الجمال كل شي

مرحبًا بنات
والله بدون مبالغه كارهه نفسي بشكل
اول شي الحمدلله على الصحه والعافية
لكن يابنات اكتشفت كل شي بالحياة يمشي معك
زين على حسب شكلك وجمالك
انا الكبيره بين خواتي واقلهم جمال بشكل كبير
تزوجو كل اللي اصغر مني باقي وحده بالثانوي بس
كنت اشوف خواتي ماشاء الله تخطب وحده وراء الثانيه
والسبب الاول والأخير لجمالهم
لدرجه بنات اقاربي وحريم كبار يتكلمون
مع امي يقولون راحو بنات عشانهم حلوات وجميلات
وهالشي صحيح خواتي من ايام الثانوي وهم يخطبون
وعليهم مدح كثير
بين اقاربي انا عكسهم تماما معروفه اني الشينه السمراء اللي فلانه شعرها خشن !!
لكن دايم كنت اسمع
فلانه قلبها طيب وأطيب خواتها
ماشوف طيبتي نفعتني بشي !!
عمري تعدى الثلاثين ولا سوت لي اخلاقي
ولا طيبتي شي اقسم بالله اللي تقول الجمال مو مهم
كذابه او شينه وتلعب على نفسها
الجمال اكتشفت انه كل شي حتى بالبنك لو انك
معدلك كامل لكن شكلك مو حلو
وجسمك حلو وكشخه
مايبونك حتى بين أقاربك لما تصيرين حلوه
تشوفين الإعجاب والمدح بعيونهم والعكس تماما
لو انك
اقل من عاديه ماحد يشوفك شي !!
العاديه مهما تتحمل مايوضح فيها
عكس الحلوه لو حطت بس روج وكحل طلعت
ملكة جمال
حتى الزوج الاحظ يصبرون على الحلوه مهما كانت
شينه الخلاقه وتصير تدلع وتبي تسيطر وعادي عنده
لكن العاديه مايشوفه شي
مهما تسوي له وتدلع وتحبه وتطبخ وتهتم
يشوف انه واجب عليها الشي هذا !!