ألج اكتب شعر واكتب دواوين* والج ارسل رسايل وانتظــــــــــر رد
والج ياما الج ضحيت وانطيت *اجيــج بلا ذنب للحــــق واكعـــــــــــد
حكمتيني حكم ما تحكمه الناس* بلا جلسه وشهـــودآ ليـــه تشهــــــــــد
حكمج قاسي ظالم ما ترحمين *حكمتيني بسجــــن كلبــج مؤبـــــــــــد
حـبيتج مثل حب الطفل للفرح والعيد* مـا يـــكدر ينــــام ويـــنـطر الغـــــــد
يالوجهج شمس من تشرق شلون* ويالصوتج مثل صوت البلابل من تغرد
الج بسمه جميله وليلو مرصوف* اليشـــوف البسمــــه كـــــدامج يعيــــد
الج عين بسهمها صابت الروح* والج يالـــحلوه بـــــس كلــــبي تقيــــد
هنياله اليشوفج من تضحكين* وهنيــــاله اليوصف اوصافج شكـــــد
جميله ومن جماله الباري منطيج* الجمــــال المو طبيـــــعي لاهلــه يرد
كالتلي حبيبي لا تضن لا* الشفــــايف والرموش وحمرة الخــــد
طبيعيه ولا مر بيها مكياج* وحـــــق الله وعليــــه الله يشــــهــــد
واذا انت تحبي صدق يفلان* عـــــهــــد منـــي الك دوم يــتــجـــدد
بان ما اخون حبا وابقى وياك* ولا بــيناتنا يـــبــقى جـــفــا وصــــد
حبيتك انا واهواك يفلان* وكـــــل حجـــي الـعواذل ذاك يـــرد
انا لك وانت لي وحبنا يفلان* ربيــــع وما يضــــره ثــلج او بــرد
تواعدنه أنتلاكه وجنت فرحان* ومـــوعــدنا الجديـد يــكون عــالسـد
أربعاء انطر خميس افرح تجي اليوم *انتــظرت ايام جمــعه وسبــت واحـد
ما بانت كلت يمكن تجي اثنين* الــيــوم الاخــر مر وما كـــو احــــد
تيهت الحساب وصرت مجنون* كلــت يــمــكن حســابـي ما الـه حـد
ما يمكن تعوف ايامنا ذيج* ولا بــد مــا تجــي ويـمكن تجي الغد
ما بانت طلعت اسمع الاخبار* خـفـت صارلـها شـي وكـلـبي إنشــد
شفتها ومن شفتها ريته لا كان* هــذاك الـيــوم إنـه بـعـمري ينــعـــد
شفت ايديها بيده وثار بركان* بــكــلــبي بــعــد مـا كــلبي تجمـــــد
نار بصدري علكت مدري شلون *شــحــاجــيـهـا شــأكــلـلـهـا شــأردد
شافتني وكأنها تشوف تمثال* كـــعــدت تضحك وانا دموعي تردد
قصيدة حزن همها يشل الكلوب* حــرت شكتب عليها النوب واقصــد
اكتبلها غزل لو اكتب اوصاف* لــو اكــتــب خــيــانه بــليــل اســود
لو اكتب محبه وضاعت اليوم* رجـــعــت وما بــقــالي شــي باليــد
شعجب ذيج المحبه تصير تذ كار* وبــعـد ذيـج الابـواب البـاب ينـســد
تركتيني ابحر ما اشوفله حدود* وشــواطــيه بعـيــده وبــعـد ابــعــد
نوب انطر سفينه ونوب عوام* ونــوبــه جـزره ياخـذني على المـد
رجعت وكلبي ما طاوعني اندار* وعــكـلـي تـاه مـنـي وراد يــشــرد
رحت يم بيتها وفريت فرات* يــم غـــرفــتــها واكـــف واتنهــد
تكللها صديقتها الحلم ضاع* يــفــلانــه تــره العاشق مـمـجـــد
عودي لحبج الاول تفرحين* وعــودي لــلــيـالــي ذيـــج لــحـد
بعد ذيج الليالي تعودلي النوب* تــكـلي اعذرني حبي مكدر ابعــد
شيفيد العذر كلبي كسرتيه* عـلاقـتـنـا انـتـهت حدي والج حـد
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️