omfesal
•
والله مشكورة ياخت تفاحة وماقصرتي وواللة طمنتيني كثير الله يسلمك بس معليش عندي سؤال بنتي انشاالله راح يكون عمرها سنة بس ابغا اسال يستقبلوا اطفال في عمر شهر او اقل ويجزاكي اللة الف خير
هلا بيش أختي....نعم البعض يولدوا وياخذوا إسبوعين إجازة الأمومة ومن ثم يودو الطفل إلى الحضانه ...لا تخافي أختي كل الأعمار ياخذوا من إسبوعين إلى ماقبل المدرسة
ما يحتاج تشكرين غناتي حنا هنا نفيد ونستفيد ....ربما يجي يوم وأحتاج فيه لتجاربش أو تجارب أحد الأخوات
الصفحة الأخيرة
والله المربيات لا بئس بهم وياخذوا من أشهر إلى كبير قبل المدرسة عندهم مثل الروضه العاب كثيرة ...وبنسبة لسن لصغار كل مربية لها أربعة أطفال وتحضري الى طفلك الوجبه طبعاُ على حسب المدة أحيناً بكون عليش ضهر وأحيناً عصر وإلى كل طفل سرير وفي أسفل السرسر دولاب لأغراضة ويكون مكتوب عليه إسمه ...فإذا رحتي وبنتش نائمة تروحي لها على سريرها حتى تطمني عليه ...تسلميها المربية ...لازم أنتي إلى تستلميها من عندها ماتقدري تخلي أخت أو صديقة لش إلى إذا رحتي معاها الصباح وتقولي لها أنا اليوم عندي تأخير وأريد بنتي تروح البيت وهذي البنت راح تجي تستلمها وخلوش توقعي ...وهكذا ....لاتخافي عندهم نظام بس أنتي لا تستحي معهم من أي شيء إذا تحسي المربية بنتش مي مرتاح معاها أو مع الأطفال تحبي تغيري تقولي لهم السبب ويغيرو لش الفصل ....هذا حصل مع بنتي...كانت تحبي الحضانه وكان عمرها 6أشهر تقريباً ولما صار عمرها سنه كانت المربي غير والأطفال أيضاً صارت تخاف من أوصل تصايح ...وصرت ما أرتاح في المحاضرات وبعدين صرت أشوف شعرها يتعفس ومرة لقيت عضة في جسمها ....وخلاص رحت عصبت على السكرتارية وطلعت معها طفلة شريرة وكل الأطفال يخافوا منها ويسكتوا إذا نامت:21: وبعدين غيرت لها المربية والرتاحت أني أحيناً أروح أطمن عليها بس ما أخليها تشوفني لأن راح تصايح إذا شافتني
....وأسفه على الإطالة بس حبيت أفيدش من تجربتي
وطبعاً راح يطلبوا عليك صور صغيرة جداً وملونه مثل الجواز إلى ملفها وفصلها ويعلقوا في كل محل يعلقوا صور الأطفال وأسمائهم
وبسبة للمبلغ : ما أتذكر عدل يختلف من وقت إلى وقت ...يعني على حسب جدولش الدراسي ..متى راح توديها لهم ومتى تاخديها ؟؟؟......
وعليش كل شيء توديه معاها فطورة ومناديل وحفاظ وكل شيء تحتاجه مع لبسة ثانية غير لبستها حتى لو اطروا يغيروا لها...
وسلامتش...وأي شيء أني في الخدمة