اكيد كثار مننا طاح جوالهم بالمويه
والي صار قبل يومين يضيق الصدر
ولدي عنده جوال جديد شاريه من شهرين بس
جا اخوه الصغير دخل فيه الحمام وطاح منه بالكرسي الافرنجي
تخيلوووووو :09:
جاني مصرووع وخايف ويبكي : جوال اخوي خربته
لقيته طافي .. اول نقطه لاتحاولين تشغلينه نهاائي لانو تحرقينه
فكيت الشريحه والذاكره والبطاريه وجففتهم بمنديل
جيت للجهاز .. والله ينقط مويه
جففته قد ما اقدر من المويه
وحطيته وين؟؟؟
بعلبه فيها ورق شاهي جاف وقفلت العلبه وتركته يوم كامل
من بكر الصبح ركبت الشريحه والبطاريه وشغلت الجوال
واشتغل ولله الحمد
طبعا هالفكره كنا نسويها زمان اذا الساعه دخل فيها مويه نحطها بعلبة الشاي
فيه ناس تحطه بالرز