الجنين ميت ... ومانزل حتى بعد عملية التنظيف!!؟؟

السلام عليكم ورحمة الله وبركاته

قدر الله وماشاء فعل ....

الجنين مافيه نبض ومتوقف نموه ... المفروض اني بدخل الاسبوع 11 وهو توقف عن النمو في 6 اسابيع

الدكتور خيرني انه ينزل وحده ... أو يعطيني حبوب ...أو مباشرة اعمل تنظيف لان في كل الأحوال لو نزل لوحده أو بالحبوب ممكن اضطر اعمل تنظيف


وبما ان كان عندي اجهاض سابق وكنت خايفه من التنظيف وقتها شربت اشياء دافيه ...وعسل وقرفه
وجربت ألم الطلق واتعذبت فيه ونزل الجنين بس مانظف الرحم وجاني بعدها نزيف شديد اضطريت اروح للمستشفى واعمل تنظيف ... وارتحت بعدها ونظفت بسرعه من الدم



طلبت من الدكتور نختصر المشوار واعمل التنظيف مباشره ...
رحت على موعدي واستغربت ان الدكتور ماعطاني اي شي يفتح الرحم مع اني سمعت انه لازم اول يكون مفتوح الرحم وانا ماكان ينزل علي اي افرازات ولادم ولاشي
وعلى طول دخلوني عمليات ...
وطلعت وانا تعبانه وآلام شديده بظهري وببطني واحس يتدفق مني دم غزير
ومغص واستغربت لاني بحملي الأول كان فيه ألم بس خفيف والدم كان بسيط جداً بعد العمليه

واتفاجأت بعدها ان عملية التنظيف مانجحت الجنين متثبت بقوه بالرحم والدكتور ماقدر يوصله ويعتقد ان عندي عيب خلقي بالرحم وخاف انه يكحت بزياده ويسبب لي مشكله في بطانة الرحم أو ثقب ففضل انه يتركه ينزل وحده

المشكله انه اعطاني تحاميل أعتقد انها تعمل طلق وطلب مني آخذها من بكره 4 حبات كل 12 ساعه
وبعدها ارجع اعمل تنظيف ثاني لو بقي شي بالرحم

وأنا من يوم ماعرفت يابنات نفسيتي تعبانه مو اعتراض على أمر الله لكن تعبت أمس كثير من البنج وعندي آلام شديده بظهري وبطني وكل جسمي يوجعني ومكسر بسبة البنج
والحين اقول الم الطلق أهون من اني أرجع اعمل تنظيف مره ثانيه خلال اقل من اسبوع

وخايفه ينزل الجنين ويبقى بقايا في الرحم وخايفه ماروح المستشفى ويجيني نزيف شديد زي المره الأولى خصوصاً عندي فقر دم

عملت بحث ... وقريت عن عشبة المدينه انها تنظف الرحم بس ماعرف كيف تستخدم ...
وهل هي تسبب نزيف ؟

اعطوني رايكم يابنات والله اني في هم مايعلمه الا ربي مابغى أدخل غرفة العمليات ... مره ثانيه

انا للحين ماخذت شي ...زوجي مو عندي وخفت أخذ شي ويجيني نزيف وهو مو معي

من بكره باخذ رشاد مع تمر واشرب قشر مع قرفه ويانسون كنت اشربها في اجهاضي الاول وتريحني ؟؟

اش رايكم وفيه شي ثاني تنصحوني فيه؟؟

وجزاكم الله خير

لا تنسوني من دعواتكم بان ربي يصبرني ويربط على قلبي و يعوض علي بالذرية الصالحه