الجاكيت ده عجبني قوي ونتيجته تحفه وينفع للجو البارد لانه ثقيل
وكل الوانه حلوه
هو سهل جداااا
وبتشتغليه بخيط تخين وعلي ابر مناسبه للخيط وبيخلص بسرعه قويييي
الابر اللي معمول بيها الجاكيت ابر 6.5
ولو حاتعملي الزراير كروشيه حاتحتاجي ابره رقم 5
الجاكيت اخد 100جرام واكتر شويه يعني كمان 25جرام تقريبا
شوفوا تطبيقي
ده بناتي
وده اولادي
وطبعا التزيين من عندي يعني لكي حريه الاختيار
الجاكيت بيبدا من اسفل الضهر وبتزودي للكمين وتمشي لغايه ماتخلصي عرض الكم وبعدين تقفلي غرز الكمين وتمشي لكل جانب من جانبي الامام لوحده
باختيارك خيط تخين وابر مناسبه حاتكون النتيجه
اولا جاكيت ثقيل ويدفي فعلا لابنك وفي تفس الوقت
ثانيا جميل وشيك
وثالثا يخلص في وقت قليل جداااا ممكن 3ساعات
ورابعا سهل جداااا لانه كله بغرزه النص عمود
حاتحتاجي
شله خيط 100جرام ويكون خيط تخين وبالنسبه لسن 12شهر حاتحتاجي خيط اكتر يعني ممكن تاخدي شويه من الشله الثانيه
كميه من خيط من لون تاني يكون لايق مع لون الشغل الاساسي
ممكن اي خيط عندك ولو رفيع اشتغلي بيه مجوز
ابره كروشيه مقاس 6,5مم
ابره مقاس اصغر علشان تعملي الزراير (اختياري)
عدد 2زرار وابره تطريز لتشطيب الجاكيت
6شهور مقاساته
الطول=10بوصه ---–ومحيط الصدر=20بوصه----وطول الكم=6.5بوصه
12شهر مقاساته
الطول =11بوصه------ومحيط الصدر =23بوصه------وطول الكم=7.5بوصه
المقاس بين القوسين لسن 12شهر وخارج القوسين لسن 6شهور
العينه
10نص عمود و8سطور=4بوصه =10سم
السويتر زي ماقلت مشغول من اسفل الضهر الي اعلاه –سلسلتي بدايه السطر تحسب كاول عمود فيه
الغرزه المستخدمه
غرزه النص عمود
غرزة النصف عمود
وغرزة النصف عمود = 2 غرزة سلسلة
طريقة العمل
.
غرزه الحشو
3-لفى الخيط من الخلف الى الامام على الابره واجذبى الابره بالخيط من خلال غرزه السلسله لتكونى عروه على الابره فيصبح على الابره غرزتان
4-لفى الخيط على الابره ثم اسحبى الخيط مره واحده من خلال الغرزتين فتصبح على الابره غرزه واحده
الغرزه المنزلقه او النائمه
طريقة عمل الغرزة المنزلقة
.
ابدئي علي 26(29)سلسله
السطر 1-نص عمود في ثالث سلسله من الابره – ثم نص عمود علي مدار السطر –ثم اعملي سلسلتين ولفي كده حايكون عندك25(28)نص عمود
السطور من2الي 9 نص عمود ثم سلسلتين ولفي
بالنسبه لسن 12شهر اعملي سطرين كمان
السطر 10- اعملي نص عمود علي مدار السطر واقفلي واقطعي الخيط
السطر 11- اضافه الاكمام
عملي 15(17)سلسله
اعملي 15(17)سلسله
ووجه الشغل في مواجهتك اعملي نص عمود في الغرزه اللي قفلتي عندها
(وانتي معاكي السلسله اللي بداتيها علي الابره )
شوفي في الصوره دي
اللي بالاخضر دي السلاسل اللي بداتيها (15-17) واللي بالاحمر اخر سلسله منهم
وبتلفي لفه علي الابره (الخيط اللي عليه اشاره بالاصفر )وبعدين دخلي الابره في لول غرزه من القطعه اللي لسه مخلصاها (الاشاره بالازرق)
واعملي نص عمود
في الصوره باين النص عمود بالاحمر والسلاسل واضحه والاشاره عليها بالاخضر ونقطه الاتصال بينهم في قمه النص عمود (النقطه بالاخضر)
كملي السطر بغرزه النص عمود حتي تهايته
وفي تهايه السطر اعملي 16(18)سلسله ولفي
السطر 12- دلوقت عندك الشكل 18سلسله وبعدين قطعه الضهر وبعدين 17 سلسله
كده عندك 55(62)نص عمود
اعملي 2سلسله ولفي
السطر 13-19اعملي نص عمود علي مدار السطر ثم سلسلتين ولفي
بالنسبه لمقاس 12شهر اعملي سطرين كمان ثم سلسلتين ولفي
السطر 20- اعملي 22(24)نص عمود ثم غرزه منزلقه في ال11(14)غرزه التاليه –ثم 22(24)نص عمود
اعملي سلسلتين ولفي
السطر 21-اعملي نص عمود في ال22(24)غرزه الاولي ولفي
ثم اعملي السطر 22علي ال22(24)غرزه ايضا
ثم سلسلتين ولفي