الحاجة ام الاختراع...بنات الى ما حصلت لبس الساونا علشان الخلطات ..تجي اقولها!

مرحبا كيفكم بنات...

شوفوا لا لف ولا دوران قبل فترة قراءت موضوع عن لبس الساونا وصاحبة الموضوع قالت انه رخيص ومتوفر حتى بكارفور...بصراحة دورت لحد ما تعبت ما حصلت اللبس حصلت نوع بس ثقيل جدا ومش عملي!وكمان غالي!! وينفع للي تبي تضعف ...


بس انا كنت ابيه للخلطات مالت الجسم...
الي تحتاج ان الجسم يتشربه يعني بدل ما اجلس بالحمام(وانتوا بكرامه) ساعتين واختنق البسه والبس علية جلابية وادور عادي بالبيت!!!

..

عاد وش سويت!!!!
قعت افكر يمين وشمال واقلب الفكرة براسي لحد ما ولعت اللمة على راسي!!


بس ها ترى لا تضحكون على الاختراع بصراحة قعت يوم كامل اشتغل في صنعه!!!


خيطت (افاروول) بروحي !!! تعرفو من شوا...

من النايلون الرول الشفاف الي يبيعونه عند ادوات البناء...كان باقي عندي منه لما كنت اصبغ غرفة ولدي..


وخيطه كأنه قماش بالضبط بالخيط والابرة بتقولي راح يتشقق..لا تخافي عن الخياطة اطوي مكان الخياطه مرتين ثلاث ثم خيطي بصراحة تعاملت معه بحذر ...وحطيت الاستك(المطاط) مكان الرقبة والمعصمين والقدم حنى ما يطلع الهواء او يدخل الهواء داخل..وجسمي يتعرق ويتشرب الخلطة...


وفعلا جربته حطيت زيت اللوز على كامل جسمي ولبست الرول ولبست عليه جلابية فضفاضة قديمة ...وما مر نص ساعة الا وانا ملايانه عرق لدرجة اني ما استحملت رحت واخذت دش بس بصراحة الفكرة طلعت تمام...




يا بلاش مش كذه...يالله لا تتكاسلى جربي ممكن لو ما عرفتي تعملي افاررول خيطيه قميص و بنطلون...ولما تلبسيه اربطي منطقه البطن بحزام حتى ما يدخل الهواء او يطلع من اللبس...!!!



ان شاء الله تكون الفكرة عجبتكم... ترى ادعولى الله يفرج كربتي في هالشهر الكريم ...

ويفرج كربة كل المسلمين آآآآمين يا رب العالمين





ام محمد