الجنين ميت. وعندي كم سؤال

السلام عليكم
والحمد لله على كل حال
أنا راجعت الدكتوره قبل رمضان بأسبوعين وقالت لي أني بالأسبوع 11 وكان الوضع تمام كل شي النبض وتخلق الجنين ومافيه اي مشاكل ابد
واليوم رحت وكان الجنين ميت ( الحمد لله على كل حال ) بس الغريب انها تقول الحين عمره 11 اسبوع ويومين بس. مع انه مر ع السونار الماضي 3 أسابيع واكثر. غير كذا الجنين كان مشوه مو مثل ماشفته اخر مره
أنا الحين عندي كم سؤال للي عندهم خبره بالموضوع
أنا معي تقلصات من 3 ايام هل اروح للمستشفيات ولا انتظر ينزل
واذا رحت المستشفى وش راح يسوون بالضبط ؟ تنظيف على طول ولا ايش بالضبط عشان ينزل < أنا ماودي اروح ويبهدلوني وينومني فتره طويله لان عندي عيال بالبيت فأبي اعرف الوضع بالضبط
بعدين هل أنا بعد التسقيط اعتبر الدم نفاس ولادوره
ومشكورين والله لايوريكم مكروه