كلنا جنوبيين غربيين


اول كان يسولف معي حاليا لا


انا فيني طبع التدقيق بالسوالف وصار مايسولف علي ولايرد على اتصالاه عندي
من غير المشكلتين الي قلتهم قبل


وبعد يحاول يرضي الناس على حساب نفسه وحسابنا احيانا احسه شحصيته ضعيفه ويخاف منهم






الله يجزاك الجنه ويسعدك ويجعلك من كل ضيق مخرج

ذكرت في الجزئيه السابقه انه يكره التدقيق و انتي بطريقتك هاذي خليتيه يكره يتكلم معك ..

مو ضعف شخصية قد ماهو تاثر سريع بانتقادات اللي حوله و خوف من انه يجرح او يحرج احد لانه حساس جدا .

بالنسبه للمشاكل اللي قبل ان شاء الله الجزئيه القادمه تجدين الحل .

امين يارب وياك وكل مسلم .

الجنوبي و التعود :



الجنوبي شخصيته تتاثر جدا باللي حولها و هالشي يخليها تتعود اشياء بسهوله ..



يعني ممكن يتعود منك مثلا ( الانجاز المتقن والسريع اذا انتي شماليه ) لانه كسول بعض الشي و يتخبط يعني يعمل كذا شيء في وقت واحد وبالاخير يكتشف انه ماانجز الا نصف المطلوب منه ..!



الجنوبي ممكن ياخذ منك طبع او تصرف تعمليه بشكل دائم مثلا ( كل يوم وقت مايروح الدوام تتطمني عليه برساله او اتصال ، وجاء يوم ماسويتيها على طول بيرسل او يتصل يتطمن وينك ؟؟!! )

او ( مثلا تعود انك ترسلي له صور طلعاتك مع اهلك و في مره مارسلتي تلاقيه يصور جلسته و يرسل ويتلصق ، لانه تعود منك شي وافتقده ) ..

هذه امثله تقريبيه فقط ..



مختصر كلامي السابق انه ضروري تستفيدين من هذه النقطه لصالحك ؛ عوديه على اشياء تنظم حياتكم ، تزيد نسبة الحب بينكم .. عوديه مثلا يكون بينكم رموز و اشياء لا يفهمها غيركم .



الجنوبي و الخيانه :



الجنوبي شخص يحتاج اهتمام متواصل والتصاق وتواصل جسدي مستمر ؛ فالهجر والابتعاد تتعبه وتدفعه للبحث عن بديل يوفر له متطلباته العاطفيه ..



يعني ممكن زوجة الجنوبي لو تروح ( فترة النفاس عند اهلها ) ترجع و زوجها متغير خصوصا اذا كان هذا الجنوبي ضعيف من الناحيه الدينيه ، فالحل بنظري ان تقلل فرص الابتعاد قدر الامكان ..



تعجبه وتروق له جلسات المصارحه برغباته ورغباتك العاطفيه و الجنسيه ؛ هالشي يعتبره تجديد و اعادة حيويه للحياة .. استفيدي من هذه النقطه و وقت ماتحسي انه بدا يمل او يتهرب اعملي جو رومانسي و جلسة مصارحه عاطفيه او جنسيه ( ممكن تكون مدح لاداءه ، او رغبة منك في حركه مبتكرة ، .... الخ ) .

اضمن لك انه سيبقى فترة مشغول بكلامك وتصريحاتك اما سعيد بالمدح او يجتهد لاسعادك ؛ و هينا حصلتي على مرادك واشغلتيه بك و بحياتكم عن اي شي ممكن يقع فريسه له ..



كذلك الجنوبي يحتاج اجازة زوجيه لفترة لا تطول عن اسبوع ؛ فقط ليشتاق و يرجع برغبة اقوى .. لكن ان زادت او طالت الاجازة سيبدا شوقه يتغير لمشاعر احتياج لاي احد يشبع عاطفته ، خصوصا اذا كان يعاني من ضعف الوازع الديني ..



والسؤال الان :

كيف اتصرف اذا حصلت الخيانه من الجنوبي ؟!!



