جمال الآن طبعا اللي مو لاعبه بنفسها
لأن من يومها بنت وفي بيت أهلها عناااايه ونادي وحركات


زمان حدها حنه وطبعا ماننكر فوايد الحنه
بس لو كان شعرها مقصف لييين اذونها ممنوع تقصه هههههه


ممنوع تشقير
ع ايامي ماشقرت الا يوم تخرجت من الثانوي 😂
الحمدالله ماكانت حواجبي تقل فلونه بس يبيلهن ترتيب من هنا ومن هون


ممنوع روج وهالخرابيط


بس والله ايام جمييله 🤗

اذا عندكم صور لزمان ارجعولها طبعا زمان اقصد قبل ٢٠ و٣٠ سنه شوفو كيف البشره الصافيه والشعر الكثافه واللمعه حتى بشرة الاطفال كانت احسن

صحيح كلامك لبس الثمانينات يجنن
كشختهم وتنانيرهم وجاكيتات رسميه كانت امي كذا
ولله للحين احب هذا الستايل
الحين السراويل مقصوله وبلايز شامره و شيء يسد النفس وقصات الله المستعان بس
البشره الحين فيه حلول للبشره وابر واشياء زي كذا يعني احسن من قبل
الشعر فعلاً زمان اجمل شعور ماتشوفين وحده شعرها مقصف وناشف من الصبغات والاستشوار حتى قصاتهم حلوه


والمكياج ماكان فن مثل الحين كان روج عنابي وكحله جوه العين وتفرص خدودها عشان تحمر .. بس فيهم جمال وجاااااذبيه

صادقه حتى شوفو فوازير زمان بالثمانينات والتسعينات رغم قل الوسائل البنات جمال وشعورهم تلمع والجسم مشدود واللبس حتى انوثي يختلفون عن بنات الحين
انا من ناحيتي اعتقد التغذيه الصحيه والطبيعيه لها دور

نعم جمال زمان كان احلى بس كان اقل عدد الجميلات
الحين الكل صار جميل والكل صار نسخة واحدة نفس الرموش نفس الشفايف نفس الخشم نفس الخدود نفس الشعر نفس الجسم وهذا في حد ذاته يفقد الجميلة جمالها
جلست فترة في بلد اجنبي الحريم فيه جميلات جيدا لكن بعد ثلاث سنوات من جلوسي عندهم صرت ما اشوفهن جميلات لانهم يتشابهون بشكل كبير والتشابه خلاني ما اشوف جمالهم بمعنى طفشت من شوفة نفس الشكل كان الشعب كله مطبوع في مطبعة رغم انه جمالهن طبيعي مو تجميل لكن بعض الشعوب الاوربية في استكتلندا وبريطانيا والسويد والدول ذي تحسون الشبه بينهم ما يفرق عن تشابه الكوريات يعني مثل ما الكوريات يتشابهون حتى الاوربيات بعد يتشابهون صحيح مو نسخة مثل الكوريات لكن البشرة الطول الشعر الخشم لون العيون كله نفسه لذلك مع جلوسي فترة حسيت انهم فقدوا جمالهم وما عدت اشوفهن جميلات بسبب التشابهة وتكرار المنظر
جمال زمان مميز مثل جمال نورا وبوسي الصريات وهند ابي اللمع اللبنانية
اضافة لانه ما كان فيه ابتذال كان التركيز على الشخصية مو على الشكل مثل الحين
حتى لو تحضرين مسلسل تحسين في تركيز على شخصية البطلة مو على شكلها فقط وهذا يخليك تحبينها
الجمال احيانا يكون مصدره الشخصية مو الشكل ولان خلق الله مو مثل صنع البشر
والدليل في ناس اسنانهم فيها طول او كسر وطالعة تجنن ويوم عدلوها قل جمالهم


وبعدين كانوا يختارون الممثلة على جمالها الحين يختارونها قليلة الجمال ويسمكرونها ويدهنونها بألوان الدهانات


واحساسنا ان الي قدامنا صناعي يخلينا ما نشوف الجمال