبي والله وتخلينا نبكي معاه ...والله يابنات

له اربع بنات مو وحده موظفات عندنا بالمستشفى ولاااااااحد يزوره حتى يوم يتنوم وهم

مدااااومااات مايمرونه الا وحده فيهم بس >>مصيبه والله.....اللي قاهرني عياله مناصب اللي بالعقار واللي

يدرسون خارج المملكه وبعضهم بنفس المنطقه موجودين تقريبا عشرين واحد واحيانا والله نخلي الممرض

اللي عندنا يروحه لبيته عشان مايروح على رجوله ....المهم يابنات اكمل حادثة اليوم يوم نادينا بنته

وبدينا نكلمها على حالة ابوها.. المصيبه انهم اربع عوايل بينهم عداوات شديده وبغض مو طبيييعي

والله ان البنت هذي اخواتها من ابوها كل وحده من حرمه يطلعون من نفس البيت وبنفس وقت الدوام

تخيلو ياحرام تجي على رجولها ومستحييل تركب بسيارة وحده منهم ومايشيلونها لو يشوفونها تمشي

بالشمس...طبعا اللي متحكمه براتب ابوهم المصريه ولا احد ياخذمنه غير عيالها ..المهم يوم كلمنا

البنت بالبدايه كانت ماسكه نفسها وتحكي لنا قالت( والله ثم والله يابنات اني ارجع من الدوام اجلس معه

ساعه ساعتين بمجلس البيت الخارجي اشوف وش يبغا واذا جا وقت ترويش والله يابنات انا ماااقدر عليه

ابغا احد يشيله معاي ويساعدني بالتنظيف ماالاقي.امي ومطلقها ماتحل له واختي تقول والله

ماتقدر عليه تعبانه ولحالي اسويه ومشكلة ابوي يتبول لاارادي على نفسه والحين برد واخواني

مسافرين اما اخواني من ابوي موجودين ووجودهم زي عدمهم..ياويلي ياويلي اذاكلمت واحد

فيهم) وجات بتكمل كلامها >>قطعت قلبي يابنات وانهارت وبدت تبكي والله يوم شفت عيونها

مليييانه دمووع وهي تكمل قالت (تحسبوني شايفه وساكته انا قلبي محروق على ابوي

كل هالعيال وكأنه يتيم وماعنده احد) >>>>والله بكيت معها وحسيت بخنقه ...جيت بهديها

قالت( والله اني قلت لأمي بجيب عامل عشان يغسله ويروشه لأني مااقدر عليه) وبدت تبكي

قلتلها خلاص ترا حنا والله مانبغا نحرجكي وكلمناكي بالموضوع والله عشان حالة ابوكي ماقدرنا

نسكت .....قالت( والله اني مو زعلانه وجزاكم الله خير اللي كلمتوني وانا يشهد الله اني

كل اللي بيدي سويته وحتى اذا تنوم بالمستشفى مااحد يزوره الا انا واخواتي من ابوي

مداومات ...واسأله جاك احد يقولي لا )>>> ... بعد هاهدينا البنت ورجعت لقسمها

وكويس المره هذي جو عياله واخذوه للبيت...........

سبحان الله والله يابنات الرجال هذا يوم كان بصحته كان معذب بنته هذي بالضرررب وووو

والحين مااحد شاله غير هي واخوانها اشقائها .....حتى لما يكتب له الدكتور وصفة

علاج ويقول له هذا العلاج خلي اولادك يجيبونه من خارج المستشفى على طول يبكي

ويقول انا ماعندي عيال ....>>>>آآآآآآآآآآآآآآآآآآآآآآآآآآآه يادمعة الشايب والله اليوم رجعت البيت

تعبانه وحزززينه من هذا المووووضوع اقسم بالله اني منسدحه عالفراش ودمعتي على خدي
.......................................................................................

........... مافكرو اولاده ان الجزاء من جنس الــعــــمــــل ...... يمكن تمر الايام والسنين وتدور

الدوااااير ويصير فيهم نفس ماصار في ابوهم ....حتى فرضا لو قلنا ان ابوهم معذبهم من زمان

ووقت ماكانو صغار او ظلمهم ....يكفي بس وصية رب العالمين في الوالدين .....سبحـــان الله

اعذروني اذا طولت عليكم ولكن ملخصي من موضوعي كله >>>>بروا آبائكم تـبـركــم

ابـنــــــــــــــائكم

ودمــــــتــــــــــــــــــم ســـــــــــــــــــــــــــــــــــــالمين:)

يلزم عليك تسجيل الدخول أولًا لكتابة تعليق.

تسجيل دخول

الشيخه شهرازاد • 12 سنة

يا الله لا تجعلنا عاقين ؟؟؟ يارب ارزقنا بر الوالدين

hnf • 12 سنة

لا اله الا الله

الواحد يسامح عدوه لاشافه منذل وضعيف وعلى وهن ؟؟؟؟

كيف لا صار ابوه والا امه ...

يا الله

يارب اغفر لابي وامي وارحمهما كما ربياني صغيرا ....

اتمنى يااختي تابعين حالته وتساعدين قدر ماتستطيعين .. قلوبنا ماهي قلوب يهود !!! قلوبنا رباها الاسلام على البر والعطف والاحسان ..

والله عجزت اقول اللي يعبر عن ماكتبتيه الا ان الله يهدي عياله الى مايحب الله ويرضى ويسخرهم لابوهم ..ويبرونه ويحسنون اليه

hnf • 12 سنة

متجر ضي القمر • 12 سنة

لاحول ولاقوة الا بالله يمكن يكون هو عصى والديه وهذا جزاء له ويمكن كان بار بهم وهذا ابتلاء

tom.tom • 12 سنة

الله يعين دنيا وسخه ماأدري على أيش نحبها معقوله فيه عيال بالقسوه هذه
يارب لاتبلانا إلا الام والاب البركه والرزق مايجي ألا من الله ثم منهم والله
ماكان يشرح صدري إلا دعاء أمي ألحين ماتت بس الحمدلله ماتت راضيه علينا
والحين أبويه الله لايحرمني منه أحرص أكلمه عشان آسمع منه كم دعوه
حاولوا تتواصلوا مع البنت وتساعدوها باللي تقدرواعليه