بالبدايه الخيانه المقصوده ( مكالمات او دردشة كتابيه ، لا تصل لزنا او الخلوات المحرمه )

اذا كنتي متاكده من حب الجنوبي لك ؛ فأضمن لك ان خيانته سببها عدم اشباعك لعاطفته او رغباته فقطططط ..



بعض الاخوات اذا اكتشفت خيانته تواجهه مواجهه عنيفه و تنصدم انه زوجها الجنوبي يبكي ونادم وتستغرب ليش كل هذا صار ويرجع يبكي !!



بكاءه او ضيقه او تبريره لاخطاءه امامك هذا بحد ذاته دليل قاطع انه يحبك و لا يريد ان يخسرك ، لكن ذكرت سابقا انه فراغ و نقص ( ولا اعتقد ان في هذا الوقت من تجهل كيف تعالج الفراغ والنقص )



فالمواجهه العنيفه لا تحل المشكله بل تزيدها سوء و الجنوبي يكره ان يواجه باخطاءه و يكره الانتقاد القوي و ربما ياخذه العناد لتصرف يهدم حياتكم (يعني عادي يبدا يكلم و يدردش قدامك و يقهرك لانك واجهتيه بطريقه عنيفه، ولانه عرف ردة فعلك وماعندك الا صراخ و هواش او تهديدات ماصار منها شي و ينتهي الموضوع )



انتي الان امام مشكله اذا احسنتي التصرف راح ترجع حياتكم افضل من قبل واذا اساءتي راح تزيدين الطين بله !



الامر يحتاج تريث و حكمه ، اياك اياك اياك تهاجمين او تواجهين ( استخدمي اسلوب الشخصيه النرجسيه و المستقله عاطفيا ، وافردت لهن مواضيع خاصه + اعملي جلسات مصارحه اللي ذكرتها سابقا + حققي كل رغباته و جددي في كل شي ابتداء بشكلك وحتى مفرش سريرك + استخدمي اسلوب الاجازة الزوجيه لاسبوع و اجعليه يفتقد كل شي ويحس بمدى حاجته الحقيقيه له )



اذا حس باهتمامك وقربك وتجدد حياتكم راح يرجع لانك حبيبته قبل كل شي فقربك واهتمامك هو مبتغاه الاول .






ذكرت وحده من الاخوات ان زوجها يشاهد افلام اباحيه ، سبق وتكلمت في هذه النقطه ان الرجال وخصوصا المتزوجين يعتبرون هذه الاشياء ( ملهمه لهم ، او يثبتون او يتاكدون من شيء ، او بغرض مقارنة الاداء) ..



يعني لا تتوقعين ابدا انه يشاهد الاجسام و تفاصيلها لا فهو يشاهد ( كيفية الاداء + طريقة التجديد لا اكثر ) والمعذره على الجراءة لكن هذا مايحدث فعلا ..



اكبر دليل على صحة كلامي طلبات بعض الازواج ( اذا شاف شي مبتكر تلاقيه يسارع لتطبيق )



انا لا ابرر تصرفاتهم لكن اشرح طريقة تفكيرهم ؛ والحل بيدك انتي ( كوني انتي الملهمه له خليه كل ماشافك بشكل يحتار اي تفاصيلك الاحلى ، امدحي اداءه و رغبته لا تخلينه يبحث ويقارن بين نفسه وبين الرجال ، جددي ابتكري تغنجي تذكري الانثى اللي بداخلك )



هذا حل لكل الازواج و بأي نمط ..








الجزئية القادمة باذن الله عن :



1 / غضب الجنوبي .

2 / الفرق بين الجنوبي الشرقي و الجنوبي الغربي .



ارحب بأي اضافة او استفسار ..

يعطيج العافية أختي ❤

مشكوره ياروح القصيم على هالمعلومات
بس عندي نقطه مطفشتني اللي هي موضوع الطلعات والمشاوير مايحبها يعني اكثر طلعاتنا انا اطلبها مومن نفسه
كيف اخليه يحب الطلعات والمشاوير؟
وشخصيته جنوبي او جنوبي غربي