والله عسى الواحد يوصل باهله علشان يوصل بجيرانه

رغم اني ساكنه لي اربع سنوات لكن ما ادري عن جيراني ولاهم يدرون عني :26:

روما 88 :26:
وش دعوه اختي لازم الواحد يوصل في الجيران لان الرسول صلى الله عليه وسلم وصى على سابع جار ولا احنا مجبرين تكون علاقتنا معهم مره ميانه لا تكون رسميه وبحدود
ومشكوره اختي ويعطيك العافيه على مرورك

انا كنت في حالي بس من تعرفت على جيراني تغيرت حياتي للاحلى ماادري شلون كنت عايشه بدونهم وصرنا ثلاثة وانا الرابعة منتهى الوناسه نسأل عن بعض واحيانا نستعير من بعض مواعين اواغراض طبخ وقت الزنقات اوحتى ملابس اوشنط يعني بالعربي زي اخواتي وبصراحة اذا طولت عنهم ماشفتهم احس ناقصني شيء الله لايخليني منهم ,,,,,,,

اما بالنسبة للتحضيرات طبعا بسيطة ومن شغل البيت او الجود من الموجود لكن اذا اجتمعنا اربعتنا يتغير الوضع يعني اسوي حلى وفطاير وهم احيانا يجيبون معهم اي شي اي طبق بسيط يعني الي تقدر وفاضية مو شرط يعني الي مالها خلق تلبس وتجي

تصدقين مو راضية اغير بيتي علشانهم لاني لو لفيت الدنيا ماالقى زيهم يكفي الراحة النفسية الي احسها معهم

(طقوا على الخشب) ههههههههههههههههههههه
بالعربي الله لايخليني منهم ان شاءالله يحبوني زي ما احبهم

آآآآآآآآآآآآآآآآآآآآآآآآآآآآآآآآآآآآآآآه يااختي جمره
موضوعك والله جا عالجرح انا ساكنه في حي سته سنوات ما اتعرفت الا على وحده بس
والادهى والامر انا انسانه اجتماعيه جدا واحب الناس.
المصيبه سلايفي الثنتين ساكنين جنبي ولا وحده فيهم يوم طقت بابي بالغلط .....
والله ماحب الرسميات بس انا شبعتهم روحات وهم على حالهم .. واخيرا سمعت كلام زوجي وابتعدت عنهم
دايما يقلي اياكي والسلايف...................والله ماشافوا مني الا كل خير وانا احبهم بس الله اعلم ايش في القلوب
:24: ادري طولت بس هالموضوع قاهرني بصراحه ...وحبيت افضفض......تحملوني:26:

كلامك اختي همس المدينه ذكرني بشئ ماحب اتذكره...اول ماتزوجت سكنت عند اهل زوجي سنتين وبعدها طلعت لبيت لحالي <<في الجبيل << محل عمل زوجي ...وكنت فرحانه بالاستقلال وكنت حابه اتعرف على كل جيراني ..لكن للاسف ماعطوني وجه ..حسبي الله ونعم الوكيل ... وطبعا هم يعرفونا لان ازواجهم مع زوجي في الشركه ...كنت ادقدق عليهم واعزمهم وكل ساعه طلعوا لي بعذر شكل وكانوا يتكلمون عني بالحي وهم مايعرفوني ..وكانت مرة صديق زوجي تنقلي اخبارهم ..انهم مايبون يتعرفون علي ..يقولون حنا مو قدها وقد فشخرتها ...رحت وسويت ...وبعدين ناس كل ساعه ناقزين بديره اكيد انها فري ... ومانبي ازواجنا يشوفونها ... كاني جايه من كوكب اخر ...بعدين اكتشفت ان مرة صديق زوجي هي اللي ناقله لهم الصوره الخاطئه عني ..مع اني كنت صغيره وهبله فاتحه لها بيتي واعطيها من اغراضي ..لا وارسل شغالتي تنظف بيتها ماكنت متوقعه انها حاسدتني ومانعه الجيران عني ومفهمتهم اني فري... الله ياخذ حقي ممن ظلمني ..وطبعا نقلت عن المتخلفين وسكنت في حي ثاني الناس فيه اهل خير ونعمه و صرنا مثل الاخوات ..