الجو عندنا بالكويت

السلام عليكم ورحمة الله وبركاتة

صبااااااح الخير يابنات عالم حواء

انا من الكويت والجو عندنا يخرع غبار واعوذ بالله لون السما برتقاليية
وربي خفت ترجع لنا العاصفة الي جت قبل اسابيع
توني اتصلت على خواتي قلتلهم لاتداومون لا انتم ولاعيالكم
طبعا هم ماصدقوا خبر ان الجو جذي عشان مايداومون ويكملون نومهم
طبعا انا عطيتهم اجازة من عندي هههههههه صرت وزيرة التربية
بس والله جد الجو يخوف
ذاك اليوم صار الجو جذي والاطفال بالمدارس
والمدرسات انحاشوا وهالوراعين مغير تصيح من الخوف
الناس ضيعت عيالها
اختي موظفة بوزارة تقول نحشنا انا وصديقاتي ورحنا للمديرة بنستأذن منها قبل نطلع لقيناها منحاشة قبلنا___ والله انه نذلة انحاشت وخلت موظفاتها
المناطق القريبة من الكويت مثل الحفر وغيرها ابيهم يقولون شلون الجو عندهم؟؟؟؟؟؟؟؟؟
الله يكفينا الشر

ولكم مني خالص التحية :)