الجن يهددوني ولا انا اتخيل ايش الموضوع بالضبط المجربات يدخلو

يا بنات من يوم سكنت الشقة هادي وانا مو مرتاحة ابدا ابدا ....:44:

والي زاد الطين بلة اتسلط علينا النمل بشكل رهيب في كل مكان نمل نمل اغسل واغسل وانضف بدون فائدة
اشترينا لصقات للنمل ولا كانها موجودة مع اني استخدمتها قبل كدا في البيت القديم وكانت ممتازة

بنتي الرضيعة الاقي حواليها نمل كل شوية حتى في الحمام نمل

من اكون داخلة غرفة النوم احس احد ماشي وراي التفت يطير كانه ضل كلمت زوجي مليون مرة عن

الموضوع ما صدقني

كنت جالسة في البيت لوحد شوي التفت كاني شفت اختي واقفة تتفرج علي لما ادقق الاقيها اختفت

ثلات مرات اشوفها وتختفي

صرنا نشغل صورة البقرة نوعا ما بدا النمل يختفي لكن بمجرد ما تتوقف يرجع :(

قبل اسبوع يمكن كنا خارجين واول ما دخلنا البيت بنتي الرضيعة بكت بشكل رهيب كان احد قرصها تبكي

كثير فجعتنا كانت مفجوعة مرة مسكها زوجي قعد يقرا عليها هديت ونامت دخلت الغرفة اشوف احط اختها

على السرير رجعت شفت الضل وراي التفت وهرب

اخر شي البارح دخلنا ننام قلت لزوجي شغل القران ودخلنا نمنا وخليناه شغال
نمت قعدت احلم باحد كانه يهددني قعد يطلع ديدان كبيرة وينشرها في البيت وانا اصرخ وجاب بنتي الرضيعة وقعد يطلع من فمها الشرايط حقت القران الي بشغلها في المسجلة وكانها تستفرغ يطلع من فمها بلاوي شرايط وديدان

قمت مفجوعة الحلم يخوف قبل كدا حلمت انهم يضربو بنتي الصغيرة :(
يعني ايش فيه الجني دا ما يبغا نشغل قران وايش سالفة الكاسط الي يطلع من فم بنتي اتفجعت صراحة