الجمال والمرأه

اكتب هذا الموضوع وفي هذا القسم بالتحديد ...لانه كثير اشوف هذا الموضوع اوالنقاش عليه بشكل او بأي آخر ..
بالاصح مو موضوع متكامل .. قد ما هو رأي شخصي وأطرحه للنقاش..
الجمال نعمه من ربي ..وربي موزعه بين الخلق لحكمه مثل اي نعمة ثانيه .. الأخلاق .. الذكاء .. التدين ..
اللي ابغى أقوله لما فرضا واحد ممكن يكون اجمل من زوجته .. او انه تزوج وحده اقل من جمال طليقته..
تجي البنت تقلب على بنت جنسها.. انه الرجال احلى ...كيف فكر انه يتزوج بنت اقل منه جمال .. على أساس ان جمال الرجل شي مقدس ..
احب أسال كل بنت ... هل تحبين انك مزهرية خاويه؟
هل تحببين ان الرجل يشوفك كصورة بدون مضمون؟
بصراحه لما اشوف او اقرا ان البنات يبالغون في تقدير الجمال .. أزعل .. احس كأننا سلعة .. وين تقدير واحترام الذات ..
هل انتي بس شكل بدون عقل او روح ..
وتزعل الوحده منهم اذا زوجها خانها او تزوج عليها بسبب الجمال .. لان احنا غذينا الفكره هذي في المجتمع .. خلينا ان لازم المرأة تكون اجمل الرجل .. عشان يكونون ثنائي مثالي ..
و كثير من رجال مجتمعنا تشبعو بهذي الفكره .. وهذا اللي يخليهم ينظرون للمرأة ك جماد مو كإنسان..
الرجل لما يفكر يتزوج حتى البنت لما تفكر تتزوج ..
كلهم يدورون الجمال .. مو بس الجمال الظاهري ..كمان جمال الروح .. الأخلاق .. الدين .. الاحترام ..
بصراحه انتمائي لبني جنسي .. اكبر من موضوع ثانوي مثل الجمال
يعني لما اشوف واحد جميل متزوج عاديه ..
ما اشوف انه رجل متفضل عليها زي ما الكثير للاسف يشوفون ...
اشوف بصراحه انها انسانه رائعة .. لان في هذا الزمن السطحي قدرت تلفت نظر رجل ما خضع لمفاهيم مغلوطة
الشاهد في هذا الموضوع ...
في النهايه لا يكون محور حياتك الرجل .. ولا تكوني عدوة بنات جنسك ..
انتي في الاول والاخير .. نصف المجتمع.. وتغيير المجتمع يبدأ من عندك..