نقشر الجمبري
وبعدين نتبله بالاتي:
ثوم + فلفل اخضر + ملح + كمون + شطة + عصير ليمون
وبعدين نسيبه في التتبيلة شوية
بعدها ننقعه في الدقيق 1/3 ساعة ثم نحمره في زيت غزير وساخن مع التقليب اثناء التحمير علشان ياخد لون موحد
ويقدم معاه:
1- سلطة بابا غنوج:
*تغسلي 1حبة باذنجان
*حطيها في الفرن تحت الشواية مع تقليبه علي كل الجهات حتي تستوي
*خرجيها من الفرن وافتحيها وفضي ال في قلبها بالمعلقة وحطيه في الخلاط او الكبة وضيفي عليها
ثوم مفروم + فلفل اخضر + طحينة + خل + عصير ليمون + ملح + كمون
+شطة
*اغرفيها في طبق وافرديها في الطبق وزينيها بالبقدونس وشرائح الليمون بتطلع خرافة معاكي
2-باذنجان بصلصةالطماطم:
*اغسلي الباذنجان وقطعيه شرايح ورشي عليه شويه ملح وخل علشان مايشربش زيت كتير اثناء القلي وسيبيه 5 دقايق
*اغسلي الباذنجان وحمرية في الزيت وحمري معاه قرون فلفل اخضر صحيحة
*انشليه علي ورق مطبخ
*حضري الصلصة وهي عبارة عن: يحمر الثوم في الزيت ثم يضاف عليه عصير الطماطم الطازة وتبليه بالملح والفلفل وسيبيه يتقل ثم خففيه بقليل من الماء القليل فقط بحيث يبقي سمكه زي الصوصات
*اضيفي عليه الباذنجان والفلفل المقلي وسبيهم علي النار 3 دقايق علشان يشربوا من الصوص
*نصيحتي ليكي ماتكتريش الزيت في الصلصه علشان ما تبقاش كتيرة يادوب ال يكفي لتحمير فصين ثوم
وممكن كمان تقدمي معاه سمك مقلي متبل بنفس تتبيلة الجمبري من جوه ومن بره ومتغطي بالدقيق
يلزم عليك تسجيل الدخول أولًا لكتابة تعليق.
**ام إيلان**
•
تسلمين عاد انا امووت بالجمبري
الصفحة الأخيرة